ಚಿಕ್ಕೋಡಿ: ರಾಜ್ಯಾದ್ಯಂತ ಬಿಸಿಯೂಟ ಯೋಜನೆಯಲ್ಲಿ ಸರ್ಕಾರಿ ಶಾಲಾ ಮಕ್ಕಳಿಗೆ ಅನ್ನಸಾಂಬರ್ ಕೊಡಲಾಗ್ತಿದೆ. ಆದ್ರೆ, ಪಬ್ಲಿಕ್ ಹೀರೋ ಬೆಳಗಾವಿಯ ಹುಕ್ಕೇರಿಯ ದಾಸೋಹ ಯೋಜನೆಯ ಸಹಾಯಕ ನಿರ್ದೇಶಕರಾದ ಅರಿಹಂತ ಪಾಟೀಲರ ಶ್ರಮದಿಂದ 120 ಶಾಲೆಗಳಲ್ಲಿ ವಾರಕ್ಕೆ 2 ದಿನ ವಿಶೇಷ ಭೋಜನದ ವ್ಯವಸ್ಥೆ ಮಾಡಲಾಗಿದೆ.
ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲೂಕಿನ ಅಕ್ಷರ ದಾಸೋಹ ಯೋಜನೆಯ ಸಹಾಯಕ ನಿರ್ದೇಶಕ ಅರಿಹಂತ ಬಿರಾದಾರ ಪಾಟೀಲ ಅವರ ವಿಶೇಷ ಕಾಳಜಿಯಿಂದ ಸರ್ಕಾರಿ ಶಾಲೆಗಳಲ್ಲಿ ವಾರದಲ್ಲಿ 2 ದಿನ ಶಾಲಾ ಮಕ್ಕಳಿಗೆ ಈ ವಿಶೇಷ ಭೋಜನ ನೀಡಲಾಗುತ್ತಿದೆ. ಅನ್ನ ಸಾಂಬಾರು ಅನ್ನೋ ನಿಯಮದ ಜೊತೆಗೆ ಹುಗ್ಗಿ, ಪರೋಟಾ, ಗುಲಾಬ್ ಜಾಮೂನನ್ನೂ ನೀಡಲಾಗ್ತಿದೆ ಅಂತ ಬಾಗೇವಾಡಿ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕ ಸಂಜಯ ಖಾನಾಪೂರೆ ತಿಳಿಸಿದ್ದಾರೆ.
Advertisement
Advertisement
ಅರಿಹಂತ ಬಿರಾದಾರ ಪಾಟೀಲರು 5 ವರ್ಷಗಳಿಂದ ಹುಕ್ಕೇರಿ ತಾಲೂಕಿನ ಅಕ್ಷರ ದಾಸೋಹ ಯೋಜನೆಯ ಸಹಾಯಕ ನಿರ್ದೇಶಕರಾಗಿದ್ದಾರೆ. ಸರ್ಕಾರ ನೀಡುವ ದವಸ ಧಾನ್ಯಗಳ ಜೊತೆಗೆ ದಾನಿಗಳು, ಶಿಕ್ಷಕರ ಸಹಾಯದಿಂದ ಕೆಲ ಪದಾರ್ಥಗಳನ್ನು ತರಿಸಿ 120ಕ್ಕೂ ಹೆಚ್ಚು ಅಡುಗೆ ಕೇಂದ್ರಗಳಲ್ಲಿ ಈ ವಿಶೇಷ ಊಟ ನೀಡುತ್ತಿದ್ದಾರೆ.
Advertisement
ಅರಿಹಂತ ಅವರ ಈ ಯೋಜನೆಯಿಂದಾಗಿ ಸರ್ಕಾರಿ ಶಾಲೆಗಳಲ್ಲಿ ಮಕ್ಕಳ ದಾಖಲಾತಿ ಹಾಗೂ ಹಾಜರಾತಿ ಗಣನೀಯ ಏರಿಕೆ ಕಂಡಿದೆ.
Advertisement
https://www.youtube.com/watch?v=8KqAbbUwah4
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
