ನವದೆಹಲಿ: ಪೂರ್ಣ ಬಹುಮತ ಎನ್‍ಡಿಎ ಸರ್ಕಾರವು 5 ವರ್ಷ ಆಡಳಿತ ಪೂರ್ಣಗೊಳಿಸಿದ್ದು, ಮತ್ತೆ ಅಧಿಕಾರಕ್ಕೆ ಬರುತ್ತದೆ ಎಂದು ಪ್ರಧಾನಿ ನರೇಂದ್ರ ಮೋದಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ನವದೆಹಲಿಯ ಬಿಜೆಪಿ ಕೇಂದ್ರ ಕಚೇರಿಯಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಸಕಾರಾತ್ಮಕ ಭಾವನೆಯಿಂದ ಚುನಾವಣೆ ಪೂರ್ಣಗೊಳಿಸುವ ಹಂತಕ್ಕೆ ತಲುಪಿದ್ದೇವೆ. 2014ರಲ್ಲಿ ಬಹಳ ವರ್ಷಗಳ ನಂತರ ಒಂದು ಪಕ್ಷ ಬಹುಮತ ಪಡೆದು ಅಧಿಕಾರಕ್ಕೆ ಬಂದಿತ್ತು. ಅಷ್ಟೇ ಅಲ್ಲದೆ ಈ ಬಾರಿಯೂ ಗೆಲ್ಲುವ ವಿಶ್ವಾಸವನ್ನು ಮೂಡಿಸಿದೆ. ಇದು ಬಹು ವರ್ಷಗಳ ಬಳಿಕ ನಡೆದ ಅದ್ಭುತ ಘಟನೆ ಎಂದು ಹೇಳಿದರು.
2014ರ ಫಲಿತಾಂಶ ಮೇ 16ಕ್ಕೆ ಬಂದಿತ್ತು. ಆ ದಿನವೇ ದೊಡ್ಡ ದುರ್ಘಟನೆ ನಡೆದಿತ್ತು. ಬಿಜೆಪಿ 218-220 ಸ್ಥಾನಗಳಲ್ಲಿ ಗೆಲ್ಲುತ್ತದೆ ಎಂದು ಬೆಟ್ಟಿಂಗ್ ಕಟ್ಟಿದವರೆಲ್ಲ ಹಣ ಕಳೆದುಕೊಂಡಿದ್ದರು. ಈ ಮೂಲಕ ಒಂದರ್ಥದಲ್ಲಿ ಪ್ರಾಮಾಣಿಕತೆಯನ್ನು ಪ್ರೋತ್ಸಾಹಿಸುವ ಪ್ರಕ್ರಿಯೆ ನನ್ನ ಪ್ರಮಾಣವಚನಕ್ಕೂ ಮೊದಲೇ ಆರಂಭವಾಯಿತು ಎಂದು ಹೇಳಿದರು.
ಭಾರತವನ್ನು ವಿಶ್ವದಲ್ಲಿ ಪ್ರಭಾವಶಾಲಿ ದೇಶವನ್ನಾಗಿ ನಿರ್ಮಾಣ ಮಾಡಬೇಕಿದೆ. ಇಂತಹ ದೊಡ್ಡ ಚುನಾವಣೆ ಸಮಯದಲ್ಲಿಯೂ ಐಪಿಎಲ್ ಪಂದ್ಯಗಳನ್ನು ದೇಶದಲ್ಲಿ ನಡೆಸಲಾಯಿತು. ಸದೃಢ ಸರ್ಕಾರ ದೇಶದಲ್ಲಿದ್ದರೆ ಚುನಾವಣೆಯ ವೇಳೆಯೂ ರಂಜಾನ್, ಐಪಿಎಲ್ ಪಂದ್ಯ, ಹನುಮಾನ್ ಜಯಂತಿ, ರಾಮ ಜಯಂತಿ ಹಾಗೂ ಮಕ್ಕಳ ಪರೀಕ್ಷೆ ನಡೆಯುತ್ತವೆ ಎಂದು ತಿಳಿಸಿದರು.
