ಬಿಗ್‌ಬಾಸ್ ಖ್ಯಾತಿಯ ನಿವೇದಿತಾ ಗೌಡ ಸದಾ ಒಂದಲ್ಲಾ ಒಂದು ವಿಚಾರವಾಗಿ ಸುದ್ದಿಯಾಗುತ್ತಲೇ ಇರುತ್ತಾರೆ. ಬಿಗ್ ಬಾಸ್ ನಿವಿ, ಅವರ ಮನೆಯಲ್ಲಿ ಬಿದ್ದು ಹಲ್ಲು ಮುರಿದುಕೊಂಡಿದ್ದಾರಂತೆ. ಹಾಗಂತ ಸ್ವತಃ ನಿವೇದಿತಾ ಅವರೇ ವಿಡಿಯೋದಲ್ಲಿ ಹೇಳಿಕೊಂಡಿದ್ದಾರೆ. ಅರ‍್ರೇ ಚಂದನದ ಗೊಂಬೆಗೆ ಏನ್ ಆಯ್ತು ಅನ್ಕೋತ್ತಿದ್ದೀರಾ..ಇದಕ್ಕೇಲ್ಲ ಉತ್ತರ ಇಲ್ಲಿದೆ ನೋಡಿ.
ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್ ಆಗಿರೋ ನಿವಿ, ತಮ್ಮ ಸಂತೋಷದ ಕ್ಷಣವನ್ನು ಆಗಾಗ ಇಂಟರ್‌ನೆಟ್‌ನಲ್ಲಿ ಶೇರ್ ಮಾಡುತ್ತಾರೆ. ಈಗಾಗಲೇ ಇನ್ಸ್ಟಾಗ್ರಾಂನಲ್ಲಿ ೧ ಮಿಲಿಯನ್ ಫಾಲೋವರ್ಸ್ ಹೊಂದಿರೋ ನಿವಿ, ಯೂಟ್ಯೂಬ್‌ನಲ್ಲೂ ಸಿಕ್ಕಾಪಟ್ಟೆ ಆಕ್ಟೀವ್ ಆಗಿದ್ದಾರೆ. ಈಗ ಅಸಲಿ ಮ್ಯಾಟ್ರು ಏನಪ್ಪಾ ಅಂದ್ರೆ ನಟಿ ನಿವೇದಿತಾ ಹಲ್ಲು ಮುರಿದುಕೊಂಡಿರುವ ವಿಷಯ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ.
ನಿವೇದಿತಾ, ಸಾಕು ನಾಯಿ ಜೊತೆ ಆಟವಾಡ್ತಿರೋವಾಗ ಮೆಟ್ಟಿಲಿನಿಂದ ಮುಗ್ಗರಿಸಿದ ವಿಚಾರವನ್ನು ನಿವಿ ಹೇಳಿಕೊಂಡಿದ್ದಾರೆ. ಈ ವಿಷಯವನ್ನು ಮೊದಲು ಪತಿ ಚಂದನ್‌ಗೆ ಕರೆ ಮಾಡಿ ಹೇಳಿಕೊಂಡಿದ್ದಾರೆ. ಮ್ಯೂಸಿಕ್ ಸ್ಟುಡಿಯೋದಲ್ಲಿ ಬ್ಯುಸಿಯಿದ್ದ ಚಂದನ್ ನಿವಿಗಾಗಿ ಕೆಲಸ ಪಕ್ಕಕಿಟ್ಟು ಓಡೋಡಿ ಬಂದಿದ್ದಾರೆ. ನಂತರ ಮೈಸೂರಿನಲ್ಲಿದ್ದ ತನ್ನ ತಾಯಿಗೂ ಕಾಲ್ ಮಾಡಿ ಹೀಗೆ ಹೇಳಿದ್ದಾರೆ.ಅಚ್ಚರಿಯ ವಿಷಯ ಏನಪ್ಪಾ ಅಂದರೆ ಪತಿಗೆ ಏಪ್ರಿಲ್ ಫೂಲ್ ಮಾಡೋಕೆ ಈಷ್ಟೆಲ್ಲಾ ಸರ್ಕಸ್ ಮಾಡಿದ್ದಾರೆ. ಇದನ್ನು ಓದಿ:ಕನ್ನಡದ ಇಬ್ಬರು ಸೂಪರ್ ಸ್ಟಾರ್ ಚಿತ್ರಕ್ಕೆ `ಮದಗಜ’ ಮಹೇಶ್ ಆ್ಯಕ್ಷನ್ ಕಟ್ :ನಂತರ ಬಾಲಿವುಡ್ ಸಿನಿಮಾ
ನಿವಿ ಹೇಳಿದ್ದೇ ನಿಜ ಅಂತಾ ನಂಬಿ ಮನೆಗೆ ಬಂದಿದ್ದ ಪತಿ ಚಂದನ್ ಆ ನಂತರ ಇದು ಫ್ರ್ಯಾಂಕ್ ಎಂದು ತಿಳಿದಿದೆ. ಸದ್ಯ ನಿವೇದಿತಾ ಮಾಡಿರೋ ತಮಾಷೆಯ ವಿಡಿಯೋ ಇಂಟರ್‌ನೆಟ್‌ನಲ್ಲಿ ಸಿಕ್ಕಾಪಟ್ಟೆ ವಿವ್ಸ್ ಗಿಟ್ಟಿಸಿಕೊಳ್ಳುತ್ತಿದೆ. ಸಾಮಾಜಿಕ ಜಾಲತಾಣದಲ್ಲಿ ಸದಾ ಆಕ್ಟೀವ್ ಆಗಿರೋ ನಿವಿ ತುಂಟಾಟ ನೆಟ್ಟಿಗರಿಗೆ ಖುಷಿ ಕೊಟ್ಟಿದೆ.
