ಪ್ರಭಾಸ್- ರಾಮ್‌ಚರಣ್ (Ramcharan) ಇಬ್ರೂ ಸೂಪರ್‌ಸ್ಟಾರ್‌ಗಳು.. ಇಡೀ ದೇಶಾದ್ಯಂತ ಫ್ಯಾನ್ಸ್ ಕ್ರೇಜ್ ಹೆಚ್ಚಿರೋ ನಾಯಕರು. ಇಮ್ಯಾಜಿನ್ ಮಾಡ್ಕೊಳ್ಳಿ..ಒಂದ್ವೇಳೆ ಇಬ್ರೂ ಒಟ್ಟಿಗೆ ಅಭಿನಯಿಸಿಬಿಟ್ಟರೆ ಅಲ್ಲಿ ಸುನಾಮಿ ಸುಂಟರಾಗಾಳಿಯಂಥಹ ಕಂಡು ಕೇಳರಿಯದ ನಿರೀಕ್ಷೆ ಫಿಕ್ಸು. ಹಾಗಂತ ಇದು ಬರೀ ಇಮ್ಯಾಜಿನೇಶನ್ ಅಲ್ಲ ವಾಸ್ತವ. ಭವಿಷ್ಯದಲ್ಲಿ ಹೀಗೂ ಆಗುತ್ತೆ ಅನ್ನೋ ಪ್ರಾಮಿಸ್ ಮಾಡಿದ್ದಾರೆ ಪ್ರಭಾಸ್..? ಯಾಕೆ ಎಲ್ಲಿ ಹೇಳಿದ್ರು.?
Advertisement
ಇಂಥದ್ದೊಂದು ಮಹಾ ಸುದ್ದಿ ಅಭಿಮಾನಿಗಳ ಕಿವಿಗೆ ಬಿದ್ದರೆ ಸಾಕು ಅಭಿಮಾನಿಗಳ ಕೌತುಕ ಅಳೆಯಲು ಸಾಧ್ಯವಾಗೋದಿಲ್ಲ. ಇದು ಅಂತೆಕಂತೆ ವಿಚಾರವಂತೂ ಅಲ್ಲವೇ ಅಲ್ಲ. ಖುದ್ದು ಸಿನಿಮಾ ಮಾಡುವವರೇ ಹೇಳಿಬಿಟ್ಟರೆ…! ಮುಂದಾಗೋದೇನು..? ಹೌದು.. ಪ್ಯಾನ್ ಇಂಡಿಯಾ ಸೂಪರ್ ಸ್ಟಾರ್ ಡಾರ್ಲಿಂಗ್ ಪ್ರಭಾಸ್ ಇನ್ನೋರ್ವ ಸೂಪರ್ ಸ್ಟಾರ್ ರಾಮ್‌ಚರಣ್ (Ram Charan) ಜೊತೆ ತೆರೆ ಹಂಚಿಕೊಳ್ಳುವ ಸುದ್ದಿಯನ್ನ ಬಿಚ್ಚಿಟ್ಟಿದ್ದಾರೆ.
Advertisement
Advertisement
ಇಲ್ಲಿಯವರೆಗೆ ನಾವು ಅನೇಕ ಬಿಗ್‌ಸ್ಟಾರ್‌ಗಳ ಅದ್ಭುತ ಕಾಂಬಿನೇಶನ್ ನೋಡಿದ್ದೇವೆ, ಆದರೆ ಪ್ರಭಾಸ್ (Prabhas) ಜೊತೆ ರಾಮ್‌ಚರಣ್ (Ramcharan) ಅಭಿನಯಿಸಿದ್ದನ್ನ ನೋಡಿಲ್ಲ. ಈ ಘಳಿಗೆಯೂ ಕೂಡಿಬಂದಿದೆ. ಮುಂದೊಮ್ಮೆ ಪ್ರಭಾಸ್ ಹಾಗೂ ರಾಮ್‌ಚರಣ್ ತೆರೆಯಲ್ಲಿನ ಜುಗಲ್‌ಬಂದಿ ಪಕ್ಕಾ ಎಂಬುದನ್ನ ಖುದ್ದು ಪ್ರಭಾಸ್ ಬಾಯಿಂದ ಕೇಳಿ ಟಾಲಿವುಡ್ (Tollywood) ಫ್ಯಾನ್ಸ್ ಈಗಾಗ್ಲೇ ಹಬ್ಬ ಶುರುಮಾಡ್ಕೊಂಡಿದ್ದಾರೆ.
