BollywoodCinemaDistrictsKarnatakaLatestMain PostSandalwood

ಇನ್‌ಸ್ಟಾಗ್ರಾಮ್‌ ಪ್ರಭಾವಿ ಪಟ್ಟಿಯಲ್ಲಿ ಕನ್ನಡತಿ ರಶ್ಮಿಕಾ ಮಂದಣ್ಣ – ದಕ್ಷಿಣದ ಸ್ಟಾರ್‌ಗಳಿಗೂ ಇಲ್ಲ ಪಟ್ಟ

ಜಾಗತಿಕ ಮಟ್ಟದಲ್ಲಿ ಇನ್‌ಸ್ಟಾಗ್ರಾಮ್ ಪ್ರಭಾವಿಗಳ ಸಮೀಕ್ಷೆಯಾಗಿದ್ದು, ಆ ಸಮೀಕ್ಷೆಯಲ್ಲಿ ಕನ್ನಡತಿ ರಶ್ಮಿಕಾ ಮಂದಣ್ಣ 19ನೇ ಸ್ಥಾನ ಪಡೆದಿದ್ದಾರೆ. ರಶ್ಮಿಕಾ ಮಂದಣ್ಣ ಅವರಿಗೆ ಇನ್‌ಸ್ಟಾಗ್ರಾಮ್ ಪೇಜ್‌ನಲ್ಲಿ 31 ಮಿಲಿಯನ್‌ಗೂ ಹೆಚ್ಚು ಹಿಂಬಾಲಕರಿದ್ದಾರೆ. ಈವರೆಗೂ ಈ ಪಟ್ಟಿಯಲ್ಲಿ ಕಾಣಿಸಿಕೊಂಡ ಕನ್ನಡದ ಏಕೈಕ ಸ್ಟಾರ್ ಆಗಿದ್ದಾರೆ ಎನ್ನುವುದು ಹೆಮ್ಮೆಯ ಸಂಗತಿ. ಇದನ್ನೂ ಓದಿ : ಸ್ಯಾಂಡಲ್‌ವುಡ್‌ ಸಿಂಡ್ರೆಲಾ ರಾಧಿಕಾ ಪಂಡಿತ್‌ಗೆ ಭಯಂಕರ ಬೇಡಿಕೆ ಇಟ್ಟ ಫ್ಯಾನ್ಸ್

ಬಾಲಿವುಡ್‌ನಿಂದ ಆಲಿಯಾ ಭಟ್ 6ನೇ ಸ್ಥಾನದಲ್ಲಿದ್ದರೆ, ಪ್ರಿಯಾಂಕಾ ಚೋಪ್ರಾಗೆ 13ನೇ ಸ್ಥಾನ, ಅಕ್ಷಯ್ ಕುಮಾರ್ ಅವರಿಗೆ 14ನೇ ಸ್ಥಾನ, ಶ್ರದ್ಧಾ ಕಪೂರ್ ಅವರಿಗೆ 18ನೇ ಸ್ಥಾನ ದೊರೆತಿದೆ. ದಕ್ಷಿಣದ ತಾರೆಯರು ಮೊದಲ ಇಪ್ಪತ್ತು ಸ್ಥಾನಗಳಲ್ಲಿ ಕಾಣಿಸಿಕೊಳ್ಳದೇ ಇರುವುದು ಅಚ್ಚರಿಗೂ ಕಾರಣವಾಗಿದೆ. 64.1 ಮಿಲಿಯನ್ ಹಿಂಬಾಲಕರನ್ನು ಹೊಂದುವ ಮೂಲಕ ಭಾರತೀಯ ಸೆಲೆಬ್ರಿಟಿಗಳಲ್ಲಿ ಆಲಿಯಾ ಭಟ್ ಮುಂದಿದ್ದಾರೆ ಎನ್ನುವುದು ವಿಶೇಷ. ಇದನ್ನೂ ಓದಿ : ಹಿಂದಿ ಬದಲು ಸಂಸ್ಕೃತ ರಾಷ್ಟ್ರ ಭಾಷೆಯಾಗಲಿ: ಕಂಗನಾ ರಣಾವತ್

ಮೊದಲನೇ ಸ್ಥಾನ ಅಮೆರಿಕಾದ ನಟ ಜೆಂಡಾಯ ಪಾಲಾಗಿದ್ದರೆ, ಎರಡನೇ ಸ್ಥಾನದಲ್ಲಿ ಸ್ಪೈಡರ್ ಮ್ಯಾನ್ ಖ್ಯಾತಿಯ ನಟ ಟಾಮ್ ಹಾಲಂಡ್ ಇದ್ದಾರೆ. ನಂತರ ಸ್ಥಾನಗಳು ಡಾನ್ ಜಾನ್ಸನ್, ಜೆ ಹೋಪ್, ವಿಲ್ ಸ್ಮಿತ್ ಪಾಲಾಗಿವೆ. ಜನ್ನಿಫರ್ ಲೊಜೆಪ್, ಕ್ರಿಸ್ ಹೆಮ್ಸ್ ವರ್ಥ್, ರಾಬರ್ಟ್ ಡೌನಿ ಜ್ಯೂನಿಯನ್ ಕೂಡ ಈ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಇದನ್ನೂ ಓದಿ : ಕಂಗನಾ ರಣಾವತ್ ಏನಿದು ಅವತಾರ ಎಂದ ನೆಟ್ಟಿಗರು

ರಶ್ಮಿಕಾ ಕನ್ನಡ ಸಿನಿಮಾಗಳ ಮೂಲಕ ಸಿನಿ ರಂಗಕ್ಕೆ ಪ್ರವೇಶ ಮಾಡಿದರೂ, ಇದೀಗ ದಕ್ಷಿಣದ ಬಹುಬೇಡಿಕೆಯ ತಾರೆಯಾಗಿ ಬೆಳೆದಿದ್ದಾರೆ. ಕೋಟಿ ಕೋಟಿ ಸಂಭಾವನೆ ಪಡೆಯುವ ಕನ್ನಡದ ನಟಿಯಾಗಿಯೂ ದಾಖಲೆ ಬರೆದಿದ್ದಾರೆ. ಕಡಿಮೆ ಸಮಯದಲ್ಲಿ ದಕ್ಷಿಣದ ಬಹುತೇಕ ನಟರ ಜೊತೆ ಅಭಿನಯಿಸಿದ ಕೀರ್ತಿ ಕೂಡ ಇವರಿಗೆ ಸಲ್ಲುತ್ತದೆ.

Leave a Reply

Your email address will not be published.

Back to top button