ಪಕ್ಕದ ಮನೆಯವಳಿಂದಲೇ 4 ವರ್ಷದ ಹೆಣ್ಣು ಮಗು ಕಿಡ್ನಾಪ್?

ಬಳ್ಳಾರಿ: ನಾಲ್ಕು ವರ್ಷದ ಹೆಣ್ಣು ಮಗುವನ್ನು ಪಕ್ಕದ ಮನೆಯ ಮಹಿಳೆಯೇ ಅಪಹರಿಸಿಕೊಂಡು ಹೋಗಿದ್ದಾಳೆ ಎನ್ನುವ ಆರೋಪವೊಂದು ಹೊಸಪೇಟೆ ತಾಲೂಕಿನ ಕಮಲಾಪುರದಲ್ಲಿ ಕೇಳಿಬಂದಿದೆ.

ಕಮಲಾಪುರ ಪಟ್ಟಣದ ಕುಂಟೆ ಎರಿಯಾ ನಿವಾಸಿಯಾದ ನೀಲಮ್ಮ ವಿರೇಶಪ್ಪ ದಂಪತಿಯ ಮಗಳಾದ ಮಲ್ಲೇಶ್ವರಿ ಎಂಬಾತ ಅಪಹರಣವಾದ ಬಾಲಕಿ.

ಬಾಲಕಿ ಮಲ್ಲೇಶ್ವರಿ ಜುಲೈ 18 ರಂದು ಚಾಕಲೇಟ್ ತರಲು ಹೋದ ವೇಳೆಯಲ್ಲಿ ಪಕ್ಕದ ಮನೆಯ ಮಹಿಳೆ ಅಂಬಮ್ಮ ಅಪಹರಿಸಿಕೊಂಡು ಹೋಗಿದ್ದಾಳೆ ಎಂದು ಆರೋಪಿಸಿ ಮಲ್ಲೇಶ್ವರಿ ಪೋಷಕರು ಕಮಲಾಪುರ ಠಾಣೆಯಲ್ಲಿ ಕಿಡ್ನಾಪ್ ಕೇಸ್ ದಾಖಲು ಮಾಡಿದ್ದಾರೆ.

ದೂರು ದಾಖಲಿಸಿಕೊಂಡಿರುವ ಕಮಲಾಪುರ ಪೊಲೀಸ್ ಠಾಣೆಯ ಪೊಲೀಸರು ಅಪಹರಣವಾದ ಬಾಲಕಿ ಮಲ್ಲೇಶ್ವರಿಯನ್ನ ಪತ್ತೆ ಮಾಡಲು ಹಾಗೂ ಕಿಡ್ನಾಪ್ ಮಾಡಿದ ಆರೋಪಿ ಮಹಿಳೆ ಅಂಬಮ್ಮರ ಬಗ್ಗೆ ಪ್ರಕಟಣೆ ಹೊರಡಿಸಿ ಬಾಲಕಿಯನ್ನು ಪತ್ತೆ ಮಾಡಲು ಸಾರ್ವಜನಿಕರು ಸಹಕರಿಸುವಂತೆ ಕೋರಿದ್ದಾರೆ.