ಬಿಗ್ ಬಾಸ್ ಮನೆಯಲ್ಲಿ (Bigg Boss Kannada 10) ಈ ವಾರ ನಮ್ರತಾ ಗೌಡ (Namratha Gowda) ಅವರು ಉತ್ತಮವಾಗಿ ಆಡಿದ್ದಾರೆ. ಸ್ಪರ್ಧಿಗಳಿಂದಲೇ ನಮ್ರತಾ ಉತ್ತಮ ಎಂದೆನೆಸಿಕೊಂಡಿದ್ದಾರೆ. 55 ದಿನಗಳ ನಂತರ ನಮ್ರತಾರ ಆಟ ಮತ್ತು ಆ್ಯಕ್ಟಿವಿಟಿ ನೋಡಿ ಸುದೀಪ್ ಕೂಡ ಮೆಚ್ಚುಗೆ ಸೂಚಿಸಿ ಚಪ್ಪಾಳೆ ತಟ್ಟಿದ್ದಾರೆ.
ಕಳೆದ ವಾರ ಡ್ರೋನ್ ಪ್ರತಾಪ್, ತನಿಷಾ ಕುಪ್ಪಂಡಗೆ (Tanisha Kuppanda) ವೀಕ್ಷಕರಿಂದ ಹೆಚ್ಚಿನ ಮತ ಸಿಕ್ಕಿತ್ತು. ಇದರಿಂದ ನಮ್ರತಾ ತುಂಬ ಬೇಸರ ಮಾಡಿಕೊಂಡಿದ್ದರು. ಸಿಕ್ಕಾಪಟ್ಟೆ ಕೂಗಾಡುವ ತನಿಷಾ ಜನರಿಗೆ ಇಷ್ಟ ಆಗ್ತಾರೆ, ನಾನು ಹೊರಗಡೆ ಸುಮ್ಮನೆ ಪ್ರಾಜೆಕ್ಟ್ ಮಾಡಿಕೊಂಡು ಇರಬಹುದಿತ್ತು ಎಂದು ನಮ್ರತಾ ಹೇಳಿದ್ದರು. ಆದರೆ ಈ ವಾರ ಅವರ ಅದೃಷ್ಟ ಬದಲಾಗಿದೆ. ಈ ವಾರವೇ ನಮ್ರತಾ ಗೌಡ ಅವರು ಸ್ಪರ್ಧಿಗಳ ಕಣ್ಣಲ್ಲಿ ಉತ್ತಮ ಪಟ್ಟದ ಜೊತೆಗೆ ಕಿಚ್ಚ ಸುದೀಪ್ ಅವರಿಂದ ಕಿಚ್ಚನ ಚಪ್ಪಾಳೆಯನ್ನು ಕೂಡ ಪಡೆದರು.
Advertisement
ಕ್ಯಾಪ್ಟೆನ್ಸಿ ಹಣಾಹಣಿಯಲ್ಲಿ ಕಾಲಿಗೆ ಪೆಟ್ಟಾಗಿದ್ದರಿಂದ ತನಿಷಾ ಪರ ನಮ್ರತಾ ಆಟ ಆಡಿದ್ದರು. 4 ಆಟಗಳನ್ನ ಉತ್ತಮವಾಗಿ ಆಡಿ ನಮ್ರತಾ ಸ್ಪರ್ಧಿಸಿದ್ದರು. ಸ್ನೇಹಿತ್‌ಗೆ ಮಸ್ತ್ ಆಗಿ ಪೈಪೋಟಿ ನೀಡಿದ್ದರು. ಕೊನೆಯ ಹಂತದಲ್ಲಿ ಕ್ಯಾಪ್ಟನ್ ಪಟ್ಟ ಸ್ನೇಹಿತ್ ಪಾಲಾಗಿತ್ತು. ಆದರೂ ಛಲ ಬಿಡದೇ ಆಡಿದ್ದ ನಮ್ರತಾ ಹುಮ್ಮಸ್ಸು ನೋಡಿ ಸುದೀಪ್ ಮೆಚ್ಚಿದ್ದಾರೆ.
