ದೆಹಲಿ: ನೀವು 20 ಸಾವಿರ ರೂಪಾಯಿಯನ್ನು ಗೆಲ್ಲಬೇಕಾ? ಹಾಗಾದರೆ ನೀವು ಹತ್ತು ಕೆಜಿ ಇರುವ ಹಾಗೂ 30 ಮೊಟ್ಟೆಗಳಿಂದ ತಯಾರಿಸಿರುವ ಕಾಠಿ ರೋಲ್ ಅನ್ನು ತಿನ್ನಬೇಕಾಗುತ್ತದೆ. ಇದನ್ನೂ ಓದಿ: ರೋಚಕ ಘಟ್ಟ ತಲುಪಿದ ಐಪಿಎಲ್ – ಪ್ಲೇ ಆಫ್‍ಗೆ ಏರಲು ಯಾವ ತಂಡ ಏನು ಮಾಡಬೇಕು?
ಹೌದು, ದೆಹಲಿಯ ಮಾಡೆಲ್ ಟೌನ್ 3ರಲ್ಲಿ ರಸ್ತೆಬದಿಯ ಫುಡ್ ಸ್ಟಾಲ್ ಸವಾಲನ್ನೊಡ್ಡಿದ್ದು, 20 ನಿಮಿಷಗಳಲ್ಲಿ ಕಾಠಿ ರೋಲ್ ಅನ್ನು ತಿಂದು ಮುಗಿಸಿದವರಿಗೆ 20,000 ನಗದು ಬಹುಮಾನ ನೀಡಲಾಗುವುದು ಎಂದು ತಿಳಿಸಿದೆ. ಇದನ್ನೂ ಓದಿ: ಮೆಟ್ರೋ ಕಾಮಗಾರಿ – 30 ಅಡಿ ಮಣ್ಣು ಕುಸಿತ, ತಪ್ಪಿತು ಭಾರೀ ಅನಾಹುತ
ಸದ್ಯ ಕಾಠಿ ರೋಲ್‍ನ ವೀಡಿಯೋವನ್ನು ದಿ ಫುಡ್ ಕಲ್ಟ್ ಎಂಬ ಇನ್‍ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದು, ವೀಡಿಯೋದಲ್ಲಿ ವ್ಯಕ್ತಿಯೊಬ್ಬ ಹಿಟ್ಟನ್ನು ಲಟ್ಟಿಸಿ ಅದನ್ನು ತವಾ ಮೇಲೆ ಹಾಕಿ ಅದರ ಮೇಲೆ ಮೊಟ್ಟೆ ಹೊಡೆದು ಬೇಯಿಸಿಕೊಳ್ಳುತ್ತಾನೆ. ನಂತರ ಬೇಯಿಸಿ ರೋಟಿಯನ್ನು ಪಕ್ಕಕ್ಕೆ ತೆಗೆದುಕೊಂಡು ಬಳಿಕ ತವಾದ ಮೇಲೆ ಬೇಯಿಸಿದ ಹಲವಾರು ತರಕಾರಿಗಳನ್ನು ಹಾಗೂ ನೂಡೆಲ್ಸ್, ಕೆಲವು ಸಾಸ್‍ಗಳನ್ನು ಮಿಶ್ರಣ ಮಾಡಿ ರೋಟಿ ಮೇಲೆ ಹಾಕಿ ರೋಲ್ ಮಾಡಿ ಸಿದ್ದಪಡಿಸುವುದನ್ನು ಕಾಣಬಹುದಾಗಿದೆ. ಇದನ್ನೂ ಓದಿ: 39 ಕೋಟಿ ತೆರಿಗೆ ಬಾಕಿ- ಬಿಬಿಎಂಪಿಯಿಂದ ಮಂತ್ರಿ ಮಾಲ್‍ಗೆ ಬೀಗ
View this post on Instagram
ಇದೀಗ ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಇಲ್ಲಿಯವರೆಗೂ 8 ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ. ಅಲ್ಲದೇ ಈ ಬೃಹತ್ ಗಾತ್ರದ ರೋಲ್ ನೋಡಿ ನೆಟ್ಟಿಗರು ಶಾಕ್ ಆಗಿದ್ದು, ಅನೇಕ ಮಂದಿ ಈ ಚಾಲೆಂಜ್ ಸ್ವೀಕರಿಸುವ ಇಚ್ಛೆಯನ್ನು ವ್ಯಕ್ತಪಡಿಸಿದ್ದಾರೆ. ಇನ್ನೂ ಕೆಲವರು ಈ ರೋಲ್ ನೋಡುವ ಮುನ್ನ ನೀವು ಕೆಲವು ಜೀರ್ಣಾ ಕ್ರಿಯೆಯಾಗುವ ಮಾತ್ರೆ ಇಟ್ಟುಕೊಳ್ಳುವುದು ಉತ್ತಮ. ಏಕೆಂದರೆ ರೋಲ್‍ನನ್ನು ನೋಡುತ್ತಿದ್ದಂತೆಯೇ ಹೊಟ್ಟೆ ತುಂಬಿ ಹೋಗುತ್ತದೆ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.
