ನವದೆಹಲಿ: ಇಂಡಿಯನ್ ಆಯಿಲ್ ಕಾರ್ಪೊರೇಷನ್ (IOCL) ಸುಮಾರು ಎಂಟು ವರ್ಷಗಳಲ್ಲಿ ಮೊದಲ ಬಾರಿಗೆ ಇರಾನ್ನಿಂದ (Iran) ದ್ರವೀಕೃತ ಪೆಟ್ರೋಲಿಯಂ ಅನಿಲವನ್ನು (LPG) ಖರೀದಿಸಿದೆ.
ಸಂಸ್ಕರಣಾಗಾರವು ತನ್ನ ಸರ್ಕಾರಿ ಸ್ವಾಮ್ಯದ ಕಂಪನಿಗಳಾದ ಭಾರತ್ ಪೆಟ್ರೋಲಿಯಂ ಮತ್ತು ಹಿಂದೂಸ್ತಾನ್ ಪೆಟ್ರೋಲಿಯಂ ಜೊತೆ ಸಾಗಣೆಯನ್ನು ಹಂಚಿಕೊಳ್ಳುತ್ತದೆ ಎಂದು ಮೂಲಗಳನ್ನು ಆಧರಿಸಿ ಮಾಧ್ಯಮವೊಂದು ವರದಿ ಮಾಡಿದೆ.
ಇಂಡಿಯನ್ ಆಯಿಲ್ ಕೊನೆಯದಾಗಿ ಜೂನ್ 2018 ರಲ್ಲಿ ಇರಾನ್ನಿಂದ ಎಲ್ಪಿಜಿ ಖರೀದಿ ಮಾಡಿತ್ತು. ಈಗ ಸುಮಾರು 43,000 ಟನ್ ಬ್ಯೂಟೇನ್ ಮತ್ತು ಪ್ರೊಪೇನ್ ಖರೀದಿಸಿದೆ. ಸಾಮಾನ್ಯವಾಗಿ ಅಡುಗೆ ಇಂಧನವಾಗಿ ಎಲ್ಪಿಜಿ ಬಳಸುವ ಭಾರತದಲ್ಲಿ ಅರ್ಧ ದಿನದ ಬೇಡಿಕೆಯನ್ನು ಪೂರೈಸಲು ಇದು ಸಾಕಾಗುತ್ತದೆ. ಇದನ್ನೂ ಓದಿ: 60 ದಿನಕ್ಕೆ ಬೇಕಾಗುವಷ್ಟು ಕಚ್ಚಾತೈಲ ಭಾರತದ ಬಳಿಯಿದೆ – ತೈಲದ ಅಭಾವವಿಲ್ಲ, ಇಂಧನ ಪೂರೈಕೆ ಸ್ಥಿರ: ಮತ್ತೆ ಕೇಂದ್ರ ಸ್ಪಷ್ಟನೆ
ಈ ತಿಂಗಳ ಆರಂಭದಲ್ಲಿ ಇರಾನ್ನಿಂದ ಕಚ್ಚಾ ತೈಲ ಅಥವಾ ಪೆಟ್ರೋಲಿಯಂ ಉತ್ಪನ್ನಗಳನ್ನು ಖರೀದಿಸಲು ತಾತ್ಕಾಲಿಕ ವಿನಾಯಿತಿಯನ್ನು ಅಮೆರಿಕ ನೀಡಿದ ನಂತರ ಭಾರತ ಖರೀದಿಸುತ್ತಿರುವ ಮೊದಲ ಇಂಧನ ಖರೀದಿಯಾಗಿದೆ.
ಹಡಗು ಟ್ರ್ಯಾಕಿಂಗ್ ದತ್ತಾಂಶ ಪ್ರಕಟಿಸುವ ಕೆಪ್ಲರ್ ಎಲ್ಪಿಜಿ ವಾಹಕ ಸೀ ಬರ್ಡ್ ಹಡಗು ಮಂಗಳೂರಿಗೆ (Mangaluru) ಬರಲಿದೆ. ಮಾರ್ಚ್ 17 ರಂದು ಹಾರ್ಮುಜ್ ಜಲಸಂಧಿಯನ್ನು ಹಾದುಹೋದಾಗ ಅದರ ಟ್ರಾನ್ಸ್ಪಾಂಡರ್ ಸಿಗ್ನಲ್ಗಳನ್ನು ಆಫ್ ಮಾಡುವ ಮೂಲಕ ಹಡಗು ಚೀನಾಕ್ಕೆ ಹೋಗುವ ಉದ್ದೇಶವನ್ನು ಸೂಚಿಸಿತ್ತು. ಕೆಲವು ದಿನಗಳ ನಂತರ ಅರಬ್ಬಿ ಸಮುದ್ರದಲ್ಲಿ ಮತ್ತೆ ಕಾಣಿಸಿಕೊಂಡಿದೆ. ಇದನ್ನೂ ಓದಿ: ಮಂಗಳೂರಿಗೆ ಬಂತು ಎಲ್ಪಿಜಿ ಹೊತ್ತ ಟ್ಯಾಂಕರ್
ಇಂಡಿಯನ್ ಆಯಿಲ್, ಬಿಪಿಸಿಎಲ್ ಮತ್ತು ಎಚ್ಪಿಸಿಎಲ್ ಈ ಬಗ್ಗೆ ಕೇಳಿದ ಪ್ರಶ್ನೆಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.
