ಮೊದಲ ಬಾರಿಗೆ ಬೇಬಿ ಬಂಪ್ ಫೋಟೋ ಹಂಚಿಕೊಂಡ ರಾಮ್ ಚರಣ್ ಪತ್ನಿ

ಟಾಲಿವುಡ್ (Tollywood) ನಟ ರಾಮ್ ಚರಣ್- ಉಪಾಸನಾ (Upasana)  ಜೋಡಿ ಪೋಷಕರಾಗುತ್ತಿರುವ ಖುಷಿಯಲ್ಲಿದ್ದಾರೆ. ಮೆಗಾಸ್ಟಾರ್ ಕುಟುಂಬದಲ್ಲಿ ಸಂತಸ ಮನೆ ಮಾಡಿದೆ. ವಿಶ್ವ ತಾಯಂದಿರ ದಿನದಂದು ಬೇಬಿ ಬಂಪ್ (Baby Bump)ಫೋಟೋವನ್ನ ಉಪಾಸನಾ ರಿವೀಲ್ ಮಾಡಿದ್ದಾರೆ.

ರಾಮ್ ಚರಣ್- ಉಪಾಸನಾ 5 ವರ್ಷಗಳ ಕಾಲ ಪ್ರೀತಿಸಿ ಬಳಿಕ 2012ರಲ್ಲಿ ಮದುವೆಯಾದರು. ಇದೀಗ ವೈವಾಹಿಕ ಜೀವನದಲ್ಲಿ 10 ವರ್ಷಗಳ ಬಳಿಕ ಚೊಚ್ಚಲ ಮಗುವಿನ ನಿರೀಕ್ಷೆಯಲ್ಲಿ ಚರಣ್ ದಂಪತಿ ಇದ್ದಾರೆ. ಇದನ್ನೂ ಓದಿ:7 ತಿಂಗಳ ಬಳಿಕ ಮೊದಲ ಬಾರಿಗೆ ಮಗಳ ಮುಖ ರಿವೀಲ್ ಮಾಡಿದ ಧ್ರುವ ಸರ್ಜಾ

ಮೊದಲ ಬಾರಿಗೆ ತನ್ನ ಬೇಬಿ ಬಂಪ್ ಲುಕ್‌ನ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡ್ತಿದ್ದಾರೆ. ಸರಿಯಾದ ಕಾರಣಗಳಿಗಾಗಿ ನಾನು ಮಾತೃತ್ವವನ್ನ ಸ್ವೀಕರಿಸಲು ಹೆಮ್ಮೆ ಪಡುತ್ತೇನೆ. ಸಮಾಜದ ನಿರೀಕ್ಷೆಗಳಿಗೆ ಅನುಗುಣವಾಗಿ ಅಥವಾ ಹೊಂದಿಕೊಳ್ಳಲು ನಾನು ತಾಯಿಯಾಗಿಲ್ಲ. ನನ್ನ ಮಗ/ಮಗಳು ಅರ್ಹಪಡುವ ಎಲ್ಲಾ ಪ್ರೀತಿಯನ್ನು ನೀಡಲು ಭಾವನಾತ್ಮಕವಾಗಿ ಸಿದ್ಧಳಾಗಿದ್ದೇನೆ. ನನ್ನ ಮೊದಲ ತಾಯಂದಿರ ದಿನವನ್ನು ಆಚರಿಸುತ್ತಿದ್ದೇನೆ ಎಂದು ಬರೆದುಕೊಂಡಿದ್ದಾರೆ.

 

View this post on Instagram

 

A post shared by Upasana Kamineni Konidela (@upasanakaminenikonidela)

ಈ ಪೋಸ್ಟ್‌ಗೆ ನಟಿ ಸಮಂತಾ ರಿಯಾಕ್ಟ್ ಮಾಡಿ, ‘ಹ್ಯಾಪಿ ಮದರ್ಸ್ ಡೇ ಬ್ಯೂಟಿಫುಲ್’ ಎಂದಿದ್ದಾರೆ. ಕಾಜಲ್ ಅಗರ್‌ವಾಲ್, ಹ್ಯಾಪಿ ಮದರ್ಸ್ ಡೇ ಲವ್ಲಿ ಮಮ್ಮಿ ಎಂದಿದ್ದಾರೆ. ಈ ಮೂಲಕ ರಾಮ್ ಚರಣ್ ಪತ್ನಿಗೆ ಅಭಿಮಾನಿಗಳು ಶುಭಹಾರೈಸಿದ್ದಾರೆ.