ಮೊಹಬ್ಬತ್ ಕಾ ಶರ್ಬತ್ ಕುಡಿದು ಚಿಲ್ ಆಗಿರಿ

ಬೇಸಿಗೆ ಕಾಲದಲ್ಲಿ ಯಾವುದಾದರೂ ಕಾರ್ಯಕ್ರಮಗಳಿಗೆ ಹೋದರೆ ತಂಪಾದ ಶರ್ಬತ್ ಕೊಡುವುದು ರೂಢಿ. ಇದರಿಂದ ಬಿಸಿಲಿನಿಂದ ಬಳಲಿ ಬಂದವರಿಗೆ ದೇಹ ತಂಪಾಗಿಸಿ ಅವರ ದಾಹವನ್ನು ನೀಗಿಸುತ್ತದೆ. ಇಂತಹದೇ ಒಂದು ರುಚಿಕರವಾದ ಶರ್ಬತ್ ರೆಸಿಪಿಯನ್ನು ನಾವು ಇಂದು ನಿಮ್ಮ ಮುಂದೆ ಇಡುತ್ತಿದ್ದೇವೆ. ಅದರ ಹೆಸರೇ ಮೊಹಬ್ಬತ್ ಕಾ ಶರ್ಬತ್. ಹಾಗಿದ್ದರೆ ಇದನ್ನು ಹೇಗೆ ಮಾಡುವುದು ಎಂದು ತಿಳಿದುಕೊಳ್ಳೋಣ. ಇದನ್ನೂ ಓದಿ: ನೀವೊಮ್ಮೆ ಟ್ರೈ ಮಾಡ್ಲೇ ಬೇಕು ಪೋಡಿ ಇಡ್ಲಿ

ಬೇಕಾಗುವ ಸಾಮಾಗ್ರಿಗಳು:
ತಣ್ಣನೆಯ ಹಾಲು – ಅರ್ಧ ಕಪ್
ರೋಸ್ ಸಿರಪ್ – 1 ಚಮಚ
ಕಲ್ಲಂಗಡಿ ರಸ – ಅರ್ಧ ಕಪ್
ಐಸ್ ಕ್ಯೂಬ್‌ಗಳು – 2
ಅಲಂಕಾರಕ್ಕಾಗಿ ಗುಲಾಬಿ ದಳಗಳು- 2ರಿಂದ 3

ಮಾಡುವ ವಿಧಾನ:

• ಮೊದಲಿಗೆ ಒಂದು ಲೋಟದಲ್ಲಿ ಹಾಲು ಮತ್ತು ರೋಸ್ ಸಿರಪ್ ಹಾಕಿಕೊಳ್ಳಿ. ಬಳಿಕ ಅದಕ್ಕೆ ಕಲ್ಲಂಗಡಿ ರಸವನ್ನು ಸೇರಿಸಿ ಚನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.
• ನಂತರ ಅದಕ್ಕೆ ಕತ್ತರಿಸಿದ ಕಲ್ಲಂಗಡಿ ಹಾಗೂ ಐಸ್ ತುಂಡುಗಳನ್ನು ಸೇರಿಸಿ.
• ಬಳಿಕ ಅದನ್ನು ಗುಲಾಬಿ ದಳಗಳಿಂದ ಅಲಂಕರಿಸಿ ತಣ್ಣಗಿದ್ದಾಗಲೇ ಸರ್ವ್ ಮಾಡಿ. ಇದನ್ನೂ ಓದಿ: ಟ್ರೈ ಮಾಡಿ ಸಾಂಪ್ರದಾಯಿಕ ಪಂಜಾಬಿ ಸಿಹಿಯಾದ ಲಸ್ಸಿ