ಬೆಂಗಳೂರು: ಬಳುಕುವ ಬಳ್ಳಿಯಾಗಲು ಹೊರಟ ನಟಿ ಚೇತನ ರಾಜ್ ಸಾವು ಪ್ರಕರಣ ಮಾಸುವ ಮೊದಲೇ ಇನ್ನೊಂದು ಫ್ಯಾಟ್ ಕರಗಿಸುವ ಸರ್ಜರಿ ಮಾಡಲು ಹೋಗಿ ಎಡವಟ್ಟಾಗಿರುವ ವಿಚಾರ ಬೆಳಕಿಗೆ ಬಂದಿದೆ.
ದೆಹಲಿ ಮೂಲದ ಯುವತಿ ಅಕಾಂಕ್ಷ ಖಾಸಗಿ ಕಂಪನಿಯಲ್ಲಿ ಎಚ್‍ಆರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅವರು ಬೆಂಗಳೂರಿನ ಎಂ.ಎಸ್ ಪಾಳ್ಯದ ಅವೇಕ್ಷಾ ಆಸ್ಪತ್ರೆಯಲ್ಲಿ ಸರ್ಜರಿ ಪ್ರಕ್ರಿಯೆಯಲ್ಲಿ ಪ್ರೆಸ್ಟಿನ್ ಕೇರ್ ಮೂಲಕ ಸರ್ಜರಿ ಮಾಡಿಸಿಕೊಡಿದ್ದರು. ಆದರೆ ಅವರಿಗೆ ಸರ್ಜರಿ ಮಾಡಿದ ಹತ್ತೇ ದಿನದಲ್ಲಿ ಸೈಡ್ ಎಫೆಕ್ಟ್ ಶುರುವಾಗಿದೆ. ಈ ವೇಳೆ ಅವರಿಗೆ ಕೀವು, ಗಾಯ ಉಂಟಾಗಿ ನೋವಿನಿಂದ ಒದ್ದಾಡುತ್ತಿದ್ದಾರೆ. ಸರ್ಜರಿ ಎಡವಟ್ಟಿನ ನಂತರ ಆಸ್ಪತ್ರೆಯವರು ಸಹ ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂದು ಅಕಾಂಕ್ಷ ಆಸ್ಪತ್ರೆಯ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಇದನ್ನೂ ಓದಿ: ಡಿವೋರ್ಸ್‌ ಆಗಿದ್ದರೂ ಮಕ್ಕಳೊಂದಿಗೆ ಪ್ರವಾಸ: ವಿಮಾನ ದುರಂತದಲ್ಲಿ ನಾಲ್ವರು ಭಾರತೀಯರು ಬಲಿ
ವೀಡಿಯೋದಲ್ಲಿ ಏನಿದೆ?
ಈ ಕುರಿತು ವೀಡಿಯೋ ಶೇರ್ ಮಾಡಿಕೊಂಡಿರುವ ಅಕಾಂಕ್ಷ, ಡಾ.ಕಾರ್ತಿಕ್ ನನಗೆ ಈ ಸ್ಥಿತಿಗೆ ತಂದಿದ್ದಕ್ಕೆ ನಿಮ್ಮನ್ನು ಸುಮ್ಮನೆ ಬಿಡುವುದಿಲ್ಲ. ನೀವು ನನಗೆ ಮಾಡಿದ ಮೋಸದ ಬಗ್ಗೆ ಎಲ್ಲರಿಗೂ ಹೇಳುತ್ತೇನೆ. ನನ್ನ ದೇಹ ಪೂರ್ತಿ ನೋವಿನಿಂದ ಬಳಲುತ್ತಿದೆ. ನನಗೆ ಇದನ್ನು ತಡೆದುಕೊಳ್ಳಲು ಆಗುತ್ತಿಲ್ಲ. ನಾನು ನಮ್ಮ ಅಪ್ಪ-ಅಮ್ಮನ ಮೇಲೆ ಆಣೆ ಮಾಡಿ ಹೇಳುತ್ತಿದ್ದೇನೆ. ಈ ವಿಷಯ ಎಲ್ಲರಿಗೂ ತಿಳಿಯುವಂತೆ ಮಾಡುತ್ತೇನೆ ಎಂದು ಅಳುತ್ತಾ ವೀಡಿಯೋ ಮಾಡಿದ್ದಾರೆ.
ಸರ್ಜರಿ ಆದ ತಕ್ಷಣ ಆಸ್ಪತ್ರೆಯ ಏಜೆನ್ಸಿಯಿಂದ ಕರೆ ಬಂತು. ಆಗ ಆಸ್ಪತ್ರೆಯ ಸಿಬ್ಬಂದಿ, ಇನ್ನೋರ್ವ ಯುವತಿ ಸರ್ಜರಿ ಮಾಡಿಸಿಕೊಳ್ಳಬೇಕಾದವರು ನಿಮಗೆ ಕರೆ ಮಾಡ್ತಾರೆ. ಅವರಿಗೆ ಪಾಸಿಟಿವ್ ಆಗಿ ರೆಸ್ಪಾಂಡ್ ಕೊಡಿ. ಎರಡು ಲಕ್ಷ ರೂ. ಆಗುತ್ತೆ ಅಂತಾ ಡಬಲ್ ದುಡ್ಡು ಹೇಳಿ ಅಂತಾ ಮನವೊಲಿಕೆ ಮಾಡಿದ್ರು. ಆದರೆ ಅದು ಒಂದು ಲಕ್ಷದ ಪ್ಯಾಕೇಜ್. ಯಾವುದೇ ಸೈಡ್ ಎಫೆಕ್ಟ್ ಆಗುವುದಿಲ್ಲ ಎಂದು ಮನವೊಲಿಕೆ ಮಾಡುವಂತೆ ಏಜೆನ್ಸಿ ಒತ್ತಾಯ ಮಾಡಿದ್ರು ಎಂದು ಹೇಳಿಕೊಂಡಿದ್ದಾರೆ.
ಸರ್ಜರಿಯಲ್ಲಿ ಎಡವಟ್ಟು ಆದ ಬಳಿಕ ಅಕಾಂಕ್ಷ ಅವರು ಇನ್ನೊಂದು ವೈದ್ಯರ ಸಂಪರ್ಕ ಮಾಡಿದ್ದಾರೆ. ಈ ವೇಳೆ ಆ ವ್ಯದ್ಯರು ಕೀವು ತುಂಬಿಕೊಂಡಿರೋದ್ರಿಂದ ಇನ್ನೊಂದು ಸರ್ಜರಿಗೆ ಮಾಡಿಸುವಂತೆ ಸಲಹೆ ನೀಡಿದ್ದಾರೆ. ಇದನ್ನೂ ಓದಿ: ಕಾಫಿನಾಡಲ್ಲಿ ಬುರ್ಖಾ ಧರಿಸಿ 8 ಲೀಟರ್ ಹಾಲು ಕಳ್ಳತನ
