ಜುಲೈ 6, ನನ್ನ ಜೀವನದಲ್ಲಿ ಯಾವಾಗಲೂ ತುಂಬಾ ವಿಶೇಷವಾದ ದಿನ: ಸುದೀಪ್

ಬೆಂಗಳೂರು: ನಟ-ನಟಿ ಯಾರೆ ಆಗಲಿ ಪ್ರತಿಯೊಬ್ಬರ ಜೀವನದಲ್ಲಿ ಮರೆಯಲಾಗದ ಒಂದು ದಿನ ಇರುತ್ತದೆ. ಅಂದಿನ ದಿನಗಳಲ್ಲಿ ನಡೆದ ವಿಚಾರಗಳು ಅಥವಾ ಘಟನೆಗಳನ್ನು ನೆನಪಿನಲ್ಲಿಟ್ಟುಕೊಂಡಿರುತ್ತಾರೆ. ಅದೇ ರೀತಿ ಈಗ ನಟ ಕಿಚ್ಚ ಸುದೀಪ್ ತನ್ನ ಜೀವನದಲ್ಲಿ ಜುಲೈ 6 ಎಂದಿಗೂ ಮರೆಯಲಾಗದ ದಿನವಾಗಿದೆ ಎಂದು ಹೇಳುತ್ತಿದ್ದಾರೆ.

ಸುದೀಪ್ ಜೂಲೈ 6 ತಮ್ಮ ಸಿನಿಮಾರಂಗದಲ್ಲಿ ಮರೆಯಲಾಗದ ದಿನ ಎಂದು ಟ್ವಿಟ್ಟರ್ ನಲ್ಲಿ ಹೇಳಿಕೊಂಡಿದ್ದಾರೆ. ಜುಲೈ 6 ರಂದು ಸುದೀಪ್ ಅವರಿಗೆ ಎರಡು ರೀತಿಯ ತಿರುವನ್ನು ಸಿನಿಮಾರಂಗ ನೀಡಿದೆ. ಆದ್ದರಿಂದ ಅವರು ಈ ದಿನವನ್ನು ಅವರು ಈಗ ಸ್ಮರಿಸಿದ್ದಾರೆ.

I for sure know my limitations as an actor,,my vices & flaws as a person,nor am i unique in any manner.
Yet,,It's amazin how u all have kept me by ur side in ur journey n all along travelled wth me too.
Tnx is a small word,
but at this moment pls accept it,
For i really mean it???? https://t.co/OD0l7Ok09f

— Kichcha Sudeepa (@KicchaSudeep) July 6, 2018

ಜುಲೈ 6 2001 ರಲ್ಲಿ ಸುದೀಪ್ ನಟನಾಗಿ ಅಭಿನಯ ಮಾಡಿದ `ಹುಚ್ಚ’ ಸಿನಿಮಾ ಬಿಡುಗಡೆಯಾಗಿತ್ತು. ಆ ಸಿನಿಮಾದ ಮೂಲಕವೇ ಅವರು ಸ್ಯಾಂಡಲ್‍ ವುಡ್ ನಲ್ಲಿ ಭರವಸೆಯ ನಟನಾಗಿ ಪರಿಚಯಗೊಂಡಿದ್ದರು. ಅದೇ ರೀತಿ ಸುದೀಪ್ ಟಾಲಿವುಡ್ ನಲ್ಲಿ ಪ್ರಖ್ಯಾತಿ ಪಡೆದ `ಈಗ’ ಚಿತ್ರ ಕೂಡ 2012 ಜುಲೈ 6 ರಂದೇ ಬಿಡುಗಡೆಗೊಂಡಿತ್ತು. `ಈಗ’ ಸಿನಿಮಾದ ಮೂಲಕ ಸ್ಯಾಂಡಲ್ ವುಡ್ ಸ್ಟಾರ್ ಟಾಲಿವುಡ್ ನಲ್ಲಿಯೂ ಮಿಂಚಿದ್ದರು.

ತಮ್ಮ ಸಿನಿಮಾರಂಗದ ಬದುಕಿನಲ್ಲಿ ತಿರುವು ಕೊಟ್ಟ ಜುಲೈ 6ನೇ ದಿನವನ್ನು ಇಂದಿಗೂ ಸ್ಮರಿಸಿಕೊಳ್ಳುತ್ತಿದ್ದಾರೆ. ಈ ಬಗ್ಗೆ ಅವರು ತಮ್ಮ ಟ್ವಿಟ್ಟರ್ ನಲ್ಲಿ ಹೇಳಿಕೊಂಡಿದ್ದಾರೆ. `ಹುಚ್ಚ’ ಮತ್ತು `ಈಗ’ ಎರಡು ಸಿನಿಮಾದ ತಂಡದವರಿಗೆ ಧನ್ಯವಾದಗಳು. ಈ ದಿನ ನನಗೆ ಬಹಳ ವಿಶೇಷವಾಗಿದ್ದು, ಒಬ್ಬ ನಟನಾಗಿ ನನ್ನನ್ನು ಪರಿಚಯಿಸಿದ ದಿನವಾಗಿದೆ. ಜೊತೆಗೆ ಅಭಿಮಾನಿಗಳು ತಮ್ಮ ಮನದಲ್ಲಿ ಇರಿಸಿಕೊಂಡಿದ್ದಾರೆ. ಆದ್ದರಿಂದ ಜುಲೈ 6 ನನ್ನ ಜೀವನದಲ್ಲಿ ಒಂದು ವಿಶೇಷ ದಿನವಾಗಿದೆ” ಎಂದು ಬರೆದು ಟ್ವೀಟ್ ಮಾಡಿದ್ದಾರೆ.

Thanks to th teams of #Huchcha and #Eega for having made this day very special…
One introduced me as an actor and put me into th hearts of the people in my state,,
And the other introduced me to the world…
July 6th,, is & wil always be a very special day in my Life. ????????

— Kichcha Sudeepa (@KicchaSudeep) July 6, 2018