ಬೆಂಗಳೂರು: ಟ್ವಿಟ್ಟರ್ನಲ್ಲಿ ತೆಲುಗಿನ ಫ್ರಿನ್ಸ್ ಮಹೇಶ್ ಬಾಬು ಅವರು ಹೊಸ ದಾಖಲೆಯನ್ನು ಮಾಡಿದ್ದಾರೆ. ಈ ಮೂಲಕ ದಕ್ಷಿಣ ಭಾರತದಲ್ಲೇ ಅತೀ ಹೆಚ್ಚು ಟ್ವಿಟ್ಟರ್ ಫಾಲೋವರ್ಸ್ ಹೊಂದಿರುವ ನಟ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಟ್ವಿಟ್ಟರ್ ನಲ್ಲಿ ದಕ್ಷಿಣ ಭಾರತದ ದಿಗ್ಗಜ ನಟರಾದ ಸೂಪರ್ ಸ್ಟಾರ್ ರಜಿನಿಕಾಂತ್, ಕಮಲ್ ಹಾಸನ್, ಮೋಹನ್ಲಾಲ್ ಮತ್ತು ಪ್ರಭಾಸ್ ಈ ಎಲ್ಲಾ ನಟರನ್ನು ಹಿಂದಿಕ್ಕಿದ ಮಹೇಶ್, ದಕ್ಷಿಣ ಭಾರತದ ನಟರಲ್ಲೇ ಹೆಚ್ಚು ಫಾಲೋವರ್ಸ್ ಹೊಂದಿದ್ದಾರೆ. ಮಹೇಶ್ ಬಾಬು ಅವರಿಗೆ 9 ಮಿಲಿಯನ್ (90 ಲಕ್ಷ) ಟ್ವಿಟ್ಟರ್ ಹಿಂಬಾಲಕರು ಇದ್ದಾರೆ.
9 Million thanks to all my tweeple! Love and gratitude for everyone who's been a part of this amazing journey… ????❤#9Millionstrong pic.twitter.com/4WRzmGKf7k
— Mahesh Babu (@urstrulyMahesh) March 7, 2020
ತಮಗೆ 9 ಮಿಲಿಯನ್ ಟ್ವಿಟ್ಟರ್ ಫಾಲೋವರ್ಸ್ ಆಗಿರುವ ಸಂತಸವನ್ನು ಟ್ವಿಟ್ಟರನಲ್ಲೇ ಪೋಸ್ಟ್ ಹಾಕುವ ಮೂಲಕ ಹಂಚಿಕೊಂಡಿರುವ ಮಹೇಶ್ ಬಾಬು, 9 ಮಿಲಿಯನ್ ಫಾಲೋವರ್ಸ್, ನನ್ನ ಹಿಂಬಾಲಕರಿಗೆ ಧನ್ಯವಾದಗಳು. ನನ್ನ ಅದ್ಭುತ ಪಯಾಣದಲ್ಲಿ ನನ್ನ ಜೊತೆ ಇದ್ದು, ಪ್ರೀತಿ ಮತ್ತು ಅಭಿಮಾನವನ್ನು ತೋರಿದ ನಿಮಗೆಲ್ಲರಿಗೂ ನನ್ನ ಕೃತಜ್ಞತೆಗಳು ಎಂದು ಬರೆದುಕೊಂಡಿದ್ದಾರೆ.
ಮಹೇಶ್ ಬಾಬು ಅವರನ್ನು ಬಿಟ್ಟರೆ, ಕಾಲಿವುಡ್ ಸೂಪರ್ ಸ್ಟಾರ್ ಧನುಶ್ ಅವರಿಗೆ 8.9 ಮಿಲಿಯನ್, ಸಮಂತಾ ಅಕ್ಕಿನೇನಿ ಅವರಿಗೆ 7.8 ಮಿಲಿಯನ್, ಮೋಹನ್ ಲಾಲ್ ಅವರಿಗೆ 5.9 ಮಿಲಿಯನ್, ರಜನಿಕಾಂತ್ ಅವರಿಗೆ 5.7 ಮಿಲಿಯನ್, ಕಮಲ್ ಹಾಸನ್ ಅವರಿಗೆ 5.8 ಮಿಲಿಯನ್, ತ್ರಿಶಾ ಅವರಿಗೆ 5.1 ಮಿಲಿಯನ್, ಅಲ್ಲು ಅರ್ಜುನ್ ಅವರಿಗೆ 3.8 ಮಿಲಿಯನ್, ಸೂರ್ಯ ಅವರಿಗೆ 5.5 ಮಿಲಿಯನ್, ಶ್ರುತಿ ಹಾಸನ್ ಅವರಿಗೆ 7.5 ಮಿಲಿಯನ್ ಫಾಲೋವರ್ಸ್ ಇದ್ದಾರೆ.
ಕನ್ನಡ ಚಿತ್ರರಂಗದಲ್ಲಿ ಅತಿ ಹೆಚ್ಚು ಟ್ವಿಟ್ಟರ್ ಹಿಂಬಾಲಕರನ್ನು ಹೊಂದಿರುವ ನಟ ಎಂದರೆ ಅದು ಕಿಚ್ಚ ಸುದೀಪ್ ಆಗಿದ್ದು, ಅವರು 2.3 ಮಿಲಿಯನ್ ಹಿಂಬಾಲಕರನ್ನು ಹೊಂದಿದ್ದಾರೆ. ರಾಕಿಂಗ್ ಸ್ಟಾರ್ ಯಶ್ ಅವರು, 3.98 ಲಕ್ಷ, ಡಿ ಬಾಸ್ ದರ್ಶನ್ ಅವರು 7.35 ಲಕ್ಷ ಮತ್ತು ಪುನಿತ್ ರಾಜ್ ಕುಮಾರ್ ಅವರು, ಒಂದು ಲಕ್ಷಕ್ಕೂ ಅಧಿಕ ಫಾಲೋವರ್ಸ್ ಗಳನ್ನು ಹೊಂದಿದ್ದಾರೆ. ಇನ್ನೂ ನಟಿಯರ ಪೈಕಿ ರಶ್ಮಿಕಾ ಮಂದಣ್ಣ ಅವರಿಗೆ, 1 ಮಿಲಿಯನ್ ಫಾಲೋವರ್ಸ್ ಇದ್ದಾರೆ.