ನೂತನ ಪೊಲೀಸ್ ಮಹಾನಿರ್ದೇಶಕರ ಆಯ್ಕೆಗೆ ಪೈಪೋಟಿ

ಬೆಂಗಳೂರು: ನೂತನ ಪೊಲೀಸ್ ಮಹಾನಿರ್ದೇಶಕರ ಆಯ್ಕೆಗೆ ದಿನಗಣನೆ ಹೆಚ್ಚಾಗಿರೋ ಬೆನ್ನಲ್ಲೆ ಪೈಪೋಟಿಯೂ ಹೆಚ್ಚಾಗಿದೆ. ಈಗಾಗ್ಲೇ ಮೂರು ಅಧಿಕಾರಿಗಳು ರೇಸ್‍ನಲ್ಲಿದ್ದು ನಾ ಮುಂದು ತಾ ಮುಂದು ಅಂತಿದ್ದಾರೆ.

ಹಿರಿಯ ಅಧಿಕಾರಿಗಳಾದ ನೀಲಮಣಿರಾಜು, ಎಂಎನ್ ರೆಡ್ಡಿ ಮತ್ತು ಕಿಶೋರ್ ಚಂದ್ರ ನಡುವೆ ಪೈಪೋಟಿ ಎದುರಾಗಿದೆ. ಆದ್ರೆ ರಾಜ್ಯ ಸರ್ಕಾರ ನೀಲಮಣಿರಾಜು ಅವರಿಗೆ ಪೊಲೀಸ್ ಮಹಾನಿರ್ದೇಶಕರ ಸ್ಥಾನವನ್ನು ನೀಡೋದಕ್ಕೆ ಎಲ್ಲ ಸಿದ್ಧತೆ ಮಾಡಿಕೊಂಡಿದೆ ಎನ್ನಲಾಗ್ತಿದೆ.

ನೀಲಮಣಿ ರಾಜು ಅವರಿಗೆ ಸ್ಥಾನ ನೀಡಿದ್ರೆ ರಾಜ್ಯದ ಮೊದಲ ಮಹಿಳಾ ಪೊಲೀಸ್ ಮಹಾನಿರ್ದೇಶಕರಾಗುತ್ತಾರೆ. ಅದರ ಲಾಭವನ್ನು ಪಡೆಯಲು ಸರ್ಕಾರ ಪ್ಲಾನ್ ಕೂಡ ಮಾಡ್ತಿರೋದು ಸುಳ್ಳಲ್ಲ. ಆದ್ರೆ ಕಿಶೋರ್ ಚಂದ್ರ ಮತ್ತು ಎಂಎನ್ ರೆಡ್ಡಿ ನೇರಾನೇರ ಪೈಪೋಟಿ ಮಾಡ್ತಾ ಇದ್ದಾರೆ ಎನ್ನಲಾಗಿದೆ. ರೂಪ್ ಕುಮಾರ್ ದತ್ತಾ ಅವಧಿ ಈ ತಿಂಗಳಾಂತ್ಯದಲ್ಲಿ ಕೊನೆಗೊಳ್ಳಲಿದೆ.