ನೋಡ್ರಿ ನಾನು ಸಿಎಂ ಅಂತಾ ಅಂಜಿಕೆ ಇಡ್ಕೋಬೇಡಿ: ಸಾಮಾನ್ಯ ವ್ಯಕ್ತಿಯಂತೆ ವಿಚಾರಣೆ ಎದುರಿಸಿದ ಸಿದ್ದರಾಮಯ್ಯ

– ಲೋಕಾಯುಕ್ತ ಕಚೇರಿಯ ಇನ್‌ಸೈಡ್ ಸ್ಟೋರಿ

ಮೈಸೂರು: ಮುಡಾ ಸೈಟ್‌ ಹಗರಣ ಕೇಸ್‌ನಲ್ಲಿ ಇಂದು ಸಿಎಂ ಸಿದ್ದರಾಮಯ್ಯ ಅವರು ಸಾಮಾನ್ಯ ವ್ಯಕ್ತಿಯಂತೆ ವಿಚಾರಣೆ ಎದುರಿಸಿದ್ದಾರೆ. ವಿಚಾರಣೆಗೆ ಹಾಜರಾದ ಸಂದರ್ಭದಲ್ಲಿ ಲೋಕಾಯುಕ್ತ ತನಿಖಾ ಟೀಂ ಮತ್ತು ಸಿಎಂ ನಡುವೆ ಆರಂಭದಲ್ಲಿ ನಡೆದ ಅನೌಪಚಾರಿಕ ಮಾತುಕತೆ ಮಾಹಿತಿ ‘ಪಬ್ಲಿಕ್‌ ಟಿವಿಗೆ’ ಲಭ್ಯವಾಗಿದೆ.

ಸಿಎಂ: ನೋಡ್ರಿ ನಾನು ಸಿಎಂ ಅಂತಾ ಅಂಜಿಕೆ ಇಟ್ಕೋಬೇಡಿ. ಅರಾಮಾಗಿ ನಿಮ್ಮ ಕೆಲಸ ನೀವು ಮಾಡಿ. (ಆಯ್ತು ಸರ್. ಖಂಡಿತ)
ಸಿಎಂ: ನಾನು ಈ ಕ್ಷಣಕ್ಕೆ ನಿಮಗೆ ಸಿಎಂ ಅಲ್ಲ. ನೀವು ಒಂದ್ ಕೇಸ್‌ನಲ್ಲಿ ನನಗೆ ನೋಟಿಸ್ ಕೊಟ್ಟು ಕರೆಸಿದ್ದೀರಾ, ನಾನು ಬಂದಿದ್ದೇನೆ. ನಿಮ್ಮ ಪ್ರೊಸಿಜರ್‌ ಹೇಗಿದೆಯೋ ಹಾಗೆ ಮಾಡಿ. (ಎಲ್ಲರಿಗೂ ಯಾವ ರೀತಿ ವಿಚಾರಣೆ ಇರುತ್ತೋ ಅದೇ ರೀತಿಯೆ ನಿಮ್ಮ ವಿಚಾರಣೆಯೂ ಮಾಡ್ತಿವಿ ಸರ್)
ಸಿಎಂ: ನೀವು ಏನೂ ಪ್ರಶ್ನೆ ಬೇಕಾದರೂ ಕೇಳಿ. ನನಗೆ ಗೊತ್ತಿರುವುದನ್ನು ಹೇಳ್ತೀನಿ. (ಖಂಡಿತ ಸರ್)
ಸಿಎಂ: ಕಾನೂನಿನಲ್ಲಿ ಅವಕಾಶ ಇದ್ದರೆ ಕಾಫಿ ತರಿಸಿ. ಇಲ್ಲದ್ದಿದ್ದರೆ ಬೇಡ‌. (ತರಿಸಬಹುದು ತರಿಸ್ತೀವಿ ಸರ್ ಈಗ).
ಸಿಎಂ: ಎಷ್ಟು ಸಮಯವಾದರೂ ತೆಗೆದುಕೊಳ್ಳಿ. ಯಾವ ಗಡಿಬಿಡಿಯೂ ಬೇಡ‌. ವಿಚಾರಣೆ ಸುದೀರ್ಘವಾಗುವುದಾದರೆ ಸ್ವಲ್ಪ ಬ್ರೇಕ್ ಕೊಡಿ ಸಾಕು. (ವಿಚಾರಣೆ ಶುರು ಮಾಡ್ತೀವಿ. ಇಷ್ಟೇ ಸಮಯ ಅಂತಾ ಹೇಳೋಕೆ ಆಗಲ್ಲ ಸರ್. ದೀರ್ಘಾವಾದರೆ ಬ್ರೇಕ್ ಪಡೆಯೋಣ ಸರ್)