ಬೆಂಗಳೂರು: ಸುಮಾರು 6 ತಿಂಗಳಿನಿಂದ ಗೊಂದಲಗಳಿಗೆ ಕಾರಣವಾಗಿದ್ದ ಲೀಡರ್ ಟೈಟಲ್ ಯಾರದ್ದು ಎನ್ನುವ ಪ್ರಶ್ನೆಗೆ ಉತ್ತರ ಸಿಕ್ಕಿದೆ.
ಲೀಡರ್ ಟೈಟಲ್ ಎಎಮ್ಆರ್ ರಮೇಶ್ ಅವರಿಗೆ ಸೇರಿದ್ದು ಎಂದು ಫಿಲ್ಮ್ ಚೇಂಬರ್ ಅಧಿಕೃತವಾಗಿ ಲೆಟರ್ ನೀಡಿದೆ. ಅಷ್ಟೇ ಅಲ್ಲದೇ ಇನ್ನು ಮುಂದೆ ತರುಣ್ ಶಿವಪ್ಪ ಈ ಟೈಟಲ್ ಬಳಸಬಾರದು ಎಂದು ಫಿಲ್ಮ್ ಚೇಂಬರ್ ಲೆಟರ್ನಲ್ಲಿ ತಿಳಿಸಿದೆ.
ಸೈನೆಡ್ ನಿರ್ದೇಶಕ ಎಂಆರ್ ರಮೇಶ್ ಲೀಡರ್ ಟೈಟಲ್ನ್ನು ಅವರ ಬ್ಯಾನರ್ನಲ್ಲಿ ಸುಮಾರು 7 ವರ್ಷದ ಹಿಂದೆ ನೊಂದಾಯಿಸಿ ವರ್ಷ ವರ್ಷ ರಿನಿವಲ್ ಕೂಡ ಮಾಡಿಸುತ್ತಿದ್ದರು, ಆದ್ರೆ ನಿರ್ಮಾಪಕ ತರುಣ್ ಶಿವಪ್ಪ ಇವರನ್ನು ಸಂಪರ್ಕಿಸದೆ ಲೀಡರ್ ಹೆಸರಿನ ಸಿನಿಮಾ ಅನೌನ್ಸ್ ಮಾಡಿ ಶೂಟಿಂಗ್ ಶುರುಮಾಡಿದ್ದಲ್ಲದೆ ಪ್ರಚಾರ ಮಾಡಿದ್ದರು. ಈ ವಿಚಾರವಾಗಿ ರಮೇಶ್ ಅವರು ಫಿಲ್ಮ್ ಚೇಂಬರ್ ಮೆಟ್ಟಿಲನ್ನು ಏರಿದ್ದರು.
ಈ ಟೈಟಲ್ನಲ್ಲಿ ಸಿನಿಮಾ ಮಾಡಲು ಎಲ್ಲ ತಯಾರಿಗಳನ್ನು ಮಾಡಿಕೊಂಡಿದ್ದು ಅತೀ ಶೀಘ್ರದಲ್ಲೇ ಲೀಡರ್ ಹೆಸರಿನ ನೈಜ ಘಟನೆ ಆಧಾರಿತ ಸಿನಿಮಾ ಶುರುವಾಗಲಿದೆ ಎಂದು ನಿರ್ದೇಶಕ ರಮೇಶ್ ಹೇಳಿದ್ದಾರೆ.
