ಶ್ರೀನಗರ: ಯುವತಿಯೊಬ್ಬಳ ಸ್ಕೂಟಿ ತಡೆದು ಚೇಡಿಸಲು ಮುಂದಾಗಿದ್ದ ಘಟನೆಯೊಂದು ಜಮ್ಮು ಮತ್ತು ಕಾಶ್ಮೀರ ರಾಜ್ಯದಲ್ಲಿ ನಡೆದಿದೆ. ಯುವಕ ರಸ್ತೆಯಲ್ಲಿ ಬರುತ್ತಿದ್ದ ಯುವತಿಯ ಸ್ಕೂಟಿಯನ್ನು ತಡೆಯಲು ಮುಂದಾಗಿದ್ದಾನೆ. ಸ್ಕೂಟಿಯ ನಿಯಂತ್ರಣ ಕಳೆದುಕೊಂಡ ಯುವತಿ ನೇರವಾಗಿ ಎದುರಿಗೆ ನಿಂತಿದ್ದ ಯುವಕನಿಗೆ ಗುದ್ದು ಅನತಿ ದೂರದಲ್ಲಿ ಸ್ಕೂಟಿ ಬಿದ್ದಿದೆ.
ಜಮ್ಮು ಕಾಶ್ಮೀರದ ದೋಡಾ ಜಿಲ್ಲೆಯಲ್ಲಿ ನಡೆದಿದ್ದು, ಈ ಎಲ್ಲ ದೃಶ್ಯಗಳು ರಸ್ತೆ ಬದಿಯ ಮನೆಯೊಂದರ ಸಿಸಿಟಿವಿಯಲ್ಲಿ ಸೆರೆಯಾಗಿವೆ. ಬೈಕಿನಲ್ಲಿ ಬಂದ ಮೂವರು ಯುವತಿಗೆ ಕಿರು ಕುಳ ನೀಡಲು ಮುಂದಾಗಿದ್ರು, ಆದರೆ ಸ್ಕೂಟಿ ಯುವಕನಿಗೆ ಗುದ್ದಿದೆ. ಫಾರುಖ್ (19), ಅಝರ್ ವನಿ (18) ಮತ್ತು ನಯೀಮ್ ಇಕ್ಬಾಲ್ (19) ಯುವತಿಗೆ ಕಿರುಕುಳ ನೀಡಲು ಮುಂದಾಗಿದ್ದ ಯುವಕರು.
ವಿಡಿಯೋದಲ್ಲಿ ಏನಿದೆ?: ಶಾಲೆಯಿಂದ ಮನೆಯತ್ತ ಹೊರಟ್ಟಿದ್ದ ಯುವತಿಯನ್ನು ನಡು ರಸ್ತೆಯಲ್ಲಿ ತಡೆಯಲು ಯುವಕರು ಮುಂದಾಗಿದ್ದರು. ಸ್ಕೂಟಿ ಕಾಣಿಸುತ್ತಿದ್ದಂತೆ ಬೈಕಿನಿಂದ ಒಬ್ಬ ಸ್ಕೂಟಿ ನಿಲ್ಲಿಸಲು ಮುಂದಾಗಿದ್ದಾನೆ. ಯುವಕರನ್ನು ನೋಡಿ ಭಯಬೀತಳಾದ ಸ್ಕೂಟಿ ಯುವತಿಯ ನಿಯಂತ್ರಣ ತಪ್ಪಿದೆ. ನೇರವಾಗಿ ರಸ್ತೆ ಮಧ್ಯಭಾಗದಲ್ಲಿ ನಿಂತಿದ್ದ ಯುವಕನಿಗೆ ಸ್ಕೂಟಿ ಡಿಕ್ಕಿಯಾಗಿದೆ. ಸ್ವಲ್ಪ ದೂರದಲ್ಲಿ ಹೋಗಿ ಯುವತಿಯೂ ಸಹ ಬಿದ್ದಿದ್ದಾಳೆ. ಸ್ಕೂಟಿ ಡಿಕ್ಕಿಯಾಗಿದ್ದರಿಂದ ಯುವಕ ಪ್ರಜ್ಞೆ ಕಳೆದುಕೊಂಡಿದ್ದಾನೆ. ಘಟನೆಯಲ್ಲಿ ಯುವತಿಗೂ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ವರದಿಯಾಗಿದೆ.
ಪೊಲೀಸರು ಘಟನೆ ಸಂಬಂಧ ಮೂವರು ಯುವಕರನ್ನು ಬಂಧಿಸಿದ್ದಾರೆ. ಘಟನೆ ವೇಳೆ ಯುವಕರು ಬಳಸಿದ್ದ ಬೈಕ್ ನ್ನು ಸಹ ಪೊಲೀಸರು ವಶಪಡಿಸಿಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ. ಘಟನೆಯಲ್ಲಿ ಗಾಯಗೊಂಡಿದ್ದ ಯುವಕನನ್ನು ಸ್ಥಳೀಯ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ.
#WATCH Doda: Man, along with his 2 accomplices, tried to stop a girl's two-wheeler, in an attempt to molest her. Girl lost control of her vehicle & fell down. Accused men have been nabbed by Police. #JammuAndKashmir pic.twitter.com/J7R7FYK0nn
— ANI (@ANI) April 20, 2018
ಪೊಲೀಸರ ಎದುರೇ 8 ತಿಂಗಳ ಕಂದಮ್ಮನನ್ನ ಅತ್ಯಾಚಾರಗೈದಿದ್ದ ಕಾಮುಕನನ್ನು ಹಿಗ್ಗಾ ಮುಗ್ಗಾ ಥಳಿಸಿದ ಸಾರ್ವಜನಿಕರು-ವಿಡಿಯೋ ನೋಡಿhttps://t.co/B70oKGbo54#Police #Video #Rapist #Rape #Court pic.twitter.com/d7L1Q1hzLe
— PublicTV (@publictvnews) April 21, 2018
