ನಾನು ಗಂಡಸ್ತನದ ಕೆಲಸ ಮಾಡಿದ್ದೇನೆ- ಮಾಜಿ ಶಾಸಕನಿಗೆ ಇಕ್ಬಾಲ್ ಅನ್ಸಾರಿ ಟಾಂಗ್

ಕೊಪ್ಪಳ: ನಾನು ಗಂಡಸ್ತನದ ಕೆಲಸ ಮಾಡಿದ್ದೇನೆ. ನನ್ನ ಧರ್ಮದಲ್ಲಿ ಒಪ್ಪಿಗೆ ಮೇರೆಗೆ ಎರಡು ಮದುವೆ ಆಗಬಹುದು ಎಂದು ಗಂಗಾವತಿ ಮಾಜಿ ಶಾಸಕ ಪರಣ್ಣ ಮುನವಳ್ಳಿಗೆ ಇಕ್ಬಾಲ್ ಅನ್ಸಾರಿ ಟಾಂಗ್ ಕೊಟ್ಟಿದ್ದಾರೆ.

ಗಂಗಾವತಿಯಲ್ಲಿ ಮಾತನಾಡಿದ ಅನ್ಸಾರಿ, ನಮ್ಮ ಧರ್ಮದಲ್ಲಿ ಒಪ್ಪಿಗೆ ಮೇರೆಗೆ ಇನ್ನೊಂದು ಮದುವೆಯಾಗಬಹುದು. ಇದನ್ನು ಪ್ರಶ್ನಿಸಲು ನೀವ್ಯಾರು ಎಂದು ಪ್ರಶ್ನಿಸಿದರು. ನಾನು ಗಂಡಸ್ತನದ ಕೆಲಸ ಮಾಡಿದ್ದೀನಿ. ಸೂಳೆಗಾರಿಕೆ ಕೆಲಸ ಮಾಡಿಲ್ಲ. ಒಪ್ಪಿಗೆ ಮೇಲೆ ಮದುವೆಯಾಗೋದು ನಮ್ಮ ಧರ್ಮದಲ್ಲಿದೆ. ಒಪ್ಪಿ ಮದುವೆಯಾದರೇ ಅದು ಸೂಳೆಗಾರಿಕೆ ಅಲ್ಲ. ನಿಮ್ಮ ಧರ್ಮದಲ್ಲಿ ಅವಕಾಶವಿದ್ದರೆ ನೀವು ಹತ್ತು ಜನರನ್ನು ಮದುವೆಯಾಗಿ ಎಂದು ಹೇಳಿದ್ದಾರೆ. ಇದನ್ನು ಓದಿ: ಕನ್ನಡದ ನಟಿ ಜೊತೆ ಶಾಸಕ ಇಕ್ಬಾಲ್ ಅನ್ಸಾರಿ 2ನೇ ಸಂಬಂಧ ಬಯಲು

ಕೆಲ ದಿನಗಳ ಹಿಂದೆ ಅನ್ಸಾರಿಯ ಎರಡನೆ ಮದುಮೆಯ ಬಗ್ಗೆ ಮಾಧ್ಯಮಗಳಲ್ಲಿ ಸಾಕಷ್ಟು ಸುದ್ದಿಯಾಗಿತ್ತು. ಇವರು ಚಿತ್ರನಟಿ ಪಂಚಮಿಯನ್ನ ಮದುವೆಯಾಗಿದ್ದರು. ಅಷ್ಟೇ ಅಲ್ಲದೇ ಮದುವೆ ಮಾಡಿಕೊಂಡು ಅವರ ಹೆಸರಿನಲ್ಲಿ ಬಾರೊಂದನ್ನು ತೆರೆದಿದ್ದರು. ಈ ವಿಚಾರದ ಬಗ್ಗೆ ಯಾವಾಗ ಪರದೆ ತಗಿಬೇಕು ಅಂತಾ ನನಗೆ ಗೊತ್ತಿದೆ. ನಾನು ಯಾವಾಗ ಹೇಳಬೇಕು ಅಂತಾ ನನಗೆ ಗೊತ್ತಿದೆ ಎಂದು ಅನ್ಸಾರಿ ಹೇಳಿದ್ದಾರೆ. ಇದನ್ನು ಓದಿ: ಕನ್ನಡದ ನಟಿ ಜೊತೆ ಶಾಸಕ ಇಕ್ಬಾಲ್ ಅನ್ಸಾರಿ 2ನೇ ಸಂಬಂಧ ಬಯಲು