ಭಾರತೀಯ ಚಿತ್ರರಂಗದಲ್ಲೇ ಹೊಸ ಇತಿಹಾಸ ಬರೆದ ಚಿತ್ರ `ಕೆಜಿಎಫ್ 2′, ರಿಲೀಸ್ ಆದ ಮೊದಲ ದಿನವೇ ಬಾಕ್ಸ್ಆಫೀಸ್ ಲೂಟಿ ಮಾಡ್ತಿದೆ. ಎಲ್ಲೆಲ್ಲೂ ರಾಕಿಭಾಯ್ಗೆ ಅಭಿಮಾನಿಗಳು ಸಲಾಮ್ ಹೊಡೆಯುತ್ತಿದ್ದಾರೆ. ಅಷ್ಟರ ಮಟ್ಟಿಗೆ ರಣಧೀರನ ಆರ್ಭಟ ಜೋರಾಗಿದೆ. ಚಿತ್ರ ನೋಡಿ ಅಭಿಮಾನಿಗಳು ಅಪ್ಪಿ ಒಪ್ಪಿಕೊಂಡಿದ್ದಾರೆ. ಸಿನಿಮಾ ನೋಡಿರೋ ಫ್ಯಾನ್ಸ್ `ಕೆಜಿಎಫ್ 3’ನೇ ಪಾರ್ಟ್ ಬರಲಿದೆ ಅಂತಾ ಭವಿಷ್ಯ ನುಡಿದಿದ್ದಾರೆ.
ದೇಶದ ಮೂಲೆ ಮೂಲೆಯಲ್ಲೂ ರಾಕಿಭಾಯ್ ತೂಫಾನ್ ಜೋರಾಗಿದೆ. ಕೆಜಿಎಫ್ 2ಗೆ ಫ್ಯಾನ್ಸ್ ಜೈಕಾರ ಹಾಕ್ತಿದ್ದಾರೆ. ಅಷ್ಟರ ಮಟ್ಟಿಗೆ ಪ್ರಶಾಂತ್ ನೀಲ್ ಮತ್ತು ಯಶ್ ಕಾಂಬಿನೇಷನ್ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಕಥೆ, ಛಾಯಾಗ್ರಹಣ, ನಟನೆ ಪ್ರತಿಯೊಂದಕ್ಕೂ ಫ್ಯಾನ್ಸ್ ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ.
`ಕೆಜಿಎಫ್ 2′ ಚಿತ್ರಕ್ಕೆ ಕೊಟ್ಟ ಕಾಸಿಗೆ ಮೋಸವಿಲ್ಲ. ಮುಂದೆ ಕೆಜಿಎಫ್ 3 ಕೂಡ ಸಿನಿಮಾ ಬರಲಿದೆ. `ಕೆಜಿಎಫ್ 2′ ಸೀಕ್ವೆಲ್ ಬಗ್ಗೆ ಸಣ್ಣ ಹಿಂಟ್ ಕೊಡಲಾಗಿದೆ. ಹಾಗಾಗಿ ಕೆಜಿಎಫ್ ೩ನೇ ಪಾರ್ಟ್ ಬರಲಿದೆ ಅಂತಾ ಅಭಿಮಾನಿಗಳು ಭವಿಷ್ಯ ನುಡಿದಿದ್ದಾರೆ. ಇದನ್ನು ಓದಿ:ಸೊಸೆ ಬಗ್ಗೆ ಯಶ್ ತಂದೆ, ತಾಯಿ ಮನದಾಳದ ಮಾತು
ಕೆಜಿಎಫ್ 3ನೇ ಪಾರ್ಟ್ ಬರಲಿದೆ ಅಂತಾ ಭವಿಷ್ಯ ನುಡಿದ ಅಭಿಮಾನಿಗಳು, ಈ ಕುರಿತು ಕೆಜಿಎಫ್ ಟೀಮ್ ಯಾವುದೇ ಅಧಿಕೃತ ಘೋಷಣೆ ನೀಡಿಲ್ಲ. ದೇಶಾದ್ಯಂತ ಸಿನಿಮಾನ ನೋಡಿ ಸಂಭ್ರಮಿಸುತ್ತಿದ್ದಾರೆ.
