ಆರೋಗ್ಯಕರವಾದ ರಾಗಿ ಮಾಲ್ಟ್ ಮಾಡೋ ವಿಧಾನ

Public TV
1 Min Read
ragi malt recipe

ಕೊರೊನಾ ಲಾಕ್‍ಡೌನ್ ಇಂದಿನಿಂದ ಸಡಿಲಿಕೆ ಆಗಿದೆ. ಆದರೆ ಜನರು ಆರೋಗ್ಯವನ್ನು ಕಾಪಾಡಿಕೊಳ್ಳವ ಬಗ್ಗೆ ಎಚ್ಚರವಹಿಸಬೇಕು. ಒಂದುಕಡೆ ಕೊರೊನಾ ವೈರಸ್ ಮತ್ತೊಂದೆಡೆ ಬಿಸಿಲಿನ ತಾಪಮಾನ ಹೆಚ್ಚಾಗಿದೆ. ರಾಗಿ ಆರೋಗ್ಯ ಉತ್ತಮವಾದ ಆಹಾರ. ಹೀಗಾಗಿ ಮನೆಯಲ್ಲಿರುವ ಮಕ್ಕಳು, ವೃದ್ಧರಿಗೆ ಆರೋಗ್ಯಕರವಾದ ರಾಗಿ ಮಾಲ್ಟ್ ಮಾಡಿ ಕೊಡಿ. ಪ್ರತಿದಿನ ರಾಗಿ ಮಾಲ್ಟ್ ಮಾಡಿ ಕುಡಿದರೆ ತೂಕವನ್ನು ಕಡಿಮೆ ಮಾಡಬಹುದು. ರಾಗಿ ಮಾಲ್ಟ್ ಮಾಡುವ ವಿಧಾನ ಇಲ್ಲಿದೆ. ಇದನ್ನೂ ಓದಿ: ರಾಗಿ ಅಂಬಲಿ ಕುಡಿಯಿರಿ ದೇಹವನ್ನು ಕೂಲ್ ಆಗಿಟ್ಟುಕೊಳ್ಳಿ – ಅಂಬಲಿ ಮಾಡೋ ಸುಲಭ ವಿಧಾನ ಓದಿ

ಬೇಕಾಗುವ ಸಾಮಗ್ರಿಗಳು
1. ರಾಗಿ ಹಿಟ್ಟು – 2 ಚಮಚ
2. ಬೆಲ್ಲ – 1 ಚಮಚ
3. ಹಾಲು – ಅರ್ಧ ಕಪ್
4. ಏಲಕ್ಕಿ ಪುಡಿ – 1/4 ಚಮಚ

PSX 20200127 123238 1

ಮಾಡುವ ವಿಧಾನ
* ಮೊದಲಿಗೆ ರಾಗಿ ಹಿಟ್ಟು, ಅರ್ಧ ಕಪ್ ನೀರು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.
* ಈಗ ಸ್ಟೌವ್ ಮೇಲೆ ಒಂದು ಪ್ಯಾನ್ ಇಟ್ಟು ಒಂದು ಕಪ್ ನೀರು ಹಾಕಿ ಕುದಿಸಿ.
* ಈಗ ನೀರು ಕುದಿಯುತ್ತಿದ್ದಂತೆ ಮಿಕ್ಸ್ ಮಾಡಿಕೊಂಡಿದ್ದ ರಾಗಿಯನ್ನು ಹಾಕಿ ಗಂಟು ಬರದಂತೆ ಸುಮಾರು 9 ನಿಮಿಷ ಬೇಯಿಸಿ (ತಳ ಹಿಡಿಯದಂತೆ, ಗಂಟು ಬಾರದಂತೆ ಬಾಡಿಸುತ್ತಿರಬೇಕು)
* ಬೆಲ್ಲ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.
* ನಂತರ ಅರ್ಧ ಕಪ್ ಹಾಲು ಹಾಕಿ ಮಿಕ್ಸ್ ಮಾಡಿ (ಸ್ಟೌವ್ ಕಡಿಮೆ ಉರಿಯಲ್ಲಿರಬೇಕು)
* ಈಗ ಏಲಕ್ಕಿ ಪುಡಿ ಹಾಕಿ ಎರಡ್ಮೂರು ನಿಮಿಷ ಚೆನ್ನಾಗಿ ಮಿಕ್ಸ್ ಮಾಡಿದರೆ ರಾಗಿ ಮಾಲ್ಟ್ ಸಿದ್ಧ (ಮುಚ್ಚುಳವನ್ನು ಮುಚ್ಚಬಾರದು)

ragi malt porridge20

Share This Article
Leave a Comment

Leave a Reply

Your email address will not be published. Required fields are marked *