Belgaum

ಬಿಜೆಪಿಯ ಪುರಸಭೆ ಸದಸ್ಯನ ಮಗನ ಲವ್ ಸೆಕ್ಸ್ ದೋಖಾ

Published

on

Share this

– ಸರಸದ ವಿಡಿಯೋ ಮಾಡಿ ಲಕ್ಷಾಂತರ ಹಣ ಕೇಳ್ತಿದ್ದ

– ದೂರು ದಾಖಲಾದರೂ ಆರೋಪಿಯ ಬಂಧನವಾಗಿಲ್ಲ

ಚಿಕ್ಕೋಡಿ: ಬಿಜೆಪಿ ಪಕ್ಷದ ಪುರಸಭೆ ಸದಸ್ಯರ ಮಗನೊಬ್ಬ ಐದು ಮಂದಿ ಮಹಿಳೆಯರಿಗೆ ಲವ್ ಸೆಕ್ಸ್ ಧೋಕಾ ಮಾಡಿರುವ ವಿಚಾರ ಬೆಳಕಿಗೆ ಬಂದಿದೆ. ಚಿಕ್ಕೋಡಿ ಪುರಸಭೆ 18 ನೇ ವಾರ್ಡಿನ ಸದಸ್ಯ ಸುರೇಶ ಕಟ್ಟಿಕರ ಪುತ್ರ ಸಂಜೀವ ಕಟ್ಟೀಕರ ಮಹಿಳೆಯರಿಗೆ ಮೋಸ ಮಾಡಿರುವ ಚಪಲ ಚನ್ನಿಗರಾಯ.

5 ಮಹಿಳೆಯರಿಗೆ ಮೋಸ ಮಾಡಿರುವ ಈಗ ಚಿಕ್ಕೋಡಿ ತಾಲೂಕಿನ ಕಬ್ಬೂರು ಗ್ರಾಮದ ಯುವತಿಯೊಂದಿಗೆ ವಿವಾಹವಾಗಲು ಹೊರಟಿದ್ದಾನಂತೆ. ಈ ಬಗ್ಗೆ ಮಾಹಿತಿ ತಿಳಿದ ನೊಂದ ಮಹಿಳೆಯೊಬ್ಬರು ಚಿಕ್ಕೋಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ಈ ಕಾಮುಕ ಸಂಜೀವ ರಸ್ತೆಯಲ್ಲಿಯೇ ಅರಿಶಿಣ ಬೇರು ಕಟ್ಟಿ ಇನ್ನು ಮುಂದೆ ನೀನೇ ನನ್ನ ಹೆಂಡತಿ ಎಂದು ನಂಬಿಸಿ ಯುವತಿಯರಿಗೆ ಮೋಸ ಮಾಡುತ್ತಿದ್ದ. ಅಲ್ಲದೇ ಎಂದೆಂದಿಗೂ ನೀನೆ ನನ್ನ ಹೆಂಡತಿ ಅಂತಾ ಮಹಿಳೆಯರೊಂದಿಗೆ ಸರಸವಾಡಿ ಅದನ್ನೇ ವೀಡಿಯೋ ಮಾಡಿಟ್ಟುಕೊಂಡು ಲಕ್ಷಾಂತರ ರೂ. ಹಣ ಪೀಕುತ್ತಿದ್ದ ಎನ್ನುವ ಆರೋಪ ಕೇಳಿಬಂದಿದೆ.

ಬಿಜೆಪಿ ಮುಖಂಡ ಈಶ್ವರಪ್ಪನವರ ಹೆಸರು ಹೇಳಿ ಮಹಿಳೆಯರನ್ನು ಬೆದರಿಸುತ್ತಿದ್ದ ಎಂಬ ಮಾಹಿತಿಯನ್ನು ನೊಂದ ಮಹಿಳೆಯರು ತಿಳಿಸಿದ್ದಾರೆ. ಈತನ ಈ ಮಹಾನ್ ಕಾರ್ಯಗಳನ್ನು ನೊಂದ ಇಬ್ಬರು ಮಹಿಳೆಯರು ಬಯಲಿಗೆಳೆದಿದ್ದು ಅದರಲ್ಲಿ ಒಬ್ಬರು ಚಿಕ್ಕೋಡಿ ಪೊಲೀಸ್ ಠಾಣೆಯಲ್ಲಿ ಸಂಜೀವ ಹಾಗೂ ಆತನ ಕುಟುಂಬ 4 ಸದಸ್ಯರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಆದ್ರೆ ಪೊಲೀಸರು ಇದುವರೆಗೂ ಯಾರನ್ನು ಬಂಧಿಸದೇ ಇರುವುದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ.

ಪ್ರಕರಣ ದಾಖಲಿಸಿದ್ದ ಮತ್ತೋರ್ವ ಮಹಿಳೆ ಮಾಧ್ಯಮಗಳ ಜೊತೆ ಮಾತನಾಡಿ, ಜೀವ ಬೆದರಿಕೆ ಇರುವದರಿಂದ ನಾನು ಪ್ರಕರಣ ದಾಖಲಿಸುತ್ತಿಲ್ಲ. ನನಗೆ ನ್ಯಾಯ ಒದಗಿಸಿಕೊಡಿ ಎಂದು ತನ್ನ ಅಳಲು ತೋಡಿಕೊಂಡಿದ್ದಾರೆ. ಈತನ ಕಾಮಚೇಷ್ಠೆಗೆ ಇನ್ನೂ ಹುಡಗಿಯರು ಬಲಿಯಾಗಿದ್ದಾರೆ ಎನ್ನಲಾಗಿದೆ. ಈತನ ಕಾಟ ತಾಳಲಾರದೇ ಯುವತಿಯೋರ್ವಳು ವಿಷ ಸೇವಿಸಿ ಆತ್ಮಹತ್ಯೆಗೂ ಯತ್ನಿಸಿದ್ದಳು ಎಂಬ ಮಾಹಿತಿಯನ್ನು ಅವರು ನೀಡಿದ್ದಾರೆ.

Click to comment

Leave a Reply

Your email address will not be published. Required fields are marked *

Advertisement
Advertisement