ಚಿಕ್ಕಬಳ್ಳಾಪುರ: ಕೃಷಿ ಮೇಳದಲ್ಲಿ ಆಯೋಜನೆಗೊಂಡಿದ್ದ ರಾಗಿ ಮುದ್ದೆ ತಿನ್ನುವ ಸ್ಪರ್ಧೆ ಇಂದು ಎಲ್ಲರಿಗೂ ಮನರಂಜನೆ ಒದಗಿಸಿದೆ.
ಸ್ಪರ್ಧೆಯಲ್ಲಿ ಮುದ್ದೆ ತಿನ್ನಲು 10 ನಿಮಿಷ ಸಮಯ ನೀಡಲಾಗಿತ್ತು. ಆದರೆ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಜನರು ಮೂರೇ ನಿಮಿಷದಲ್ಲಿ ಮುದ್ದೆಗಳನ್ನು ತಿಂದು ಬೀಗಿದ್ದಾರೆ. ಈ ವೇಳೆ ಸ್ಪರ್ಧೆಯನ್ನು ಮೂರು ನಿಮಿಷಗಳಿಗೆ ಕಡಿತಗೊಳಿಸಲಾಗಿತ್ತು.
ಶಿಡ್ಲಘಟ್ಟ ತಾಲೂಕಿನ ಕಾಕಚಚೊಕ್ಕಂಡಹಳ್ಳಿ ಗ್ರಾಮದ ನಾಗೇಶ್ ಕುಮಾರ್ 7 ಮುದ್ದೆಗಳನ್ನು ತಿನ್ನುವ ಮೂಲಕ ಮೊದಲ ಸ್ಥಾನ ಪಡೆದುಕೊಂಡರು. ಉಳಿದಂತೆ ತುಳಸಿ ರಾಮೇಗೌಡ, ಶಿವಪ್ಪ, ಕರಗಪ್ಪ 5 ಮುದ್ದೆಗಳನ್ನ ತಿನ್ನುವ ಮೂಲಕ ನಂತರದ ಸ್ಥಾನಗಳನ್ನು ಪಡೆದುಕೊಂಡರು.
ಇದೇ ವೇಳೆ 50 ಕೆ.ಜಿ ಮೂಟೆ ಎತ್ತುವ ಸ್ಪರ್ಧೆಯನ್ನು ರೈತರಿಗೆ ಆಯೋಜಿಸಲಾಗಿತ್ತು. ಇದರಲ್ಲಿ 22 ಜನ ರೈತರು ಭಾಗವಹಿಸಿದ್ದು, ಕೆಜಿಎಫ್ ನ ತುಳಸಿರಾಮೇಗೌಡ ಮೊದಲ ಸ್ಥಾನಪಡೆದುಕೊಂಡರೆ, ಮನು ದ್ವಿತೀಯ, ಆಂಜನೇಯರೆಡ್ಡಿ ತೃತೀಯ ಸ್ಥಾನ ಪಡೆದುಕೊಂಡಿದ್ದಾರೆ. ಒಟ್ಟಾರೆ ಮೇಳದಲ್ಲಿ ಮೂಟೆ ಹೊರುವ ಹಾಗೂ ಮುದ್ದೇ ತಿನ್ನುವ ಸ್ಪರ್ಧೆಗಳು ಎಲ್ಲರ ಗಮನ ಸೆಳೆದವು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್ಲೋಡ್ ಮಾಡಿ: play.google.com/publictv