Advertisement
ರಾಜಮೌಳಿಯ ಬಾಹುಬಲಿ…ಹಾಗೂ ಆರ್‌ಆರ್‌ಆರ್ ಸಿನಿಮಾ ಬಳಿಕ ಪ್ರಭಾಸ್ ಹಾಗೂ ರಾಮ್‌ಚರಣ್ ದೇಶದ ಸೂಪರ್‌ಸ್ಟಾರ್‌ಗಳ ಪಟ್ಟಿಯಲ್ಲಿ ಸೇರಿದವರು. ಬಾಹುಬಲಿ ಬಳಿಕ ಸತತ ಪ್ಲಾಪ್ ಕೊಟ್ಟರೂ ಪ್ರಭಾಸ್ ಈಗಲೂ ಸೂಪರ್ ಸ್ಟಾರ್ ಅಂದ್ರೆ ಅಭಿಮಾನದ ಪರಾಕಾಷ್ಟೆ ಹೇಗಿರಬೇಡ ಇವರ ಮೇಲೆ..ಇನ್ನು ರಾಮ್‌ಚರಣ್ ಆರ್‌ಆರ್‌ಆರ್ ಮೂಲಕ ವಿಶ್ವದಾದ್ಯಂತ ಗುರುತಿಸಿಕೊಂಡಿದ್ದಾರೆ. ಇಂತಹ ದಿಗ್ಗಜರು ಸೇರಿ ಚಿತ್ರ ಮಾಡಿದರೆ ಅದರಷ್ಟು ನಿರೀಕ್ಷೆ. ಇದನ್ನೂ ಓದಿ:ಸುದೀಪ್-ಕುಮಾರ್ ಕಾಲ್‌ಶೀಟ್ ಕದನದ ನಡುವೆ ಚಂದ್ರಚೂಡ್‌ಗೆ ಸೂರಪ್ಪ ಬಾಬು ಕ್ಲಾಸ್
ಕಲ್ಕಿ (Kalki) ಸಿನಿಮಾದ ಟೈಟಲ್ ಲಾಂಚ್ ವೇಳೆ ಕೇಳಲಾದ ಪ್ರಶ್ನೆಗೆ ಪ್ರಭಾಸ್ ಉತ್ತರಿಸಿ. ಪಕ್ಕಾ ಒಟ್ಟಿಗೆ ಸಿನಿಮಾ ಮಾಡ್ತೀವಿ ಎಂದಿದ್ದಾರೆ. ಪ್ರಭಾಸ್ ಗ್ರೀನ್ ಸಿಗ್ನಲ್ ಕೊಟ್ಟಾದ್ಮೇಲೆ ನಿರ್ದೇಶಕರಿಗೆ ಕಥೆ ಬರೆಯಲು ಹಿಂಟ್ ಕೊಟ್ಟಂತಾಗಿದೆ. ಆದರೆ ಪ್ರಭಾಸ್ ಫ್ಯಾನ್ಸ್ ಮಾತ್ರಾ ರಾಜಮೌಳಿ ಕಡೆ ಬೆರಳು ತೋರಿಸುತ್ತಿದ್ದಾರೆ. ಇಬ್ಬರನ್ನೂ ಸೇರಿಸಿ ಸರಿಯಾದ ಪಾತ್ರ ಹೆಣೆಯುವ ಸಾಮರ್ಥ್ಯ ರಾಜಮೌಳಿಗೆ ಮಾತ್ರವೇ ಇದೆ ಎಂದು ಹೇಳುತ್ತಿದ್ದಾರೆ. ಈಗಾಗ್ಲೇ ಇಬ್ಬರ ಜುಗಲ್‌ಬಂದಿ ಇಮ್ಯಾಜಿನೇಶನ್ ಟೀಸರ್‌ಗಳ ಅಬ್ಬರ ಸೋಶಿಯಲ್ ಮೀಡಿಯಾದಲ್ಲಿ ಅಬ್ಬರಿಸುತ್ತಿದೆ. ಒಟ್ನಲ್ಲಿ ಪ್ರಭಾಸ್ ಅಂತೂ ಒಂದು ಸುಳಿವು ಕೊಟ್ಟಿದ್ದಾರೆ. ಸದ್ಯಕ್ಕೆ ಈ ಪ್ರಾಜೆಕ್ಟ್ ಯಾವಾಗ್ ಶುರುವಾಗುತ್ತೆ ಅನ್ನೋದೇ ಪ್ರಶ್ನೆ.
