Connect with us

Bengaluru City

ತಮಿಳಿಗೆ ಜಿಗಿಯಿತು ಸೂರಿ ಟಗರು!

Published

on

ಈ ವರ್ಷದ ಆರಂಭವನ್ನು ಚಿತ್ರರಂಗದ ಪಾಲಿಗೆ ಹರ್ಷದಾಯಕವಾಗಿಸಿದ ಚಿತ್ರ ಟಗರು. ದೊಡ್ಡ ಮಟ್ಟದಲ್ಲಿಯೇ ಗೆಲುವು ದಾಖಲಿಸಿದ ಈ ಚಿತ್ರ ಹಲವಾರು ದಾಖಲೆಗಳನ್ನೇ ಸೃಷ್ಟಿಸಿದೆ. ಶಿವಣ್ಣನಿಗೂ ಭಿನ್ನ ಬಗೆಯದ್ದೊಂದು ಇಮೇಜನ್ನೇ ಕಟ್ಟಿಕೊಟ್ಟ ಟಗರು ಈಗ ಏಕಾಏಕಿ ಪಕ್ಕದ ತಮಿಳಿಗೂ ಜಿಗಿದಿದೆ!

ಕೆ ಪಿ ಶ್ರೀಕಾಂತ್ ನಿರ್ದೇಶನದ ಈ ಚಿತ್ರದ ರೀಮೇಕ್ ಹಕ್ಕು ಭಾರೀ ಮೊತ್ತಕ್ಕೆ ತಮಿಳಿಗೆ ಮಾರಾಟವಾಗಿದೆ. ಕೊಂಬನ್ ಖ್ಯಾತಿಯ ನಿರ್ದೇಶಕ ಮುತ್ತಯ್ಯ ಈ ಚಿತ್ರದ ರೀಮೇಕ್ ಹಕ್ಕುಗಳನ್ನು ಪಡೆದಿದ್ದಾರೆ. ತಮಿಳಿನಿಂದ ಟಗರು ರೀಮೇಕ್ ಹಕ್ಕುಗಳಿಗಾಗಿ ಕಾಲಾಂತರದಿಂದಲೂ ಪೈಪೋಟಿ ಆರಂಭವಾಗಿತ್ತು. ಕಡೆಗೂ ವ್ಯವಹಾರಗಳೆಲ್ಲ ಪಕ್ಕಾ ಆಗಿ ಟಗರು ದೊಡ್ಡ ಮೊತ್ತವೊಂದಕ್ಕೆ ತಮಿಳಿಗೆ ಹಾರಿದೆ.

ಇದು ಕನ್ನಡ ಚಿತ್ರರಂಗದ ಘನತೆಯ ದೃಷ್ಟಿಯಿಂದ ಒಂದೊಳ್ಳೆ ಬೆಳವಣಿಗೆ. ಕನ್ನಡ ಚಿತ್ರಗಳ ಗುಣಮಟ್ಟದ ಬಗ್ಗೆ ಸಿನಿಕರಂತೆ ಮೂಗು ಮುರಿಯುವ ಮಂದಿಯೇ ಬೆಚ್ಚಿಬಿದ್ದಂತಾಗೋದು ಇಂಥಾ ಬೆಳವಣಿಗೆಗಳಾಗುತ್ತಲೇ. ತಾಂತ್ರಿಕವಾಗಿಯೂ ನವೀನ ಪ್ರಯೋಗಗಳನ್ನು ಹೊಂದಿರೋ ಈ ಚಿತ್ರದ ಕ್ಯಾರೆಕ್ಟರುಗಳು ಮಾಡಿದ ಮೋಡಿಯೇ ಸಾರ್ವಕಾಲಿಕವಾದದ್ದು. ಟಗರಿನಲ್ಲಿ ಜನ ಮೆಚ್ಚಿಕೊಂಡಿದ್ದ, ಅದನ್ನು ನಿರ್ವಹಿಸಿದವರ ನಸೀಬನ್ನೇ ಬದಲಾಯಿಸಿದ ಡಾಲಿ, ಚಿಟ್ಟೆ ಮುಂತಾದ ಪಾತ್ರಗಳನ್ನು ತಮಿಳಿನಲ್ಲಿ ಯಾರು ನಿರ್ವಹಿಸಲಿದ್ದಾರೆಂಬ ಕುತೂಹಲ ಇದ್ದೇ ಇದೆ. ಶಿವಣ್ಣನ ಪಾತ್ರವನ್ನು ಯಾರು ನಿರ್ವಹಿಸುತ್ತಾರೆಂಬುದೂ ಇನ್ನಷ್ಟೇ ಜಾಹೀರಾಗಬೇಕಿದೆ.

ಆದರೆ ಟಗರು ಕನ್ನಡಿಗರೆಲ್ಲರೂ ಹೆಮ್ಮೆ ಪಡುವಂತೆ ತಮಿಳಿಗೆ ರೀಮೇಕಾಗುತ್ತದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

Click to comment

Leave a Reply

Your email address will not be published. Required fields are marked *