Advertisement
ಈ ಕಡೆ ಕಳಪೆನೂ, ಉತ್ತಮನೂ ಇಲ್ಲ, ಕಿಚ್ಚನ ಚಪ್ಪಾಳೆಯೂ ಇಲ್ಲ, ಕ್ಯಾಪ್ಟನ್ ಅಲ್ಲ. ನಾನ್ಯಾಕೆ ಇಲ್ಲಿದೀನಿ ಎಂದು ನಮ್ರತಾ ಗೌಡ (Namratha Gowda) ಅವರು ಪದೇ ಪದೇ ಹೇಳಿಕೊಂಡು ಅತ್ತಿದ್ದರು. ಈ ವಾರ ಅವರ ಪ್ರತಿಶ್ರಮಕ್ಕೆ ತಕ್ಕ ಪ್ರತಿಫಲ ಸಿಕ್ಕಿದೆ ಎಂದು ನಮ್ರತಾ ಮಾತನಾಡಿದ್ದಾರೆ. ಇದನ್ನೂ ಓದಿ:Bigg Boss: ಪವಿ ಮಾಡಿದ ಯಡವಟ್ಟಿಗೆ ಸುದೀಪ್ ಖಡಕ್‌ ಕ್ಲಾಸ್
Advertisement
ನಮ್ರತಾ ಗೌಡ ಅವರು ಯಾವ ಟಾಸ್ಕ್‌ನಲ್ಲಿಯೂ ಚೆನ್ನಾಗಿ ಆಡಿಲ್ಲ, ಸ್ನೇಹಿತ್ ಜೊತೆ ತಿರುಗಾಡಿದ್ದು ಬಿಟ್ಟರೆ ಬೇರೆ ಏನೂ ಮಾಡಿಲ್ಲ ಅಂತ ಇಡೀ ಮನೆಯವರು ಮಾತಾಡಿಕೊಂಡಿದ್ದರು. ನಮ್ರತಾ ಗೌಡ ಅವರು ಪ್ರತಿ ಬಾರಿ ಎಲಿಮಿನೇಶನ್ ವೇಳೆ ಕೊನೆಯ ಸುತ್ತಿನಲ್ಲಿ ಸೇವ್ ಆಗಿ ಉಳಿದುಕೊಳ್ಳುತ್ತಿದ್ದರು. ಇದಕ್ಕೆ ನಮ್ರತಾ ಗೌಡ ಅವರಿಗೆ ಬಹಳ ಬೇಸರವಾಗಿತ್ತು. ಇಷ್ಟುದಿನ ನಾನು ಯಾಕೆ ಇಲ್ಲಿದೀನಿ ಅಂತ ಗೊತ್ತಾಗ್ತಿರಲಿಲ್ಲ ಎಂದು ನಮ್ರತಾ ಅವರು ಹೇಳಿದ್ದಾರೆ. ನಮ್ರತಾ ಅವರು ಪ್ರತಾಪ್‌ಗೆ (Drone Prathap) ನಿಮ್ಮಿಂದಲೇ ನನಗೆ ಉತ್ತಮ, ಕಿಚ್ಚನ ಚಪ್ಪಾಳೆ ಸಿಕ್ಕಿದೆ. ನಿಮ್ಮ ತಂಡಕ್ಕೆ ಬಂದಿದ್ದಕ್ಕೆ ಇದೆಲ್ಲ ಸಿಕ್ಕಿದೆ ಎಂದು ಹೇಳಿದ್ದರು. ಪ್ರತಾಪ್ ತಂಡದಿಂದ ದೂರ ಇಟ್ಟಿದ್ದಕ್ಕೆ ನನ್ನ ಆಟದಲ್ಲಿ ಸಾಕಷ್ಟು ಬದಲಾವಣೆ ಆಯ್ತು ಎಂದು ಎಂದಿದ್ದಾರೆ.
Advertisement
ಪ್ರತಾಪ್ ಅವರು ನಿಮಗೆ ಉತ್ತಮ ಕೊಡಿಸ್ತೀನಿ, ಕಿಚ್ಚನ ಚಪ್ಪಾಳೆ ಕೊಡಿಸ್ತೀನಿ ಅಂತಲೇ ನಮ್ರತಾ ಗೌಡಗೆ ಸಾಕಷ್ಟು ಬಾರಿ ಮಾತು ಕೊಟ್ಟಿದ್ದರು. ಇದೇ ಕಾರಣಕ್ಕೆ ನಮ್ರತಾ ಅವರು ಪ್ರತಾಪ್ ತಂಡಕ್ಕೆ ಬಂದಿದ್ದರು. ಆದರೆ ಕ್ಯಾಪ್ಟನ್ಸಿ ಟಾಸ್ಕ್ ಆಟದಿಂದ ಅವರನ್ನು ಪ್ರತಾಪ್ ಹೊರಗಡೆ ಇಟ್ಟರು. ಈ ಮೂಲಕ ನಮ್ರತಾಗೆ ಕೈ ಕೊಟ್ಟು ಬೇರೆ ಮೈಂಡ್ ಗೇಮ್ ಶುರು ಮಾಡಿದ್ದರು. ಇದಕ್ಕೆ ನಮ್ರತಾ ಸಿಕ್ಕಾಪಟ್ಟೆ ಕಣ್ಣೀರಿಟ್ಟಿದ್ದರು.
