ವಿಕ್ಕಿ ಕೌಶಲ್‍ಗೆ ಕಿಸ್ ಮಾಡುವಾಸೆ: ಜಾಹ್ನವಿ ಕಪೂರ್

ಮುಂಬೈ: ಬಾಲಿವುಡ್ ಚಾಂದಿನಿ ಶ್ರೀದೇವಿ ಪುತ್ರಿ, ದಢಕ್ ಗರ್ಲ್ ಜಾಹ್ನವಿ ಕಪೂರ್ ತಮ್ಮ ಆಸೆಯೊಂದನ್ನು ಹೊರ ಹಾಕಿದ್ದಾರೆ. ನಟ ವಿಕ್ಕಿ ಕೌಶಲ್‍ಗೆ ಕಿಸ್ ಮಾಡಬೇಕು ಎಂದು ಕಾರ್ಯಕ್ರಮವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ಇತ್ತೀಚೆಗೆ ಸೋದರಿ ಖುಷಿ ಜೊತೆ ಖಾಸಗಿ ಕಾರ್ಯಕ್ರಮದಲ್ಲಿ ಜಾಹ್ನವಿ ಭಾಗಿಯಾಗಿದ್ದರು. ಈ ವೇಳೆ ಕಾರ್ತಿಕ್ ಆರ್ಯನ್ ಅಥವಾ ವಿಕ್ಕಿ ಕೌಶಲ್ ಇಬ್ಬರಲ್ಲಿ ಒಬ್ಬರಿಗೆ ಕಿಸ್ ಮಾಡುವ ಆಸೆಯಿದೆ ಎಂದಿದ್ದಾರೆ. ಇಬ್ಬರಲ್ಲಿ ಯಾರನ್ನು ಆರಿಸಿಕೊಳ್ಳುತ್ತೀರಿ ಎಂದಾಗ ವಿಕ್ಕಿ ಕೌಶಲ್ ಎಂದು ಹೇಳಿ ನಗೆ ಬೀರಿದರು.

ನಿರ್ದೇಶಕ ಕರಣ್ ಜೋಹರ್ ನಿರೂಪಣೆಯ ಟಾಕ್ ಶೋದಲ್ಲಿ ಭಾಗಿಯಾಗಿದ್ದ ಸೈಫ್ ಪುತ್ರಿ ಸಾರಾ ಅಲಿ ಖಾನ್, ಕಾರ್ತಿಕ್ ಆರ್ಯನ್ ಜೊತೆಗೆ ಡೇಟ್‍ಗೆ ಹೋಗುವ ಇಚ್ಛೆಯನ್ನು ಹೊರ ಹಾಕಿದ್ದರು. ಕಾಕತಾಳೀಯ ಎಂಬಂತೆ ‘ತಖ್ತ್’ ಸಿನಿಮಾದಲ್ಲಿ ಕಾರ್ತಿಕ್ ಆರ್ಯನ್ ಮತ್ತು ಸಾರಾ ಜೊತೆಯಾಗಿದ್ದಾರೆ. ಇದೇ ಚಿತ್ರದಲ್ಲಿಯೇ ಜಾಹ್ನವಿ ಮತ್ತು ವಿಕ್ಕಿ ಕೌಶಲ್ ಸಹ ನಟಿಸಲಿದ್ದಾರೆ.