ಹೈದರಾಬಾದ್: ಬಾಹುಬಲಿ ಸಿನಿಮಾದ ನಂತರ ಯಂಗ್ ರೆಬಲ್ ಸ್ಟಾರ್ ಪ್ರಭಾಸ್ ಅವರಿಗೆ ಭಾರತದಾದ್ಯಂತ ಅಪಾರವಾದ ಅಭಿಮಾನಿಗಳಿದ್ದು, ಈಗ ಒಂದು ಫೋಟೋದಿಂದ ಟಾಲಿವುಡ್ನಲ್ಲಿ ಮತ್ತೆ ಸುದ್ದಿಯಲ್ಲಿದ್ದಾರೆ.
ಪ್ರಭಾಸ್ ಅವರ ಅಭಿನಯ ಮಾತ್ರವಲ್ಲದೇ ಅವರ ಮೃದು ಸ್ವಭಾವವನ್ನು ಅಪಾರ ಅಭಿಮಾನಿಗಳು ಪ್ರೀತಿಸುತ್ತಾರೆ. ಇತ್ತೀಚೆಗೆ ಪ್ರಭಾಸ್ ಒಂದು ಕಾರ್ಯಕ್ರಮದಲ್ಲಿ ಅಂಗವಿಕಲ ಅಭಿಮಾನಿಯನ್ನು ಭೇಟಿ ಮಾಡಿದ್ದಾರೆ. ಆ ವ್ಯಕ್ತಿ ಪ್ರಭಾಸ್ ಜೊತೆ ಸೆಲ್ಫಿ ತೆಗೆಸಿಕೊಳ್ಳಬೇಕೆಂದು ಇಷ್ಟಪಟ್ಟಿದ್ದಾರೆ.
ಈ ವೇಳೆ ಅಭಿಮಾನಿ ತನ್ನ ಎರಡು ಕಾಲುಗಳ ಮೇಲೆ ನಿಂತುಕೊಳ್ಳಲು ಸಾಧ್ಯವಾಗಲಿಲ್ಲ. ಇದನ್ನು ಗಮನಿಸಿದ ಪ್ರಭಾಸ್ ಅವರ ಪಕ್ಕದಲ್ಲಿ ತಾವೇ ತಮ್ಮ ಮೊಣಕಾಲನ್ನು ನೆಲದ ಮೇಲೆ ಊರಿ ನಂತರ ಅಭಿಮಾನಿಯೊಂದಿಗೆ ಒಂದು ಸೆಲ್ಫಿ ತೆಗೆಸಿಕೊಂಡಿದ್ದಾರೆ.
ಪ್ರಭಾಸ್ ಅಭಿಮಾನಿಗಾಗಿ ತಾವೇ ನೆಲದ ಮೇಲೆ ಮೊಣಕಾಲು ಊರಿ ಫೋಟೋ ತೆಗೆಸಿಕೊಂಡಿರುವುದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಪ್ರಸ್ತುತ ಪ್ರಭಾಸ್ `ಸಾಹೋ’ ಸಿನಿಮಾ ಚಿತ್ರೀಕರಣದಲ್ಲಿ ಬ್ಯಸಿಯಾಗಿದ್ದಾರೆ. ಈ ಸಿನಿಮಾದಲ್ಲಿ ನಟಿ ಶ್ರದ್ಧಾ ಕಪೂರ್ ಅಭಿನಯಿಸಿತ್ತಿದ್ದಾರೆ. ಈ ಚಿತ್ರ ಸುಜೀತ್ ರೆಡ್ಡಿ ನಿರ್ದೇಶನದಲ್ಲಿ ಮೂಡಿ ಬರುತ್ತಿದೆ.
https://twitter.com/ActorPRABHA/status/978635882138828800