ಪ್ರಿಯಾಂಕಾ ಪತಿಯನ್ನು ಅಶ್ಲೀಲವಾಗಿ ಮುಟ್ಟಲು ಮುಂದಾದ ಮಹಿಳಾ ಅಭಿಮಾನಿ: ವಿಡಿಯೋ

ವಾಷಿಂಗ್ಟನ್: ಬಾಲಿವುಡ್ ದೇಸಿ ಗರ್ಲ್ ಪ್ರಿಯಾಂಕಾ ಚೋಪ್ರಾ ಅವರ ಪತಿ ನಿಕ್ ಜೋನಸ್ ಅವರನ್ನು ಮಹಿಳಾ ಅಭಿಮಾನಿಯೊಬ್ಬಳು ಅಶ್ಲೀಲವಾಗಿ ಮುಟ್ಟಲು ಪ್ರಯತ್ನಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಇತ್ತೀಚೆಗೆ ನಿಕ್ ಜೋನಸ್ ಮ್ಯೂಸಿಕ್ ಕಾನ್ಸಾರ್ಟ್ ತಮ್ಮ ತಂಡದ ಜೊತೆ ಪರ್ಫಾಮ್ ಮಾಡುತ್ತಿದ್ದರು. ಈ ವೇಳೆ ಮಹಿಳಾ ಅಭಿಮಾನಿಯೊಬ್ಬಳು ನಿಕ್ ಅವರನ್ನು ಅಶ್ಲೀಲವಾಗಿ ಮುಟ್ಟಲು ಮುಂದಾಗುತ್ತಾಳೆ. ಆಗ ನಿಕ್ ಆಕೆಯನ್ನು ತಡೆಯುತ್ತಾರೆ. ಈ ವಿಡಿಯೋ ನೋಡಿದ ಅಭಿಮಾನಿಗಳು ಮಹಿಳೆಯ ವಿರುದ್ಧ ಆಕ್ರೋಶ ಹೊರಹಾಕುತ್ತಿದ್ದಾರೆ.

ವಿಡಿಯೋದಲ್ಲಿ ಅಭಿಮಾನಿಗಳಿಗೆ ಹತ್ತಿರವಾಗಲಿ ಎಂದು ನಿಕ್ ತಮ್ಮ ತಂಡದ ಜೊತೆ ಫ್ಯಾನ್ಸ್ ಮಧ್ಯೆದಲ್ಲಿ ನಿಂತುಕೊಂಡು ಹಾಡುತ್ತಿದ್ದರು. ಈ ವೇಳೆ ನಿಕ್ ಹಿಂದೆ ನಿಂತಿದ್ದ ಮಹಿಳೆ ಪದೇಪದೇ ಅವರ ಮೇಲೆ ಕೈ ಹಾಕುತ್ತಿದ್ದಳು. ಮೊದಲು ನಿಕ್ ಯಾವುದೇ ಪ್ರತಿಕ್ರಿಯೆ ನೀಡಲಿಲ್ಲ, ಬಳಿಕ ಆಕೆ ಅಶ್ಲೀಲವಾಗಿ ಮುಟ್ಟಲು ಬಂದಾಗ ಆಕೆಯನ್ನು ತಡೆದಿದ್ದಾರೆ.

ಮಹಿಳೆಯನ್ನು ತಡೆದ ನಂತರ ನಿಕ್ ಹಾಡು ಹಾಡುತ್ತಲೇ ಹಿಂದೆ ತಿರುಗಿ ನೋಡಿದ್ದಾರೆ. ಆದರೆ ಕೈ ಹಾಕಿದವರು ಯಾರು ಎಂಬುದು ಅವರಿಗೆ ಗೊತ್ತಾಗಲಿಲ್ಲ. ಏಕೆಂದರೆ ಅಲ್ಲಿ ಸಾಕಷ್ಟು ಮಹಿಳೆಯರು ಇದ್ದರು. ನಿಕ್ ಹಾಡು ಹಾಡುತ್ತಿದ್ದರಿಂದ ಅಲ್ಲಿದ್ದ ಜನರಿಗೆ ಈ ಘಟನೆ ತಿಳಿಯಲಿಲ್ಲ.

ಕಾನ್ಸರ್ಟ್ ಮುಗಿದ ನಂತರ ಮಹಿಳೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿತ್ತು. ಸದ್ಯ ವಿಡಿಯೋ ನೋಡಿದ ಅಭಿಮಾನಿಗಳು ಮಹಿಳೆಯ ವಿರುದ್ಧ ತಮ್ಮ ಆಕ್ರೋಶ ಹೊರ ಹಾಕುತ್ತಿದ್ದಾರೆ. ಮತ್ತೆ ಕೆಲವು ಅಭಿಮಾನಿಗಳು ಮಹಿಳೆ ಪರವಾಗಿ ನಿಕ್ ಬಳಿ ಕ್ಷಮೆ ಕೇಳಿದ್ದಾರೆ.

https://twitter.com/NickJDaily/status/1186789261732765696?ref_src=twsrc%5Etfw%7Ctwcamp%5Etweetembed%7Ctwterm%5E1186789261732765696&ref_url=https%3A%2F%2Fhindi.news18.com%2Fnews%2Fentertainment%2Fbollywood-priyanka-chopra-husband-nick-jonas-groped-by-woman-at-music-concert-video-going-viral-on-twitter-utk-2554741.html