ಕಲಬುರಗಿ: ಎದೆ ಝಲ್ ಎನ್ನಿಸುವಂತಹ ಘಟನೆಯೊಂದು ಕಲಬುರಗಿ ಜಿಲ್ಲೆಯಲ್ಲಿ ನಡೆದಿದೆ. ನಾಗರಹಾವು ಎಂದರೆ ಯಾರಿಗೆ ತಾನೇ ಭಯ ಇರುವುದಿಲ್ಲ ಹೇಳಿ. ಒಮ್ಮೆ ನಾಗರ ಹಾವು ಕಚ್ಚಿದರೆ ಪ್ರಾಣ ಉಳಿಸಿಕೊಳ್ಳುವುದು ಅಷ್ಟು ಸುಲಭದ ಮಾತಲ್ಲ. ಆದರೆ ಕಲಬುರಗಿಯಲ್ಲಿ ಮಹಿಳೆಯೊಬ್ಬರು ಪವಾಡದ ರೀತಿಯಲ್ಲಿ ನಾಗರ ಹಾವಿನಿಂದ ಪಾರಾಗಿದ್ದಾರೆ.
ಹೌದು, ಜಮೀನಿನಲ್ಲಿ ಮಲಗಿದ್ದ ಭಾಗಮ್ಮ ಬಡದಾಳ್ ಅವರ ಮೈ ಮೇಲೆ ನಾಗರಹಾವೊಂದು ಎಡೆ ಎತ್ತಿ ಕುಳಿತುಕೊಂಡಿತ್ತು. ಇದನ್ನು ಕಂಡು ಗಾಬರಿಗೊಂಡ ಭಾಗಮ್ಮ ಸ್ಥಳದಿಂದ ಒಂದು ಚೂರು ಸಹ ಕದಡದೇ ಮಲಗಿದ್ದ ಜಾಗದಲ್ಲಿಯೇ ಕಾಪಾಡು ಶ್ರೀಶೈಲ ಮಲ್ಲಯ್ಯ ಎಂದು ಪ್ರಾರ್ಥಿಸಿದ್ದಾರೆ. ಇದನ್ನೂ ಓದಿ: ಡೇಟಿಂಗ್ ಆ್ಯಪ್ ತಂದ ಅವಾಂತರ – ಪ್ರಿಯಕರನನ್ನೇ ಕಿಡ್ನ್ಯಾಪ್ ಮಾಡಿ ಹಲ್ಲೆ ನಡೆಸಿದ್ಲು
ಕೆಲಹೊತ್ತಿನ ನಂತರ ಪವಾಡದ ರೀತಿ ನಾಗರಹಾವು ಮಹಿಳೆಗೆ ಏನನ್ನು ಸಹ ಮಾಡದೇ ಸ್ಥಳದಿಂದ ಕಾಲ್ಕೆತ್ತಿದೆ. ಕಲಬುರಗಿ ಜಿಲ್ಲೆ ಅಫಜಲಪುರ ತಾಲೂಕಿನ ಮಲ್ಲಾಬಾದ್ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ಇದೀಗ ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇದನ್ನೂ ಓದಿ: ವರ್ಕ್ ಆರ್ಡರ್ ಇಲ್ಲದೇ ಕಾಮಗಾರಿ – ಲಕ್ಷ್ಮಿ ಹೆಬ್ಬಾಳ್ಕರ್ ವಿರುದ್ಧ ಪಂಚಾಯತ್ನಿಂದ ದೂರು