ಜಗ್ಗಿ ಜಗನ್ನಾಥ ಇದು ಓಂ ಸಾಯಿ ಪ್ರಕಾಶ್ ಸಿನಿಮಾ

ಹಿರಿಯ ನಿರ್ದೇಶಕ ಓಂ ಸಾಯಿ ಪ್ರಕಾಶ್ ಯಾರಿಗೆ ಗೊತ್ತಿಲ್ಲ ಹೇಳಿ. ಚಂದನವನಕ್ಕೆ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿರೋ ಇವ್ರು, ಭಕ್ತಿ ಪ್ರಧಾನ, ಪ್ಯಾಮಿಲಿ ಸೆಂಟಿಮೆಂಟ್ ಸಿನಿಮಾಗಳಿಂದಲೇ ಹೆಸರುವಾಸಿ. ಇವ್ರು ಇತ್ತೀಚೆಗೆ ಆ್ಯಕ್ಷನ್ ಕಟ್ ಹೇಳಿರೋ ಜಗ್ಗಿ ಜಗನ್ನಾಥ ಚಿತ್ರ ಇದೇ ತಿಂಗಳ 28ಕ್ಕೆ ಬಿಡುಗಡೆಯಾಗುತ್ತಿದೆ.

ಚಿತ್ರದ ವಿಶೇಷ ಅಂದ್ರೆ ಇದು ಮಾಸ್ ಸಬ್ಜೆಕ್ಟ್ ಇರೋ ಸಿನಿಮಾ. ಅದ್ರಲ್ಲೇನಿದೆ ವಿಶೇಷ ಅಂದ್ಕೋಬೇಡಿ ವಿಶೇಷ ಇದೆ. ಓಂ ಸಾಯಿ ಪ್ರಕಾಶ್ ಮೊದಲಿನಿಂದಲೂ ಭಕ್ತಿ ಪ್ರಧಾನ, ಸೆಂಟಿಮೆಂಟ್ ಕಂಟೆಂಟ್ ಇರೋ ಸಿನಿಮಾಗಳಿಗೆ ಹೆಸರುವಾಸಿ ಅನ್ನೋದು ಎಲ್ಲರಿಗು ಗೊತ್ತೆ ಇದೆ. ಆದ್ರೆ ಫರ್ ದಿ ಫಸ್ಟ್ ಟೈಂ ಓಂ ಸಾಯಿ ಪ್ರಕಾಶ್ ಮಾಸ್ ಸಬ್ಜೆಕ್ಟ್ ಇರೋ ಸಿನಿಮಾ ಡೈರೆಕ್ಟ್ ಮಾಡಿರೋದು. ಇನ್ನೊಂದು ವಿಶೇಷ ಅಂದ್ರೆ ಹೊಸ ಪ್ರತಿಭೆಯನ್ನು ನಾಯಕ ನಟನಾಗಿ ತಮ್ಮ ಚಿತ್ರದಲ್ಲಿ ಇಂಟ್ರಡ್ಯೂಸ್ ಮಾಡ್ತಿರೋದು. ಈ ಎಲ್ಲ ಅಂಶಗಳಿಂದ ಸಾಯಿ ಪ್ರಕಾಶ್ ಅವ್ರ ಜಗ್ಗಿ ಜಗನ್ನಾಥ್ ಸಿನಿಮಾ ಸಖತ್ ಸದ್ದು ಮಾಡ್ತಿದೆ. ಟ್ರೈಲರ್ ಕೂಡ ಮಾಸ್ ಡೈಲಾಗ್, ಆಕ್ಷನ್ ದೃಶ್ಯಗಳಿಂದ ಸಖತ್ ಸೌಂಡ್ ಮಾಡ್ತಿದೆ.

ಸದ್ದಿಲ್ಲದೆ ಶೂಟಿಂಗ್ ಮುಗಿಸಿ ಪ್ರಚಾರ ಕಾರ್ಯದಲ್ಲಿ ಬ್ಯುಸಿಯಾಗಿರೋ ಜಗ್ಗಿ ಜಗನ್ನಾಥ್ ಚಿತ್ರ ಮಾಫಿಯಾ, ಲವ್ ಸ್ಟೋರಿ, ಆ್ಯಕ್ಷನ್ ಸಬ್ಜೆಕ್ಟ್ ಒಳಗೊಂಡಿದ್ದು, ಸಾಯಿ ಪ್ರಕಾಶ್ ಸಿನಿಮಾ ಅಭಿಮಾನಿಗಳಿಗೆ ಹೊಸ ಫೀಲ್ ನೀಡೋದಂತೂ ಖಂಡಿತ. ಹೊಸ ಪ್ರತಿಭೆ ಲಿಖಿತ್ ಚಿತ್ರದಲ್ಲಿ ನಾಯಕ ನಟನಾಗಿ ನಟಿಸಿದ್ದು, ದುನಿಯಾ ರಶ್ಮಿ ನಾಯಕ ನಟಿಯಾಗಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಡೈಲಾಗ್ ಕಿಂಗ್ ಖ್ಯಾತಿಯ ಸಾಯಿ ಕುಮಾರ್ ಪೊಲೀಸ್ ಆಗಿ ಮತ್ತದೇ ಹಳೆ ಖದರ್‍ನಲ್ಲಿ ಮಾಸ್ ಪಂಚ್ ಡೈಲಾಗ್ ಮೂಲಕ ಕಂ ಬ್ಯಾಕ್ ಮಾಡಿದ್ದಾರೆ.

ಎ.ಎಂ ನೀಲ್ ಸಂಗೀತ ಸಂಯೋಜನೆ ಚಿತ್ರಕ್ಕಿದ್ದು, ಹೆಚ್.ಜಯರಾಜು, ಜಿ.ಶಾರಾದ ಜಗ್ಗಿ ಜಗನ್ನಾಥ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಓಂ ಸಾಯಿ ಪ್ರಕಾಶ್ ಈ ಹಿಂದಿನ ಸಿನಿಮಾ ನೋಡಿದವರು ಈ ಹೊಸ ಪ್ರಯತ್ನವನ್ನು ಯಾವ ರೀತಿ ಸ್ವೀಕರಿಸುತ್ತಾರೆ ಅನ್ನೋದಕ್ಕೆ ಫೆಬ್ರವರಿ 28ಕ್ಕೆ ಥಿಯೇಟರ್ ಅಂಗಳದಲ್ಲಿ ಉತ್ತರ ಸಿಗಲಿದೆ.