ನವದೆಹಲಿ: ಐಪಿಎಲ್ ಹರಾಜಿನಲ್ಲಿ ಡೆಕ್ಕನ್ ಚಾರ್ಜರ್ಸ್ (Deccan Chargers) ತಂಡಕ್ಕೆ ಆಯ್ಕೆಯಾದಾಗಿನ ರೋಚಕ ವಿಚಾರವೊಂದನ್ನು ರೋಹಿತ್ ಶರ್ಮಾ (Rohit Sharma) ತೆರಿದಿಟ್ಟಿದ್ದಾರೆ.
2008ರಲ್ಲಿ ಮೊದಲ ಬಾರಿಗೆ ಐಪಿಎಲ್ ( IPL) ಆರಂಭವಾಗಿತ್ತು. ಈ ವೇಳೆ 20 ವರ್ಷದ ರೋಹಿತ್ ಶರ್ಮಾ ಅವರನ್ನು ಡೆಕ್ಕನ್ ಚಾರ್ಜರ್ಸ್ ತಂಡ ಖರೀದಿಸಿತ್ತು. ಹರಾಜಾದ ವಿಷಯ ತಿಳಿದು ಅಚ್ಚರಿಗೊಂಡಿದ್ದ ರೋಹಿತ್ ಶರ್ಮಾ ಸಿಕ್ಕಿದ ಹಣದಿಂದ ಕಾರನ್ನು ಖರೀದಿಸುವ ಬಗ್ಗೆ ಯೋಚನೆ ಮಾಡಿದ್ದ ವಿಚಾರವನ್ನು ಈಗ ಬಹಿರಂಗ ಮಾಡಿದ್ದಾರೆ. ಇದನ್ನೂ ಓದಿ: IPL 2023: ಈ ಬಾರಿ ಸಿಎಸ್‌ಕೆ ಕಪ್ ಗೆಲ್ಲಲ್ಲ, ಆರ್‌ಸಿಬಿ ಗೆದ್ದರೆ ಖುಷಿ – ಭಾರತದ ಮಾಜಿ ಕ್ರಿಕೆಟಿಗ ಭವಿಷ್ಯ
Advertisement
Advertisement
ಹೈದರಾಬಾದ್ ತಂಡ 7,50,000 ಡಾಲರ್ ನೀಡಿ ಖರೀದಿಸಿದಾಗ ಅಂದು ನಾನು 3 ರಿಂದ 3.5 ಕೋಟಿ ರೂ. ಸಿಗಬಹುದು ಎಂದು ಅಂದುಕೊಂಡಿದ್ದೆ. ಅದರಲ್ಲೂ ನನ್ನ ಬಿಡ್ ಬಹಳ ತಡವಾಗಿ ಆಗಿತ್ತು. ಇಷ್ಟೊಂದು ಮೊತ್ತದ ಹಣವನ್ನು ಕೇಳಿ ನಾನು ಕಾರು ಖರೀದಿಸುವ ಬಗ್ಗೆ ಅಲ್ಲೇ ಯೋಚಿಸುತ್ತಿದ್ದೆ ಎಂದು ಹೇಳಿಕೊಂಡಿದ್ದಾರೆ.
Advertisement
ಡೆಕ್ಕನ್ ಚಾರ್ಜರ್ಸ್ ತಂಡದಲ್ಲಿ ಸೆಣಸಿದ್ದ ಅವರು ಮೂರು ಅವೃತ್ತಿಯಲ್ಲಿ 1170 ರನ್ ದಾಖಲಿಸಿಕೊಂಡಿದ್ದರು. ನಂತರ 2011ರಲ್ಲಿ ಮುಂಬೈ ತಂಡ 13 ಕೋಟಿ ರೂ.ಗಳಿಗೆ ಅವರನ್ನು ಖರೀದಿಸಿತ್ತು. ಅಂದಿನಿಂದ ಮುಂಬೈ ಇಂಡಿಯನ್ (Mumbai Indians) ತಂಡದ ಸದಸ್ಯರಾಗಿ ಉಳಿದ ರೋಹಿತ್ 2013ರಲ್ಲಿ ತಂಡದ ಗೆಲುವಿನಲ್ಲಿ ಪಾತ್ರವಹಿಸಿದ್ದರು. 2015, 2017, 2019 ಹಾಗೂ 2020ರ ತಂಡವನ್ನು ಮುನ್ನಡೆಸಿದ್ದರು.
Advertisement
ಈ ಬಾರಿಯ ಐಪಿಎಲ್‍ಲ್ಲಿ ರೋಹಿತ್ ಶರ್ಮಾ ಮುಂಬೈ ಇಂಡಿಯನ್ಸ್ ತಂಡದ ನಾಯಕರಾಗಿ ಹತ್ತು ವರ್ಷ ಪೂರೈಸಲಿದ್ದಾರೆ. ಎಪ್ರಿಲ್ 2 ರಂದು ನಡೆಯಲಿರುವ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ (Royal Challengers) ವಿರುದ್ಧ ಆಡಲಿದ್ದಾರೆ. ಇದನ್ನೂ ಓದಿ: ಇನ್ಮುಂದೇ ಮಂಡ್ಯದಲ್ಲಿ ಮೂರನೇ ಆಟ ಶುರು : ಬಿಜೆಪಿ ಸೇರುವುದಾಗಿ ಶಿವರಾಮೇಗೌಡ ಘೋಷಣೆ
