ಅರಮನೆ ನಗರಿಯಲ್ಲಿ ಪ್ಲಾಸ್ಟಿಕ್ ಸಕ್ಕರೆ ಪತ್ತೆ

ಮೈಸೂರು: ಜನರೇ ಎಚ್ಚರ, ಮೈಸೂರಿನಲ್ಲಿ ಪ್ಲಾಸ್ಟಿಕ್ ಸಕ್ಕರೆ ಸರಬರಾಜಾಗುತ್ತಿದೆ. ಒಂದು ಕ್ಷಣ ಯಾಮಾರಿದರೂ ಪ್ಲಾಸ್ಟಿಕ್ ಸಕ್ಕರೆ ನಿಮ್ಮ ಹೊಟ್ಟೆ ಸೇರುತ್ತದೆ.

ಮೈಸೂರು ಹೋಟೆಲೊಂದರ ಮಾಲೀಕ ಖರೀದಿಸಿದ್ದ ಸಕ್ಕರೆಯಲ್ಲಿ ಪ್ಲಾಸ್ಟಿಕ್ ಸಕ್ಕರೆ ಪತ್ತೆಯಾಗಿದೆ. ಖಿಲ್ಲೆ ಮೊಹಲ್ಲಾದಲ್ಲಿರುವ ಅನ್ನಪೂರ್ಣೇಶ್ವರಿ ಫುಡ್ ಪಾಯಿಂಟ್ ನ ಮಾಲೀಕ ಪ್ರಭುಸ್ವಾಮಿ ಸಂತೇಪೇಟೆಯ ಅಂಗಡಿಯಲ್ಲಿ ಖರೀದಿಸಿದ್ದ ಸಕ್ಕರೆಯಲ್ಲಿ ಪ್ಲಾಸ್ಟಿಕ್ ಸಕ್ಕರೆ ದೊರೆತಿದೆ.

ಹೋಟೆಲ್ ನಲ್ಲಿ ಎಂದಿನಂತೆ ಇಂದು ಕೂಡ ಟೀ ತಯಾರಿಸಲು ಪ್ರಭುಸ್ವಾಮಿ ಮುಂದಾದಾಗ ಎಷ್ಟೇ ಕುದಿಸಿದರೂ ಸಕ್ಕರೆ ಕರಗಲಿಲ್ಲ. ಇದನ್ನ ಕಂಡು ಕೂಲಂಕುಷವಾಗಿ ಪರಿಶೀಲಿಸಿದಾಗ ಇದು ಪ್ಲಾಸ್ಟಿಕ್ ಸಕ್ಕರೆ ಎಂಬ ಆಘಾತಕಾರಿ ಸಂಗತಿ ಬೆಳಕಿಗೆ ಬಂದಿದೆ.