ಬೆಂಗಳೂರು: ವರ್ಷದ 365 ದಿನಗಳಲ್ಲಿ ಒತ್ತಡದಲ್ಲಿ ಕೆಲಸ ಮಾಡುವ ಪೊಲೀಸರಿಗೆ ರಿಲೀಫ್ ನೀಡಲು ಯಶವಂತಪುರದ ಒರಾಯನ್ ಮಾಲ್ನಲ್ಲಿ ಡ್ರಮ್ ಸರ್ಕಲ್ ವ್ಯವಸ್ಥೆ ಮಾಡಲಾಗಿತ್ತು. ಒತ್ತಡದಲ್ಲೆ ಕೆಲಸ ಕಾರ್ಯಗಳನ್ನು ಮಾಡಿ ದಣಿದಿರುವ ಪೊಲೀಸರು ಡ್ರಮ್ ಸರ್ಕಲ್ ಇವೆಂಟ್ ಅದ್ಧೂರಿಯಾಗಿ ಎಂಜಾಯ್ ಮಾಡಿದರು.
ಉತ್ತರ ವಿಭಾಗದ ಸುಮಾರು 600ಕ್ಕೂ ಹೆಚ್ಚು ಪೊಲೀಸರು ಇವೆಂಟ್ನಲ್ಲಿ ಭಾಗವಿಸಿ ಡ್ರಮ್ಸ್ ಬಾರಿಸಿ ಫುಲ್ ಎಂಜಾಯ್ ಮಾಡಿದರು. ಸುಮಾರು ಒಂದು ಗಂಟೆ ನಡೆದ ಕಾರ್ಯಕ್ರಮದಲ್ಲಿ ದರ್ಶನ್ ಅಭಿನಯದ ‘ಲಂಕೇಶ್ ಪತ್ರಿಕೆ’ ಚಿತ್ರದ ನಾಯಕಿ ವಸೂಂದರ ರಾಜ್ ಡ್ರಮ್ಸ್ ವಾದ್ಯವನ್ನು ಹೇಳಿಕೊಟ್ಟರು.
ಪ್ರತಿಯೊಬ್ಬ ಪೊಲೀಸರ ಕೈಯಲ್ಲಿ ಡ್ರಮ್ಸ್ ಕೊಟ್ಟು ನಾದದ ತಕ್ಕಂತೆ ಬಡಿಯೋದನ್ನು ಹೇಳಿಕೊಟ್ಟರು. ವಿನೂತವಾಗಿ ಮಾಡಿದ ಕಾರ್ಯಕ್ರಮವನ್ನು ಎಂಜಾಯ್ ಮಾಡಿದ ಉತ್ತರ ವಿಭಾಗದ ಪೊಲೀಸರು ಎಂಜಾಯ್ ಮಾಡಿದರು.
ಅಲ್ಲದೆ ಈ ಬಗ್ಗೆ ಮಾತನಾಡಿದ ಕೆಲ ಹಿರಿಯ ಪೊಲೀಸ್ ಅಧಿಕಾರಿಗಳು, ಕಳೆದ 30 ವರ್ಷದಿಂದ ಕೆಲಸ ಮಾಡಿದರು ಇಂತಹ ಅನುಭವ ಆಗಿರಲಿಲ್ಲ. ಇಂದು ಇಡೀ ದಿನ ಎಂಜಾಯ್ ಮಾಡಿದಕ್ಕೆ ಹಿರಿಯ ಪೊಲೀಸ್ ಅಧಿಕಾರಿಗಳು ಅವಕಾಶ ಮಾಡಿಕೊಟ್ಟಿದ್ದಾರೆ. ಒರಯನ್ ಮಾಲ್ನಲ್ಲಿ ಬೆಳಗ್ಗೆ ಸಿನಿಮಾ ನೋಡುವುದಕ್ಕೆ ಅವಕಾಶ ಮಾಡಿಕೊಡಲಾಗಿತ್ತು. ಹಾಗಾಗಿ 20 -25 ವರ್ಷದಿಂದ ಇಲಾಖೆಯಲ್ಲಿ ಕೆಲಸ ಮಾಡಿದ್ದರ ಫಲ ಇದೊಂದು ಹೊಸ ಅನುಭವಾಗಿದೆ ಎಂದು ಕಾರ್ಯಕ್ರಮದ ಬಗ್ಗೆ ಸಂತೋಷ ವ್ಯಕ್ತಪಡಿಸಿದರು.