ರಾಹುಲ್ ಗಾಂಧಿಯ ಟ್ರೋಲ್‍ಗೆ ಕರ್ನಾಟಕವನ್ನು ಉದಾಹರಿಸಿ ಟಾಂಗ್ ಕೊಟ್ಟ ಬಿಜೆಪಿ!

ನವದೆಹಲಿ: ಬಿಜೆಪಿಯನ್ನು ಗುರಿ ಮಾಡಿ ಕಾಲೆಳೆದ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿಗೆ ಬಿಜೆಪಿ ಕರ್ನಾಟಕ ಸರ್ಕಾರ ವಸ್ತು ಸ್ಥಿತಿಯನ್ನು ಉದಾಹಣೆ ನೀಡಿ ಟಾಂಗ್ ಕೊಟ್ಟಿದೆ.

ಸದ್ಯ ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರ ಆರೋಗ್ಯ ತಪಾಸಣೆ ಮೇರೆಗೆ ತಾಯಿಯೊಂದಿಗೆ ರಾಹುಲ್ ಗಾಂಧಿ ವಿದೇಶಕ್ಕೆ ತೆರಳಿದ್ದಾರೆ. ಇದಕ್ಕೂ ಮುನ್ನ ಟ್ವೀಟ್ ಮಾಡಿರುವ ಅವರು, ಸದ್ಯ ವಿದೇಶಕ್ಕೆ ತೆರಳುತ್ತಿದ್ದು, ಬಿಜೆಪಿ ಟ್ರೋಲ್ ಸ್ನೇಹಿತರೇ ತಾನು ಭಾರತದಲ್ಲಿ ಇಲ್ಲ ಎಂದು ತುಂಬಾ ಕೆಲಸ ಮಾಡಬೇಡಿ. ನಾನು ಶೀಘ್ರದಲ್ಲಿಯೇ ಹಿಂತಿರುಗುತ್ತೇನೆ ಎಂದು ಹೇಳಿ ಕಾಲೆಳೆದಿದ್ದರು.

Will be out of India for a few days, accompanying Sonia ji to her annual medical check up.

To my friends in the BJP social media troll army: don’t get too worked up…I'll be back soon!

— Rahul Gandhi (@RahulGandhi) May 27, 2018

ಸದ್ಯ ರಾಹುಲ್ ಟ್ವೀಟ್ ಟಾಂಗ್ ನೀಡಿ ಪ್ರತಿಕ್ರಿಯೆ ನೀಡಿರುವ ಬಿಜೆಪಿ, ನಾವು ಸೋನಿಯಾ ಗಾಂಧಿ ಅವರ ಆರೋಗ್ಯ ಉತ್ತಮವಾಗಿರಲಿ ಎಂದು ಬಯಸುತ್ತೇವೆ. ಆದರೆ ಕರ್ನಾಟಕದ ಹೆಣ್ಣು ಮಕ್ಕಳು ಸರ್ಕಾರದ ರಚನೆ ಕುರಿತು ಎದುರು ನೋಡುತ್ತಿದ್ದು, ಅವರಿಗೆ ರಾಜ್ಯ ಸರ್ಕಾರ ತನ್ನ ಸೇವೆಯನ್ನು ಆರಂಭಿಸಲಿದೆಯೇ? ನೀವು ವಿದೇಶಕ್ಕೆ ತೆರಳುವ ಮುನ್ನ ಕರ್ನಾಟಕ ಸರ್ಕಾರ ರಚನೆ ಸಾಧ್ಯವೇ ಎಂದು ಪ್ರಶ್ನಿಸಿದೆ. ಅಷ್ಟೇ ಅಲ್ಲದೇ ನೀವು ಅಲ್ಲಿಂದಲೇ ನಮಗೆ ಮನರಂಜನೆ ನೀಡುತ್ತೀರಿ ಎಂದು ಸೋಷಿಯಲ್ ಮೀಡಿಯಾದಲ್ಲಿರುವ ಪ್ರತಿಯೊಬ್ಬರು ನಂಬಿಕೆ ಇಟ್ಟಿದ್ದಾರೆ ಎಂದು ಬರೆದು ಕಾಲೆಳೆದಿದೆ.

We wish well for Sonia ji’s health.

Women of Karnataka also await Cabinet formation so that the state Govt can start serving them. Can you ensure Karnataka gets a working Govt before you leave?

Everyone on social media hopes that you will keep us entertained from there too 🙂 https://t.co/doxO36Xva8

— BJP (@BJP4India) May 28, 2018

ಸೋನಿಯಾ ಗಾಂಧಿ ಅವರ ವೈದ್ಯಕೀಯ ಪರೀಕ್ಷೆಗೆ ರಾಹುಲ್ ಗಾಂಧಿ ಅವರು ಸೇರಿ ಭಾನುವಾರ ರಾತ್ರಿ ವಿದೇಶಕ್ಕೆ ತೆರಳಿದ್ದಾರೆ. 2011 ರಲ್ಲಿ ಸರ್ಜರಿ ಒಳಗಾಗಿದ್ದ ಸೋನಿಯಾ ಗಾಂಧಿ ಅವರು ಸದ್ಯ ಸಾಮಾನ್ಯ ಚಿಕಿತ್ಸೆಗಾಗಿ ತೆರಳಿದ್ದಾರೆ. ಒಂದು ವಾರದಲ್ಲಿ ರಾಹುಲ್ ಗಾಂಧಿ ಹಿಂದಿರುಗುವ ಸಾಧ್ಯತೆ ಇದ್ದು, ಸೋನಿಯಾ ಗಾಂಧಿ ಅವರು ಕೆಲ ದಿನಗಳ ಕಾಲ ವಿದೇಶದಲ್ಲೇ ಉಳಿಯಲಿದ್ದಾರೆ ಎಂಬ ಮಾಹಿತಿ ಲಭಿಸಿದೆ.

ರಾಹುಲ್ ವಿದೇಶಕ್ಕೆ ತೆರಳಿದ ಕಾರಣ ಕರ್ನಾಟಕದ ಸಮ್ಮಿಶ್ರ ಸರ್ಕಾರದ ಸಂಪುಟ ರಚನೆ ತಡವಾಗುವ ಸಾಧ್ಯತೆಯಿದೆ. ಕಾಂಗ್ರೆಸ್ ಹಾಗೂ ಜೆಡಿಎಸ್ ಎರಡು ಪಕ್ಷಗಳು ಪ್ರಮುಖ ಖಾತೆಗಳಿಗೆ ಬೇಡಿಕೆ ಇಟ್ಟಿದ್ದು, ಸಂಪುಟ ರಚನೆ ಪ್ರಹಸನ ಮುಂದುವರಿಯಲು ಕಾರಣವಾಗಿದೆ ಎಂಬ ಮಾಹಿತಿ ಲಭಿಸಿದೆ.