ಮುಸ್ಲಿಂ ಮಹಿಳೆಯನ್ನು ಮದುವೆ ಆಗಲು ನಿರ್ದೇಶಕ ಮಹೇಶ್ ಭಟ್ ಮತಾಂತರಗೊಂಡಿದ್ದಾರೆ ಎಂದು ಕಂಗನಾ ಆರೋಪ

ಬಾಲಿವುಡ್ ಖ್ಯಾತ ನಿರ್ದೇಶಕ ಮಹೇಶ್ ಭಟ್ ವಿರುದ್ಧ ಬಾಲಿವುಡ್ ನಟಿ ಕಂಗನಾ ರಣಾವತ್ ಮತ್ತೆ ಗುಡುಗಿದ್ದಾರೆ. ಹಿರಿಯ ನಿರ್ದೇಶಕರ ಮೇಲೆ ನಿರಂತರವಾಗಿ ಆರೋಪ ಮಾಡುತ್ತಲೇ ಬಂದಿರುವ ರಣಾವತ್, ಈ ಬಾರಿ ಮತಾಂತರದ ಬಗ್ಗೆ ಬಾಯ್ಬಿಟ್ಟಿದ್ದಾರೆ. ಮಹೇಶ್ ಭಟ್ ಅವರು ತಮ್ಮ ಎರಡನೇ ಪತ್ನಿ ಸೋನಿ ರಜ್ದಾನ್ ಮದುವೆಯಾಗಲು ಅವರು ಮುಸ್ಲಿಂ ಧರ್ಮಕ್ಕೆ ಮತಾಂತರಗೊಂಡಿದ್ದಾರೆ ಎಂದು ಆರೋಪಿಸಿದ್ದಾರೆ. ಅಲ್ಲದೇ, ಅವರು ಅಸ್ಲಂ ಎಂದೂ ತಮ್ಮ ಹೆಸರನ್ನು ಬದಲಾಯಿಸಿಕೊಂಡಿದ್ದಾರೆ ಎಂದಿದ್ದಾರೆ.

kangana ranaut 2

ಮಹೇಶ್ ಭಟ್ ಅವರ ಹಳೆ ವಿಡಿಯೋವೊಂದನ್ನು ಶೇರ್ ಮಾಡಿರುವ ಕಂಗನಾ ರಣಾವತ್, ತಮ್ಮ ಮೂಲ ಹೆಸರನ್ನು ಬಚ್ಚಿಟ್ಟಿದ್ದು ಯಾಕೆ? ಅಸ್ಲಂ ಎಂದು ಯಾಕೆ ಕರೆದುಕೊಳ್ಳುತ್ತಿಲ್ಲ. ಮತಾಂತರಗೊಂಡಿರುವ ಧರ್ಮವನ್ನು ಹೀಗೆ ಅವಮಾನಿಸಬಾರದು ಎಂದೂ ಅವರು ಹೇಳಿದ್ದಾರೆ. ಕೂಡಲೇ ತಮ್ಮ ನಿಜ ಹೆಸರನ್ನು ಜನರ ಮುಂದೆ ಇಡಲಿ ಎಂದಿದ್ದಾರೆ ಕಂಗನಾ. ಇದನ್ನೂ ಓದಿ:ವಿಜಯ್ ಸೇತುಪತಿ ಅಭಿಮಾನಿಗಳಿಗೆ ಡಬಲ್ ಧಮಾಕಾ: ‘ವಿಡುದಲೈ’ ಸಿನಿಮಾ ಎರಡು ಭಾಗಗಳಲ್ಲಿ ರಿಲೀಸ್

Kangana Ranaut 1

ಕಂಗನಾ ಈ ರೀತಿಯಾಗಿ ಮಹೇಶ್ ಭಟ್ ಬಗ್ಗೆ ಬರೆದುಕೊಳ್ಳುತ್ತಿದ್ದಂತೆಯೇ ಅನೇಕರು ನಟಿಯ ಮಾತಿನ ಬಗ್ಗೆ ಕಾಮೆಂಟ್ ಮಾಡಿದ್ದಾರೆ. ಇದನ್ನು ನಿಜವೆಂದು ಸಾಬೀತು ಪಡಿಸಿ ಎಂದೂ ಕೇಳಿದ್ದಾರೆ. ಪದೇ ಪದೇ ಮಹೇಶ್ ಭಟ್ ಬಗ್ಗೆ ಮಾತನಾಡುತ್ತಿರುವುದಕ್ಕೂ ಕೆಲವರು ಅಸಮಾಧಾನ ವ್ಯಕ್ತ ಪಡಿಸಿದ್ದಾರೆ. ಕಂಗನಾ ಮತ್ತು ಭಟ್ ನಡುವಿನ ಮುಸುಕಿನ ಗುದ್ದಾಟ ಹಲವು ವರ್ಷಗಳಿಂದ ನಡೆಯುತ್ತಿದ್ದು, ಸದ್ಯಕ್ಕೆ ಅದು ನಿಲ್ಲುವಂತೆ ಕಾಣುತ್ತಿಲ್ಲ.