ಜನನಿಬೀಡ ಪ್ರದೇಶದಲ್ಲಿದ್ದ ಕಟ್ಟಡ ಕುಸಿತ – ತಪ್ಪಿತು ಭಾರೀ ದುರಂತ

ವಿಜಯಪುರ: ಜನನಿಬೀಡ ಪ್ರದೇಶದಲ್ಲಿದ್ದ ಹಳೇ ಕಟ್ಟಡವೊಂದು ಕುಸಿದ ಪರಿಣಾಮ ಭಾರೀ ಅನಾಹುತವೊಂದು ಕೊದಲೆಳೆ ಅಂತರದಲ್ಲಿ ತಪ್ಪಿದ ಘಟನೆ ಜಿಲ್ಲೆಯ ಗಾಂಧಿಚೌಕದಲ್ಲಿ ನಡೆದಿದೆ.

ಗಾಂಧಿಚೌಕದಲ್ಲಿರುವ ಮಾರ್ಕೆಟ್‍ ನ ಮೇಲ್ಛಾವಣಿ ಕುಸಿದು ಬಿದ್ದಿದೆ. ಎಲ್‍ಬಿಎಸ್ ಮಾರ್ಕೆಟ್ ಕಿರಿದಾಗಿದ್ದು, ಜನನಿಬೀಡ ಪ್ರದೇಶದಲ್ಲಿರುವ ಈ ಕಟ್ಟಡ ಹಳೆಯದಾಗಿತ್ತು. ಬೆಳಗಿನ ಜಾವದಲ್ಲಿ ಈ ಕಟ್ಟಡ ಕುಸಿದಿದೆ.

ಘಟನೆ ನಡೆದ ವೇಳೆ ಕಟ್ಟಡದಲ್ಲಿ ಕೆಲವೇ ಕೆಲವು ಜನರು ಇದ್ದರು. ಆದ್ದರಿಂದ ಭಾರೀ ಅನಾಹುತ ತಪ್ಪಿದ್ದು, ಕಟ್ಟಡದಲ್ಲಿದ್ದ ಕೆಲವರು ಓಡಿ ಬಂದಿದ್ದಾರೆ. ಅವರಿಗೆಲ್ಲಾ ಸಣ್ಣ-ಪುಟ ಗಾಯಗಳಾಗಿವೆ. ಆದರೆ ಇಷ್ಟೊಂದು ಅನಾಹುತ ಸಂಭವಿಸಿದ್ರೂ, ಸ್ಥಳಕ್ಕೆ ಮಾತ್ರ ಪಾಲಿಕೆ ಅಧಿಕಾರಿಗಳು ಬಾರದಿರುವುದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.