ಬಿಜೆಪಿ ಬಗ್ಗೆ ಗೌರವ ಇಲ್ಲ ಅಂದ್ರೆ ಈ ಪಕ್ಷದಲ್ಲಿ ಯಾಕೆ ಇರ್ತೀಯಾ: ಯತ್ನಾಳ್‍ ವಿರುದ್ಧ ನಿರಾಣಿ ಏಕವಚನದಲ್ಲೇ ಗುಡುಗು

ಬೆಂಗಳೂರು: ಪಕ್ಷದ ಬಗ್ಗೆ ಗೌರವ ಇಲ್ಲ ಅಂದ್ರೆ ಈ ಪಕ್ಷದಲ್ಲಿ ಯಾಕೆ ಇರ್ತೀಯಾ? ರಾಜೀನಾಮೆ ಕೊಟ್ಟು ಹೋಗು ಎಂದು ಶಾಸಕ ಬಸನಗೌಡ ಪಾಟೀಲ್‌ ಯತ್ನಾಳ್‌ಗೆ (Basanagouda Patil Yatnal) ಸಚಿವ ಮುರುಗೇಶ್ ನಿರಾಣಿ (Murugesh Nirani) ಏಕವಚನದಲ್ಲೇ ಕಿಡಿಕಾರಿದರು.

ರಾಜ್ಯದಲ್ಲಿ ಮೀಸಲಾತಿ ಕದನ ತಾರಕಕ್ಕೇರಿದೆ. ಅದರಲ್ಲೂ ಬಿಜೆಪಿಯಲ್ಲಿ (BJP) ಯತ್ನಾಳ್ ಹಾಗೂ ನಿರಾಣಿ ಪರಸ್ಪರ ವಾಗ್ವಾದ ನಡೆಸುತ್ತಿದ್ದಾರೆ. ನಿನ್ನೆಯಷ್ಟೇ ಪಿಂಪ್ ಅಂತ ಆರೋಪ ಮಾಡಿದ್ದ ಯತ್ನಾಳ್‍ಗೆ ನಿರಾಣಿ ಏಕವಚನದಲ್ಲಿ ನಿಂದಿಸಿದ್ದಾರೆ. ತಾಕತ್ತ್ ಇದ್ರೆ ಕೊರ್ಟ್‍ನಲ್ಲಿರೋ ಸ್ಟೇ ತೆರವು ಮಾಡಲು ಸವಾಲು ಹಾಕಿದ್ದಾರೆ. ಪಕ್ಷದ ಬಗ್ಗೆ ಗೌರವ ಇಲ್ಲ ಅಂದ್ರೆ ಈ ಪಕ್ಷದಲ್ಲಿ ಯಾಕೆ ಇರ್ತೀಯಾ? ರಾಜೀನಾಮೆ ಕೊಟ್ಟು ಹೋಗು ಎಂದು ಕಿಡಿಕಾರಿದರು.

Basangouda Patil Yatnal

ಬಿಜೆಪಿ ಪಕ್ಷ ನಮಗೆ ಸಂಸ್ಕೃತಿ ಕಲಿಸಿದೆ. ಅವರಪ್ಪಗೆ ಅವರು ಹುಟ್ಟಿದ್ರೆ ಈ ಮಾತು ಆಡ್ತಿರ್ಲಿಲ್ಲ. ಸುಸಂಸ್ಕೃತ ಆಗಿದ್ದಿದ್ರೆ ಅವರು ಹೀಗೆ ಮಾತಾಡ್ತಿರ್ಲಿಲ್ಲ. ಅವರು ಸುಸಂಸ್ಕೃತರಾಗಿ ಮಾತಾಡ್ತಿಲ್ಲ ಅಂದ್ರೆ ಅವರು ಪಿಂಪ್‍ಗೆ ಹುಟ್ಟಿರಬೇಕು ಅಥವಾ ಬೇರೆ ಯಾರಿಗೋ ಹುಟ್ಟಿರಬೇಕು. ನಿಮ್ಮಪ್ಪನಿಗೆ ನೀವು ಹುಟ್ಟಿದ್ರೆ ನೀವು ಕೋರ್ಟ್‍ನಲ್ಲಿ ತಂದಿರುವ ಸ್ಟೇ ತೆರವು ಮಾಡಿ. ನಿಮ್ಮ ಜತೆ ಕುಮಾರ್ ಅಂತ ಒಬ್ಬ ಡ್ರೈವರ್ ಇದ್ದ, ಆತನ ಕೊಲೆ ಆಗಿದೆ. ಆತನ ಕೊಲೆ ಯಾಕಾಯ್ತು, ಯಾರು ಮಾಡಿದ್ದು ಅಂತ ಹೇಳಿ ಎಂದು ಸವಾಲು ಹಾಕಿದರು. ಇದನ್ನೂ ಓದಿ: ಸ್ಯಾಂಟ್ರೋ ಟ್ರಾವೆಲ್ಸ್ ಹತ್ತಿದವರಿಗೆ ಸಿಡಿ ಭಯ- ರವಿ ಹತ್ರ ಸಿಡಿ ಇವೆಯಾ..!?

ನಿಮ್ಮದು ಡ್ರಾಮಾ ಕಂಪೆನಿ. ಜೆಡಿಎಸ್‍ಗೆ ಹೋದಾಗ ಟಿಪ್ಪು ಟೋಪಿ ಹಾಕ್ತೀರ. ಇಲ್ಲಿದ್ರೆ ಟಿಪ್ಪು ವಿರೋಧಿಸ್ತೀರಾ?, ಇಷ್ಟು ದಿನ ನಾನು, ನನ್ನ ಪಕ್ಷ ಸಹನೆಯಿಂದ ಇದ್ದೇವೆ. ನಮ್ಮ ಪಕ್ಷದ ಬಗ್ಗೆ ಗೌರವ ಇಲ್ಲ ಅಂದ್ರೆ ಈ ಪಕ್ಷದಲ್ಲಿ ನೀನು ಯಾಕೆ ಇರ್ತೀಯಾ?, ರಾಜೀನಾಮೆ ಕೊಟ್ಟು ಹೊರಗಿಂದ ಹೋರಡು, ರಾಜಕೀಯ ದೊಂಬರಾಟ ನಿಲ್ಲಿಸು ಎಂದು ಗುಡುಗಿದರು.