ಪಠಾಣ್ ನಿರ್ದೇಶಕನ ಸಿನಿಮಾಗೆ ಪ್ರಭಾಸ್ ಗ್ರೀನ್ ಸಿಗ್ನಲ್

`ಬಾಹುಬಲಿ 2′ (Bahubali 2) ನಂತರ ಸಕ್ಸಸ್ ಸಿಗದೇ ಪ್ರಭಾಸ್ ಒದ್ದಾಡುತ್ತಿದ್ದಾರೆ. ಸಾಲು ಸಾಲು ಸಿನಿಮಾಗಳು ಪ್ರಭಾಸ್ ಕೈಯಲ್ಲಿದ್ದರು. ಕೆರಿಯರ್‌ನ ಮತ್ತೊಂದು ಬಿಗ್ ಬ್ರೇಕ್ ಕಾಯ್ತಿದ್ದಾರೆ. ಸದ್ಯ `ಪಠಾಣ್’ (Pathan) ನಿರ್ದೇಶಕ ಸಿದ್ಧಾರ್ಥ್ ಆನಂದ್ (Siddarth Anand) ಜೊತೆ ನಟ ಸಿನಿಮಾ ಮಾಡಲು ಮುಂದಾಗಿದ್ದಾರೆ.

ಹೊಡಿ ಬಡಿ ಕಡಿ ಎಂಬ ಸಿನಿಮಾಗಳನ್ನ ತೆರೆಯ ಮೇಲೆ ತೋರಿಸುವುದರಲ್ಲಿ ಸಿದ್ಧಾರ್ಥ್ ಆನಂದ್ ಯಾವಾಗಲೂ ಮುಂದು. ಅದಕ್ಕೆ ತಾಜಾ ಉದಾಹರಣೆ ಎಂದರೆ `ವಾರ್’ ಸಿನಿಮಾ, ಇತ್ತೀಚಿನ ಪಠಾಣ್ ಕೂಡ ಒಂದು. ರಿಲೀಸ್‌ಗೂ ಮುಂಚೆಯೇ ಟ್ರೈಲರ್‌ನಿಂದ ಶಾರುಖ್ (Sharukh Khan) ಚಿತ್ರ ಸದ್ದು ಮಾಡ್ತಿದೆ. ಈ ಬೆನ್ನಲ್ಲೇ ಸಿದ್ಧಾರ್ಥ್ ಆನಂದ್ ಮತ್ತು ಪ್ರಭಾಸ್ (Actor Prabhas) ಕಾಂಬಿನೇಷನ್ ಚಿತ್ರಕ್ಕೆ ತೆರೆಮರೆಯಲ್ಲಿ ಭರ್ಜರಿ ತಯಾರಿ ನಡೆಯುತ್ತಿದೆ. ಇದನ್ನೂ ಓದಿ: ಸತತ ಸೋಲಿನಿಂದ ಬೇಸತ್ತ ಪೂಜಾಗೆ ನಿರ್ದೇಶಕ ತ್ರಿವಿಕ್ರಮ್ ಸಲಹೆ

`ಬಾಹುಬಲಿ 2′ ನಂತರ ಪ್ರಭಾಸ್ ನಟಿಸಿರುವ ಚಿತ್ರಗಳಿಂದ ಸೋತು ಬೇಸತ್ತಿದ್ದಾರೆ. ಹಾಗಾಗಿ ಸಿದ್ಧಾರ್ಥ್ ಹೆಣೆದಿರುವ ಕಥೆ ಕೇಳಿ ಥ್ರಿಲ್ ಆಗಿ ಚಿತ್ರಕ್ಕೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಇವರಿಬ್ಬರ ಕಾಂಬಿನೇಷನ್‌ನಲ್ಲಿ ಖಡಕ್ ಆ್ಯಕ್ಷನ್ ಚಿತ್ರ ನೋಡೋದಂತು ಪಕ್ಕಾ ಎನ್ನಲಾಗುತ್ತಿದೆ. ಈ ಜೋಡಿಯ ಹೊಸ ಚಿತ್ರ ಅದೆಷ್ಟರ ಮಟ್ಟಿಗೆ ಕಮಾಲ್‌ ಮಾಡಲಿದೆ ಎಂದು ಕಾದುನೋಡಬೇಕಿದೆ.

ಪ್ರಭಾಸ್ ನಟನೆಯ ಆದಿಪುರುಷ್, ಸಲಾರ್, ಪ್ರಾಜೆಕ್ಟ್ ಕೆ ಸಿನಿಮಾಗಳು ತೆರೆಗೆ ಅಪ್ಪಳಿಸೋದಕ್ಕೆ ರೆಡಿಯಾಗಿದೆ.