Connect with us

Bengaluru City

ಪ್ರಿಯಾಂಕಾರ ಡಬಲ್ ಸಂಭ್ರಮಕ್ಕೆ ಸಿಕ್ತು ಕಿಚ್ಚನಿಂದ ಸ್ಪೆಷಲ್ ಗಿಫ್ಟ್

Published

on

ಬೆಂಗಳೂರು: ರಿಯಾಲಿಟಿ ಶೋ ‘ಬಿಗ್‍ಬಾಸ್ ಸೀಸನ್ 7’ರ ಸ್ಪರ್ಧಿ ಪ್ರಿಯಾಂಕಾ ತಮ್ಮ ತಾಯಿಯ ಆಸೆಯನ್ನು ನೆರವೇರಿಸಿದ್ದಾರೆ. ಅಲ್ಲದೇ ಪ್ರಿಯಾಂಕಾರ ಡಬಲ್ ಸಂಭ್ರಮಕ್ಕೆ ಕಿಚ್ಚನಿಂದ ಒಂದು ಸ್ಪೆಷಲ್ ಗಿಫ್ಟ್ ಕೂಡ ಸಿಕ್ಕಿದೆ.

ಬಿಗ್‍ಬಾಸ್ ಮನೆಗೆ ಪ್ರಿಯಾಂಕಾ ತಾಯಿ ಬಂದಾಗ, ಚೆನ್ನಾಗಿ ಆಟವಾಡು, ನೀನು ಗೆಲ್ಲದಿದ್ದರೂ ಪರವಾಗಿಲ್ಲ ಸುದೀಪ್ ಸರ್ ಚಪ್ಪಾಳೆ ತೆಗೆದುಕೊಳ್ಳಬೇಕು. ಅದೇ ಗೆದ್ದಂತೆ ಎಂದು ಹೇಳಿದ್ದರು. ಅದೇ ವಾರ ಸುದೀಪ್ ಕೂಡ ಇನ್ನಾದರೂ ನೀವು ಆಟವಾಡಿ ಪ್ರಿಯಾಂಕಾ ಎಂದು ಬುದ್ಧಿ ಮಾತು ಹೇಳಿದ್ದರು. ಅದರಂತೆಯೇ ಪ್ರಿಯಾಂಕಾ ಈ ವಾರ ತುಂಬಾ ಚೆನ್ನಾಗಿ ಆಟವಾಡಿದ್ದರು. ಹೀಗಾಗಿ ‘ವಾರದ ಕಥೆ ಕಿಚ್ಚನ ಜೊತೆ’ ಕಾರ್ಯಕ್ರಮದಲ್ಲಿ ಕಿಚ್ಚನ ಚಪ್ಪಾಳೆ ಪ್ರಿಯಾಂಕಾಗೆ ಸಿಕ್ಕಿದೆ. ಈ ಮೂಲಕ ಪ್ರಿಯಾಂಕಾ ತಮ್ಮ ತಾಯಿಯ ಆಸೆಯನ್ನು ನೆರವೇರಿಸಿದ್ದಾರೆ.

ನಾನು ಹೇಳಿದ ಮಾತನ್ನು ಸೀರಿಯಸ್ ಆಗಿ ತೆಗೆದುಕೊಂಡು, ತಮ್ಮನ್ನು ತಾವೂ ಬದಲಾಯಿಸಿಕೊಂಡು ಈ ವಾರ ತುಂಬಾ ಚೆನ್ನಾಗಿ ಆಟವಾಡಿದ್ದೀರಿ. ಹೀಗಾಗಿ ಈ ವಾರ ನಿಮಗೆ ಕಿಚ್ಚನ ಚಪ್ಪಾಳೆ ನಿಮಗೆ ಎಂದು ಸುದೀಪ್ ಚಪ್ಪಾಳೆ ತಟ್ಟಿದ್ದಾರೆ. ಆಗ ಪ್ರಿಯಾಂಕಾ, ನಮ್ಮ ತಾಯಿ ಬಂದಾಗ ನೀನು ಗೆಲ್ಲು ಅಂತಾ ಹೇಳಲಿಲ್ಲ. ಕಿಚ್ಚನ ಚಪ್ಪಾಳೆ ತಗೋ, ಅದೇ ಗೆದ್ದಂತೆ ಅಂದಿದ್ದರು. ಅದರಂತೆ ನಮ್ಮ ತಾಯಿಯ ಆಸೆ ನೆರವೇರಿದೆ ಸಾರ್ ಎಂದು ಸುದೀಪ್ ಅವರಿಗೆ ಧನ್ಯವಾದ ತಿಳಿಸಿದರು.

ಕಿಚ್ಚನ ಚಪ್ಪಾಳೆ ಸಿಕ್ಕ ಸಂಭ್ರಮ ಒಂದು ಕಡೆಯಾದರೆ ಮತ್ತೊಂದು ಕಡೆ ಈ ವಾರ ಮನೆಯ ಕ್ಯಾಪ್ಟನ್ ಬಿಟ್ಟು ಎಲ್ಲರೂ ನಾಮಿನೇಟ್ ಆಗಿದ್ದರು. ಕೊನೆಗೆ ಪ್ರಿಯಾಂಕಾ ಈ ವಾರ ಸೇಫ್ ಆಗಿದ್ದಾರೆ. ಹೀಗಾಗಿ ಪ್ರಿಯಾಂಕಾ ಡಬಲ್ ಸಂಭ್ರಮ ಪಟ್ಟಿದ್ದಾರೆ. ಈ ಡಬಲ್ ಸಂಭ್ರಮಕ್ಕೆ ಸುದೀಪ್ ಸರ್ಪ್ರೈಸ್ ಗಿಫ್ಟ್ ನೀಡಿದ್ದಾರೆ. ಅದೇನೆಂದರೆ ಸುದೀಪ್ ತಮ್ಮ ಜಾಕೆಟ್ ಅನ್ನು ಪ್ರಿಯಾಂಕಾಗೆ ನೀಡಿದ್ದಾರೆ.

ಕಳೆದ ವಾರ ಸುದೀಪ್ ಒಂದು ಜಾಕೆಟ್ ಹಾಕಿಕೊಂಡಿದ್ದರು. ಆಗ ಪ್ರಿಯಾಂಕಾ, ಜಾಕೆಟ್ ತುಂಬಾ ಚೆನ್ನಾಗಿದೆ. ನನಗೆ ಕೊಡಿ ಸಾರ್ ಎಂದು ಕೇಳಿದ್ದರು. ಈ ವಾರ ಸುದೀಪ್ ಚಪ್ಪಾಳೆ ತೆಗೆದುಕೊಳ್ಳುವವರಿಗೆ ಆ ಜಾಕೆಟ್ ಕೊಡುತ್ತೇನೆ ಎಂದು ಹೇಳಿದ್ದರು. ಅದೇ ರೀತಿ ಚಪ್ಪಾಳೆ ತೆಗೆದುಕೊಂಡ ಪ್ರಿಯಾಂಕಾಗೆ ಕಿಚ್ಚ ತಮ್ಮ ಜಾಕೆಟ್‍ನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಜಾಕೆಟ್ ಕೊಟ್ಟ ತಕ್ಷಣ ಅದನ್ನು ಧರಿಸಿಕೊಂಡು ಪ್ರಿಯಾಂಕಾ ಸಂಭ್ರಮಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *

www.publictv.in