ಹೈದರಾಬಾದ್: ಕೆಲವು ದಿನಗಳ ಹಿಂದೆ ರಾಮ ಯಾರು, ರಾವಣ ಯಾರು ಅನ್ನೊ ಮಾತುಕಥೆ ಸ್ಯಾಂಡಲ್‍ವುಡ್‍ ನಲ್ಲೂ ಜೋರಾಗಿತ್ತು. ಈಗ ಇದೇ ಪ್ರಶ್ನೆ ಟಾಲಿವುಡ್‍ನಲ್ಲಿ ಶುರುವಾಗಿದೆ. ಅದಕ್ಕೆ ಕಾರಣ ರಾಜಮೌಳಿ ಸಾರಥ್ಯದ ಹೊಚ್ಚಹೊಸ ಸಿನಿಮಾವಾಗಿದೆ. ಚಿತ್ರತಂಡ ಆರ್ ಆರ್ ಆರ್ ಅಂತ ವರ್ಕಿಂಗ್ ಟೈಟಲ್ ಫಿಕ್ಸ್ ಮಾಡಿಕೊಂಡಿತ್ತು. ಈಗ ಈ ಸಿನಿಮಾ ಟೈಟಲ್ ಬಗ್ಗೆ ತೆಲುಗು ನಾಡಿನಲ್ಲಿ ಚರ್ಚೆ ಶುರುವಾಗಿದೆ.
ರಾಜಮೌಳಿ ಅವರು ಸಿನಿಮಾ ಮುಹೂರ್ತ ಆಗುತ್ತಿದ್ದಂತೆ ಟೈಟಲ್ ಅನೌನ್ಸ್ ಮಾಡುತ್ತಿದ್ದರು. ಆದರೆ ಈಗ ಶೂಟಿಂಗ್ ಕಂಪ್ಲೀಟ್ ಆದ ಮೇಲೆ ಟೈಟಲ್ ಅನೌನ್ಸ್ ಮಾಡುತ್ತೇನೆ ಎಂದಿದ್ದಾರೆ. ಆದರೆ ಮೂಲಗಳ ಪ್ರಕಾರ ಒಂದಿಷ್ಟು ಹೆಸರುಗಳು ಟಾಲಿವುಡ್‍ನಲ್ಲಿ ಸೌಂಡ್ ಮಾಡುತ್ತಿವೆ. ಅದರಲ್ಲಿ ‘ರಾಮರಾವಣ ರಾಜ್ಯಂ’ ಪ್ರಮುಖವಾದ ಹೆಸರಾಗಿದೆ.
Advertisement
Advertisement
ಥ್ರಿಬಲ್ ಆರ್ ಅನ್ನೊ ವರ್ಕಿಂಗ್ ಟೈಟಲ್‍ಗೆ ಮ್ಯಾಚ್ ಆಗುವಂತೆ ಹೊಸ ಸಿನಿಮಾದ ಹೆಸರನ್ನು ರಾಜಮೌಳಿ ಹುಡುಕುತ್ತಿದ್ದು,`ರಾಮರಾವಣ ರಾಜ್ಯಂ’ ಟೈಟಲ್ ಸೂಟ್ ಆಗುತ್ತಾ, ಒಮ್ಮೆ ನೋಡಿ ಅಂತ ಚಿತ್ರತಂಡದ ಸದಸ್ಯರಿಗೂ ಹೇಳಿದ್ದಾರಂತೆ. ಈ ಟೈಟಲ್ ಕೇಳಿದ ರಾಮ್‍ಚರಣ್ ಹಾಗೂ ಜೂನಿಯರ್ ಎನ್‍ಟಿಆರ್ ಅಭಿಮಾನಿಗಳು ಹಾಗಾದರೆ ರಾಮ ಯಾರು ರಾವಣ ಯಾರು ಅನ್ನೊದ್ರ ಬಗ್ಗೆ ಚರ್ಚೆ ಶುರು ಮಾಡಿಕೊಂಡಿದ್ದಾರೆ.
Advertisement
ಇದೇ ಟೈಟಲ್ ಫೈನಲ್ ಆಗುತ್ತಾ ಇಲ್ವಾ ಅನ್ನೊದು ಕನ್ಫರ್ಮ್ ಆಗಬೇಕು ಎಂದರೆ ಸಂಕ್ರಾತಿ ಹಬ್ಬದವರೆಗೂ ಕಾಯಬೇಕು. ಯಾಕೆಂದರೆ ಚಿತ್ರತಂಡ ಸದ್ಯಕ್ಕೆ ಫಸ್ಟ್ ಶೆಡ್ಯೂಲ್ ಕಂಪ್ಲೀಟ್ ಮಾಡಿದ್ದು, ಹಬ್ಬ ಆದ ಮೇಲೆ ಸೆಕೆಂಡ್ ಶೆಡ್ಯೂಲ್ ಪ್ಲಾನ್ ಮಾಡಿದೆ. ಸೆಕೆಂಡ್ ಶೆಡ್ಯೂಲ್ ಶೂಟಿಂಗ್ ಕಂಪ್ಲೀಟ್ ಆದ ಮೇಲೆ ರಾಜ್‍ಮೌಳಿ ಅವರು ಟೈಟಲ್ ಅನೌನ್ಸ್ ಮಾಡುತ್ತಾರೆ.
Advertisement
ಸದ್ಯಕ್ಕೆ ಈ `ರಾಮರಾವಣ ರಾಜ್ಯಂ’ ಜೊತೆ ರಾಜಸಿಂಹ ಅನ್ನೊ ಟೈಟಲ್ ಕೂಡ ಸೌಂಡ್ ಮಾಡುತ್ತಿದೆ. ರಾಜಮೌಳಿ ಅವರು ಯಾವ ಟೈಟಲ್ ಅನ್ನು ಫೈನಲ್ ಮಾಡುತ್ತಾರೋ ಅನ್ನೊದನ್ನ ಕಾದುನೋಡಬೇಕಿದೆ
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv, ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
