ಗರಿ ಗರಿಯಾದ ಮಸಾಲಾ ಶೇಂಗಾ ಮಾಡೋ ವಿಧಾನ

ಶೇಂಗಾ ಬೀಜ (ಕಡ್ಲೆ ಬೀಜ) ಎಂದರೆ ಎಲ್ಲರಿಗೂ ಇಷ್ಟ. ಹೀಗಾಗಿ ಸಂಜೆ ಟೀ ಜೊತೆಗೆ ಮಸಾಲಾ ಶೇಂಗಾ ಫ್ರೈ ಮಾಡಿಕೊಂಡು ಸವಿಯಿರಿ. ನಿಮಗಾಗಿ ಮಸಾಲಾ ಶೇಂಗಾ ಮಾಡುವ ವಿಧಾನ ಇಲ್ಲಿದೆ….

ಬೇಕಾಗುವ ಸಾಮಗ್ರಿಗಳು
1. ಕಡಲೆ ಹಿಟ್ಟು – 1/2 ಕಪ್
2. ಅಕ್ಕಿ ಹಿಟ್ಟು – 1/4 ಕಪ್
3. ಶುಂಠಿ,ಬೆಳ್ಳುಳ್ಳಿ ಪೇಸ್ಟ್ – 1/2 ಚಮಚ
4. ಖಾರದ ಪುಡಿ – ಒಂದೂವರೆ ಚಮಚ
5. ಅರಿಶಿಣ – ಚಿಟಿಕೆ
6. ಉಪ್ಪು – ರುಚಿಗೆ ತಕ್ಕಷ್ಟು
7. ಇಂಗು -ಚಿಟಿಕೆ
8. ಎಣ್ಣೆ
9. ಶೇಂಗಾ ಬೀಜ – 2 ಕಪ್

ಮಾಡುವ ವಿಧಾನ
* ಒಂದು ಬೌಲ್‍ಗೆ ಕಡಲೆ ಹಿಟ್ಟು, ಅಕ್ಕಿ ಹಿಟ್ಟು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಖಾರದ ಪುಡಿ, ಚಿಟಿಕೆ ಅರಿಶಿಣ, ರುಚಿಗೆ ತಕ್ಕಷ್ಟು ಉಪ್ಪು, ಇಂಗು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.
* ಈಗ ಮೂರು ಚಮಚ ಬಿಸಿ ಎಣ್ಣೆಯನ್ನು ಹಾಕಿ ಚೆನ್ನಾಗಿ ಕಲಿಸಿಕೊಳ್ಳಿ.
* ಶೇಂಗಾ ಬೀಜವನ್ನು ಹಾಕಿ, ಸ್ವಲ್ಪ ಸ್ವಲ್ಪ ನೀರು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. 5 ನಿಮಿಷ ನೆನೆಯಲು ಬಿಡಿ.
* ನಂತರ 2 ಚಮಚ ಅಕ್ಕಿ ಹಿಟ್ಟು ಹಾಕಿ ಮತ್ತೆ ಕಲಸಿಕೊಳ್ಳಿ (ನೀರು ಹಾಕಬಾರದು)
* ಸ್ಟೌವ್ ಮೇಲೆ ಎಣ್ಣೆ ಕಾಯಲು ಬಿಡಿ, ಎಣ್ಣೆ ಬಿಸಿಯಾಗುತ್ತಿದ್ದಂತೆ ಕಲಸಿದ್ದ ಶೇಂಗಾ ಬೀಜವನ್ನು ಹಾಕಿ ಚೆನ್ನಾಗಿ ಫ್ರೈ ಮಾಡಿದರೆ ಮಸಾಲಾ ಶೇಂಗಾ ಸವಿಯಲು ಸಿದ್ಧ