ತೆಲುಗು ನಟ ತ್ರಿಗುಣ್‌ ಕನ್ನಡ ಪ್ರೀತಿ ನೋಡಿ, ಭೇಷ್‌ ಎಂದ ಫ್ಯಾನ್ಸ್‌

ದಕ್ಷಿಣದ ಸಾಕಷ್ಟು ಸಿನಿಮಾಗಳ ಮೂಲಕ ಸಂಚಲನ ಮೂಡಿಸಿರುವ ತ್ರೀಗುಣ್ ಈಗ ಸ್ಯಾಂಡಲ್‌ವುಡ್‌ಗೆ ಪಾದಾರ್ಪಣೆ ಮಾಡ್ತಿದ್ದಾರೆ. ಈ ಚಿತ್ರಕ್ಕಾಗಿ ಕನ್ನಡ ಕೂಡ ತ್ರಿಗುಣ್‌ ಕಲಿಯುತ್ತಿದ್ದಾರೆ. ನಟನ ಕಲಿಕೆಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸೌಂಡ್ ಮಾಡುತ್ತಿದೆ.

ತಮಿಳು ಮತ್ತು ತೆಲುಗಿನ 25ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ತ್ರಿಗುಣ್‌ ಈಗ `ಲೈನ್ ಮ್ಯಾನ್’ ಚಿತ್ರದ ಮೂಲಕ ಚಂದನವನಕ್ಕೆ ಎಂಟ್ರಿ ಕೊಡ್ತಿದ್ದಾರೆ. ಈ ಚಿತ್ರಕ್ಕೆ ಯುವ ನಿರ್ದೇಶಕ ರಾಘು ಶಾಸ್ತ್ರಿ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಕನ್ನಡ ಮತ್ತು ತೆಲುಗು ದ್ವಿಭಾಷೆಯಲ್ಲಿ ಈ ಚಿತ್ರ ಮೂಡಿ ಬರಲಿದೆ. ಇನ್ನು `ರನ್ ಆ್ಯಂಟನಿ’, `ಟಕ್ಕರ್’ ಚಿತ್ರದ ನಿರ್ದೇಶನದ ಮೂಲಕ ಈಗಾಗಲೇ ರಾಘು ಶಾಸ್ತ್ರಿ ಸೈ ಎನಿಸಿಕೊಂಡಿದ್ದಾರೆ. ಇದೀಗ ಭಿನ್ನ ಕಥೆಯನ್ನ ಹೊತ್ತು ಲೈನ್‌ ಮ್ಯಾನ್ ಚಿತ್ರದ ಮೂಲಕ ಬರುತ್ತಿದ್ದಾರೆ.

`ಲೈನ್ ಮ್ಯಾನ್’ ಸಿನಿಮಾ ಆಗಸ್ಟ್ 5ರಿಂದ ಶುರುವಾಗಲಿದೆ. ಚಾಮರಾಜನಗರ ಮತ್ತು ಚಂದಕವಾಡಿನಲ್ಲಿ ಚಿತ್ರೀಕರಣ ಶುರುವಾಗಲಿದೆ. ಶೂಟಿಂಗ್‌ಗಾಗಿ ಈಗಾಗಲೇ ತ್ರಿಗುಣ್‌ ಬೆಂಗಳೂರಿಗೆ ಬಂದಿದ್ದಾರೆ. ಚಿತ್ರಕ್ಕಾಗಿ ಕನ್ನಡ ಕಲಿಯುತ್ತಾ, ಕನ್ನಡ ಡೈಲಾಗ್ಸ್ ಕಡೆ ಗಮನ ಕೊಡ್ತಿದ್ದಾರೆ. ಪಕ್ಕದ ರಾಜ್ಯದ ನಟನ ಕನ್ನಡ ಕಲಿಕೆಯ ಶ್ರದ್ಧೆ ನೋಡಿ ಫ್ಯಾನ್ಸ್ ಕೂಡ ಭೇಷ್ ಎಂದಿದ್ದಾರೆ. ಈ ಹಿಂದೆ ʻಗಾರ್ಗಿʼ ಸಿನಿಮಾಗಾಗಿ ಸಾಯಿ ಪಲ್ಲವಿ ಕೂಡ ಕನ್ನಡ ಕಲಿತು, ತಮ್ಮ ಪಾತ್ರಕ್ಕೆ ತಾವೇ ಡಬ್ ಮಾಡಿದ್ದರು. ಈಗ ತ್ರಿಗುಣ್‌ ಕೂಡ ಕನ್ನಡ ಕಲಿಕೆಯತ್ತ ಆಸಕ್ತಿ ತೋರಿಸಿದ್ದಾರೆ. ಇದನ್ನೂ ಓದಿ:ಸೋದರ ಸೊಸೆ ತಾನ್ಯ ಸಾವಿನ ಕುರಿತು ದಿಯಾ ಮಿರ್ಜಾ ಭಾವುಕ

 

View this post on Instagram

 

A post shared by V . Raghu Shashtry (@raghushashtry)

ಶೂಟಿಂಗ್ ಶುರುವಾಗುವ ಮುಂಚೆ ತೆರೆಮರೆಯಲ್ಲಿ ಸಿನಿಮಾಗಾಗಿ ಚಿತ್ರತಂಡ ಭರ್ಜರಿ ತಯಾರಿ ಮಾಡ್ತಿದ್ದಾರೆ. ಮುಂದಿನ ದಿನಗಳಲ್ಲಿ ರಾಘು ಶಾಸ್ತ್ರಿ ಮತ್ತು ತ್ರಿಗುಣ್‌ ಕಾಂಬಿನೇಷನ್ ಸಿನಿಮಾ ಹೇಗೆಲ್ಲಾ ಮೋಡಿ ಮಾಡಬಹುದು ಅಂತಾ ಕಾದುನೋಡಬೇಕಿದೆ.

Live Tv
[brid partner=56869869 player=32851 video=960834 autoplay=true]