ಮಾಜಿ ಬಾಯ್‌ಫ್ರೆಂಡ್ ಜೊತೆ ಕಾಣಿಸಿಕೊಂಡ ಸಾರಾ; ವಿಶೇಷ ಬೇಡಿಕೆಯಿಟ್ಟ ಫ್ಯಾನ್ಸ್

`ಲವ್ ಆಜ್ ಕಲ್’ (Love Aaj Kal) ಚಿತ್ರ ಖ್ಯಾತಿಯ ಕಾರ್ತಿಕ್ ಆರ್ಯನ್ (Karthik Aryan) ಮತ್ತು ಸಾರಾ ಅಲಿ ಖಾನ್ (Sara Ali Khan) ಮತ್ತೆ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಮಾಜಿ ಪ್ರಿಯಕರ ಕಾರ್ತಿಕ್ ಜೊತೆ ಸಾರಾ ಮತ್ತೆ ಜೊತೆಯಾಗಿರುವ ಫೋಟೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈ ವೇಳೆ ಜೋಡಿಗೆ ಅಭಿಮಾನಿಗಳು ವಿಶೇಷ ಬೇಡಿಕೆಯಿಟ್ಟಿದ್ದಾರೆ.

ಬಾಲಿವುಡ್‌ನಲ್ಲಿ (Bollywood) ಪ್ರೇಮ ಪಕ್ಷಿಗಳಾಗಿ ಬಿಟೌನ್ ಗಲ್ಲಿಯಲ್ಲಿ ಸುತ್ತಾಡಿದ್ದ ಕಾರ್ತಿಕ್ ಮತ್ತು ಸಾರಾ, `ಲವ್ ಆಜ್ ಕಲ್’ (Love Aaj Kal) ಚಿತ್ರದ ಶೂಟಿಂಗ್ ಸಮಯದಲ್ಲಿ ಪ್ರೇಮಾಂಕುರವಾಗಿತ್ತು. ಬ್ರೇಕಪ್‌ನಲ್ಲಿ ಪ್ರೀತಿ ಅಂತ್ಯವಾಗಿತ್ತು. ಈಗ ಸಿದ್-ಕಿಯಾರಾ ಅವರಂತೆಯೇ ಜೊತೆಯಾಗಿ, ಮದುವೆಯಾಗಿ ಎಂದು ಫ್ಯಾನ್ಸ್ ಮನವಿ ಮಾಡಿದ್ದಾರೆ. ಇದನ್ನೂ ಓದಿ: ಸಾಲು ಸಾಲು ಸಿನಿಮಾಗಳ ನಡುವೆ ಕಾವಿತೊಟ್ಟು ಅಚ್ಚರಿ ಮೂಡಿಸಿದ ಮಿಲ್ಕಿ ಬ್ಯೂಟಿ

ಈ ಹಿಂದೆ ಕಿಯಾರಾ-ಸಿದ್ (Kiara – Siddarth) ನಡುವೆ ಬ್ರೇಕಪ್ ಆಗಿದೆ ಎನ್ನಲಾಗಿತ್ತು. ಬಳಿಕ ಇಬ್ಬರು ಪ್ಯಾಚಪ್ ಮಾಡಿಕೊಂಡಿದ್ದರು. ಸಿದ್-ಕಿಯಾರಾ ದಾಂಪತ್ಯ ಜೀವನಕ್ಕೆ ಕಾಲಿಡುವ ಮೂಲಕ ಅಭಿಮಾನಿಗಳಿಗೆ ಶುಭಸುದ್ದಿ ನೀಡಿದ್ದರು. ಹಾಗಾಗಿ ವೈರಲ್ ಆಗಿರುವ ಕಾರ್ತಿಕ್‌ -ಸಾರಾ ಫೋಟೋ ನೋಡಿ ಫ್ಯಾನ್ಸ್‌ ವಿಶೇಷ ಕೋರಿಕೆಯಿಟ್ಟಿದ್ದಾರೆ.

View this post on Instagram

A post shared by Viral Bhayani (@viralbhayani)

ಕಾರ್ತಿಕ್ ಆರ್ಯನ್- ಸಾರಾ ಅಲಿ ಖಾನ್ (ಫೆ.9)ರಂದು ಉದಯಪುರದಲ್ಲಿ ಒಟ್ಟಿಗೆ ಕ್ಯಾಮೆರಾ ಕಣ್ಣಿಗೆ ಕಾಣಿಸಿಕೊಂಡಿದ್ದಾರೆ. ಇಬ್ಬರು ಮುನಿಸು ಮರೆತು ನಗು ನಗುತ್ತಾ ಮಾತನಾಡಿದ್ದಾರೆ. ಈ ಫೋಟೋ ನೋಡಿ ಫ್ಯಾನ್ಸ್, ಮುನಿಸು ಮರೆತು ಸಿದ್-ಕಿಯಾರಾ ಅವರಂತೆಯೇ ನೀವು ಒಂದಾಗಿ ಎಂದು ಮನವಿ ಮಾಡಿದ್ದಾರೆ. ಮುಂದಿನ ದಿನಗಳಲ್ಲಿ ಅಭಿಮಾನಿಗಳ ಈ ಆಸೆಯನ್ನ ಲವ್ ಆಜ್ ಕಲ್ ಜೋಡಿ ಈಡೇರಿಸುತ್ತಾರಾ ಎಂಬುದನ್ನ ಕಾದುನೋಡಬೇಕಿದೆ.