ಸಲ್ಮಾನ್ ಖಾನ್ ಜೊತೆ ಸಮಂತಾ- ರಶ್ಮಿಕಾ ಮಂದಣ್ಣ ಡ್ಯುಯೇಟ್.!

ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಬತ್ತಳಿಕೆಯಲ್ಲಿ ಸಾಲು ಸಾಲು ಸಿನಿಮಾಗಳಿವೆ. ಈಗ `ನೋ ಎಂಟ್ರಿ ಮೇ ಎಂಟ್ರಿ’ ಚಿತ್ರದ ಮೂಲಕ ಸದ್ದು ಮಾಡ್ತಿದ್ದಾರೆ. ನೋ ಎಂಟ್ರಿ ಸಿಕ್ವೇಲ್‌ಗೆ ಭರದಿಂದ ಸಿದ್ಧತೆ ನಡೆಯುತ್ತಿದೆ.ಈ ಚಿತ್ರದಲ್ಲಿ ಸಲ್ಮಾನ್ ಖಾನ್ ಜೊತೆ ಸಮಂತಾ ಮತ್ತು ರಶ್ಮಿಕಾ ಕೂಡ ನಟಿಸಲಿದ್ದಾರೆ.

ಸಲ್ಮಾನ್ ಖಾನ್ ಈಗ `ಕಭಿ ಈದ್ ಕಭಿ ದಿವಾಲಿ’ ಚಿತ್ರದ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಈ ಬೆನ್ನಲ್ಲೇ ಈಗಿಂದಲೇ `ನೋ ಎಂಟ್ರಿ ಮೇ ಎಂಟ್ರಿ’ ಚಿತ್ರಕ್ಕಾಗಿ ತೆರೆಮರೆಯಲ್ಲಿ ಸಿದ್ಧತೆ ನಡೆಯುತ್ತಿದೆ. ಚಿತ್ರದಲ್ಲಿ ಶಾರುಖ್ ಖಾನ್, ಅನಿಲ್ ಕಪೂರ್, ಫರ್ದೀನ್ ಖಾನ್ ಮುಖ್ಯಭೂಮಿಕೆಯಲ್ಲಿ ನಟಿಸಲಿದ್ದಾರೆ. ಈ ಚಿತ್ರದಲ್ಲಿ ಹತ್ತು ಜನ ಹೀರೋಯಿನ್ಸ್ ಕಾಣಿಸಿಕೊಳ್ಳಲಿದ್ದು, ಈ ಪೈಕಿ `ಪುಷ್ಪ’ ಬ್ಯೂಟಿ ಸಮಂತಾ ಮತ್ತು ನ್ಯಾಶನಲ್ ಕ್ರಶ್ ರಶ್ಮಿಕಾ ಮಂದಣ್ಣಗೆ ನಟಿಸಲು ಚಿತ್ರತಂಡ ಕೇಳಲಾಗಿದೆ. ಇದನ್ನೂ ಓದಿ: ಪತಿ ದಿಗಂತ್ ನೆನೆದು ಭಾವುಕರಾದ ನಟಿ ಐಂದ್ರಿತಾ ರೇ : ಈಗ ಹೇಗಿದ್ದಾರೆ ನಟ ದಿಗಂತ್?

ಅನೀಸ್ ಬಾಜ್ಮಿ ನಿರ್ದೇಶನದ ಈ ಚಿತ್ರದಲ್ಲಿ ನಟಿಸಲು ರಶ್ಮಿಕಾ ಮತ್ತು ಸಮಂತಾಗೆ ಮಾತ್ರ ಬುಲಾವ್ ನೀಡಿರೋದರ ಜತೆಗೆ ಪೂಜಾ ಹೆಗ್ಡೆ, ತಮನ್ನಾ ಭಾಟಿಯಾ, ಹೀಗೆ ಸಾಕಷ್ಟು ನಟಿಮಣಿಯರಿಗೆ ಚಿತ್ರತಂಡ ಮಣೆ ಹಾಕಿದೆ. ನೋ ಎಂಟ್ರಿ ಚಿತ್ರದಲ್ಲಿ ಈ ಹಿಂದೆ ನಟಿಸಿದ್ದ ನಾಯಕಿಯರು ಲಾರಾ ದತ್ತ್, ಬಿಪಾಶಾ ಬಸು, ಇಶಾ ಡಿಯೋಲ್ ಅವಕಾಶವಿಲ್ಲ ಎನ್ನಲಾಗುತ್ತಿದೆ. ಇನ್ನು ಸಲ್ಮಾನ್ ಖಾನ್ ಜತೆ ನಟಿಸುವ 10 ಜನ ನಾಯಕಿಯರು ಯಾರು, ರಿಲೀಸ್ ಬಳಿಕ `ನೋ ಎಂಟ್ರಿ’ ಸಿಕ್ವೇಲ್ ಪ್ರೇಕ್ಷಕರ ಮನದಲ್ಲಿ ಎಂಟ್ರಿ ಪಡೆದುಕೊಳ್ಳುತ್ತಾ ಅಂತಾ ಕಾದುನೋಡಬೇಕಿದೆ.

Live Tv