Amit Shah: Pragya Thakur's candidature is a 'satyagrah' against a fake case of fake Bhagwa terror. I want to ask Congress, some people were earlier arrested in 'Samjhauta Express' who were related to LeT.A fake case of "bhagwa terror" was made in which accused have been acquitted pic.twitter.com/hazWU0gm2Q
— ANI (@ANI) May 17, 2019
ಚುನಾವಣೆ ಪ್ರಚಾರದ ವೇಳೆ ನಿಗದಿಯಾಗಿದ್ದ ಎಲ್ಲ ಕಾರ್ಯಕ್ರಮಗಳಲ್ಲಿ ನಾನು ಭಾಗವಹಿಸಿದ್ದೇನೆ. ಹೆಲಿಕಾಪ್ಟರ್ ಒಂದೆರಡು ಬಾರಿ ದರುಸ್ತಿಗೊಂಡಿದ್ದರಿಂದ ಕೆಲ ಕಾರ್ಯಕ್ರಮಗಳಿಗೆ ತಡವಾಗಿ ಹಾಜರಾಗಿದ್ದೇನೆ. ದೇಶದ ಜನರು ನನಗೆ 5 ವರ್ಷಗಳ ಕಾಲ ಆಡಳಿತ ನಡೆಸಲು ಸಹಕಾರ ನೀಡಿದ್ದಾರೆ ಎಂದು ಧನ್ಯವಾದ ಸಲ್ಲಿಸಿದರು.
ಸಾಮಾಜಿಕ ಜಾಲತಾಣಗಳು ಬಂದ ನಂತರ ಲೋಕಸಭಾ ಚುನಾವಣೆ ಪ್ರಚಾರ ಕೆಲಸ ಮತ್ತಷ್ಟು ಹೆಚ್ಚಾಯಿತು. ಸಮಾವೇಶದಲ್ಲಿ ಭಾಷಣ ಮಾಡುವುದು ಇದರ ಜೊತೆಗೆ ಟ್ವಿಟ್ಟರ್ ಮೂಲಕ ಜನರಿಗೆ ಸಂದೇಶ ನೀಡುವ ಕೆಲಸ ಮಾಡಬೇಕಾಗುತ್ತಿದೆ. ಎರಡು ಟ್ವಿಟ್ಟರ್ ಖಾತೆಯನ್ನು ನಿಭಾಯಿಸುತ್ತಿದ್ದೇನೆ ಎಂದು ಹೇಳಿ ನಗೆ ಬೀರಿದರು.
BJP President Amit Shah: 80 BJP workers have been killed in one and a half years. What does Mamata Banerjee has to say about this? If we were responsible for this, why violence didn't take place anywhere else? pic.twitter.com/pW8gXOoZOY
— ANI (@ANI) May 17, 2019
ಮೋದಿ ಗಪ್‍ಚುಪ್:
5 ವರ್ಷದಲ್ಲಿ ಮೊದಲ ಬಾರಿಗೆ ಮೋದಿ ಸುದ್ದಿಗೋಷ್ಠಿಗೆ ಆಗಮಿಸಿದ್ದರೂ ಪತ್ರಕರ್ತರ ಪ್ರಶ್ನೆಗೆ ಉತ್ತರಿಸಲಿಲ್ಲ. ಪತ್ರಕರ್ತರು ಕೇಳಿದ ಪ್ರಶ್ನೆಗೆ ಶಿಸ್ತಿನ ನೆಪವೊಡ್ಡಿ, ಪಕ್ಷದ ಅಧ್ಯಕ್ಷರು ನಿಮ್ಮ ಪ್ರಶ್ನೆಗೆ ಉತ್ತರ ನೀಡುತ್ತಾರೆ ಎಂದು ಹೇಳಿದರು. ಬಳಿಕ ಅಮಿತ್ ಶಾ ಅವರೇ ಎಲ್ಲ ಪ್ರಶ್ನೆಗಳಿಗೆ ಉತ್ತರ ನೀಡಿದರು.
LIVE: Shri @AmitShah is addressing a press conference in the presence of PM Shri @narendramodi at BJP HQ. #DeshKaGauravModi https://t.co/PyeR1mudj9
— BJP (@BJP4India) May 17, 2019
