ಬೆಂಗಳೂರು: ಸ್ಯಾಂಡಲ್ವುಡ್ ನಟ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಗಲಿ ಇಂದಿಗೆ ಒಂದು ವಾರ ಕಳೆದಿದೆ. ಸದ್ಯ ಇಹಲೋಕ ತ್ಯಜಿಸಿರುವ ಅಪ್ಪು ತಂದೆ, ತಾಯಿಯೊಂದಿಗೆ ಸ್ವರ್ಗದಲ್ಲಿ ಸುಂದರವಾಗಿ ಸಮಯ ಕಳೆಯುತ್ತಿರುವಂತಹ ಫೋಟೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ವರನಟ ಡಾ. ರಾಜ್ ಕುಮಾರ್ ಮತ್ತು ಪತ್ನಿ ಪಾರ್ವತಮ್ಮ ಅವರ ಪ್ರೀತಿಯ ಪುತ್ರ ಅಂದರೆ ಅಪ್ಪು. ರಾಜ್ಕುಮಾರ್ ಅವರಂತೆಯೇ ಪುನೀತ್ ಕೂಡ ಚಂದನವನದಲ್ಲಿ ಅಪಾರ ಅಭಿಮಾನಿ ಬಳಗ ಹೊಂದಿದ್ದಾರೆ. ಸದ್ಯ ಪುನೀತ್ ನಿಧನದಿಂದ ದುಃಖದ ಮಡುವಿನಲ್ಲಿರುವ ಅಭಿಮಾನಿಗಳು ಪುನೀತ್ಗೆ ನಾನಾ ರೀತಿಯಲ್ಲಿ ಪ್ರೀತಿಯಿಂದ ಶ್ರದ್ಧಾಂಜಲಿ ಸಲ್ಲಿಸುತ್ತಿದ್ದಾರೆ. ಇದನ್ನೂ ಓದಿ: ಪುನೀತ್ ಸಾವಿಗೂ 46 ಸಂಖ್ಯೆಗೂ ಸಂಬಂಧವೇನು?
ಈ ಮಧ್ಯೆ ಸ್ವರ್ಗದಲ್ಲಿ ಪುನೀತ್ ಅವರು ತಂದೆಯೊಂದಿಗೆ ಕಣ್ಣಾಮುಚ್ಚಾಲೆ ಆಟ ಆಡುತ್ತಿರುವ ಕ್ಯೂಟ್ ಫೋಟೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಕಲಾವಿದ ಕರಣ್ ಆಚಾರ್ಯ ಅವರು, ಸ್ವರ್ಗದಲ್ಲಿ ಪುನೀತ್, ಅಪ್ಪಾಜಿ ಅವರ ಕಣ್ಣನ್ನು ಹಿಂದಿನಿಂದ ಮುಚ್ಚಿ, ನಾನು ಯಾರು ಎಂದು ಕೇಳುತ್ತಿರುವಂತೆ ಕಲ್ಪಿಸಿಕೊಂಡು ಚಿತ್ರಬಿಡಿಸಿದ್ದಾರೆ. ಇದನ್ನೂ ಓದಿ: ಪುನೀತ್ ಸಾವಿನ ಬೆನ್ನಲ್ಲೇ ಹೆಚ್ಚಾಯ್ತು ಇಸಿಜಿ, ಹೃದಯಸಂಬಂಧಿ ಟೆಸ್ಟ್ಗಳು
ವಿಶೇಷವೆಂದರೆ ಈ ಫೋಟೋದಲ್ಲಿ ಪುನೀತ್ ಅವರ ಹೆಗಲ ಮೇಲೆ ಪರಿವಾಳ ಕುಳಿತುಕೊಂಡಿರುವುದನ್ನು ಕಾಣಬಹುದುದಾಗಿದೆ. ಈ ಮುನ್ನ ಪುನೀತ್ ಅಭಿನಯಿಸಿದ್ದ ರಾಜಕುಮಾರ ಸಿನಿಮಾದ ವೇಳೆ ಕೂಡ ಪುನೀತ್ ಹೆಗಲ ಮೇಲೆ ಪರಿವಾಳ ಕೂರಿಸಿ ಫೋಟೋ ಶೂಟ್ ಮಾಡಿಸಲಾಗಿತ್ತು. ಡಾ. ರಾಜ್ ಕುಮಾರ್ ಅವರು ಅಭಿನಯಿಸಿರುವ ಸೂಪರ್ ಹಿಟ್ ಸಿನಿಮಾ ಕಸ್ತೂರಿ ನಿವಾಸದಲ್ಲಿ ಕೊನೆಯವರೆಗೂ ಡಾ.ರಾಜ್ ಕುಮಾರ್ ಅವರ ಪಾತ್ರಕ್ಕೆ ಕೊಟ್ಟಷ್ಟೇ ಮಹತ್ವ ಪಾರಿವಾಳಕ್ಕೂ ಚಿತ್ರದಲ್ಲಿ ನಿರ್ದೇಶಕರು ನೀಡಿದ್ದರು. ಈ ಸಿನಿಮಾದ ಆಡಿಸು ನೋಡು ಬೀಳಿಸಿ ನೋಡು ಗೀತೆಯಲ್ಲಿ ರಾಜ್ ಕುಮಾರ್ ಅವರ ಹೆಗಲ ಮೇಲೆ ಪರಿವಾಳ ಹಾರಿ ಬಂದು ಕುಳಿತುಕೊಳ್ಳುವ ದೃಶ್ಯ ಅಂದಿಗೆ ಸಖತ್ ಫೇಮಸ್ ಆಗಿತ್ತು.
ಅದರಂತೆ ಸ್ವರ್ಗದ ಬಾಗಿಲು ತೆರೆದು ಅಪ್ಪುವನ್ನು ಅಪ್ಪಾಜಿ ಅವರು ಸ್ವಾಗತಿಸುತ್ತಿರುವ ವೀಡಿಯೋ ಹಾಗೂ ಸ್ವರ್ಗಕ್ಕೆ ಬಂದ ಮಗನನ್ನು ಪ್ರೀತಿಯಿಂದ ಚುಂಬಿಸಿ ಅಪ್ಪಾಜಿ ಹಾಗೂ ಪಾರ್ವತಮ್ಮನವರು ಸ್ವಾಗತಿಸುತ್ತಿರುವ ಫೋಟೋ ಕೂಡ ವೈರಲ್ ಆಗುತ್ತಿದೆ. ಇದನ್ನೂ ಓದಿ: ರೋಡ್, ಪಾರ್ಕ್, ಮೆಟ್ರೋ, ಬಸ್ ನಿಲ್ದಾಣಕ್ಕೆ ಪುನೀತ್ ಹೆಸರು?
View this post on Instagram
ಒಟ್ಟಾರೆ ವೈರಲ್ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಈ ಫೋಟೋ ಜನರ ಮನಗೆಲ್ಲುತ್ತಿದ್ದು, ಕಲಾವಿದನ ಕೈಚಳಕ್ಕೆ ಪ್ರಶಂಸೆ ವ್ಯಕ್ತವಾಗುತ್ತಿದೆ.
