ಭಾನುವಾರವೆಂದರೆ ನಾನ್ ವೆಜ್ ಪ್ರಿಯರು ಏನು ಸ್ಪೆಷಲ್ ಮಾಡಬೇಕು ಎಂದು ಯೋಚಿಸುತ್ತಿರುತ್ತಾರೆ. ಅದಕ್ಕೆ ಇಂದು ರುಚಿಕರವಾದ ಮಟನ್ ಅಥವಾ ಮೇಕೆ ಮೇಲೋಗರದ ಸರಳ ರೆಸಿಪಿಯನ್ನು ಇಲ್ಲಿ ತಿಳಿಸಲಾಗುವುದು. ಈ ರೆಸಿಪಿ ತುಂಬಾ ಸುಲಭವಾಗಿದ್ದು, ಈ ರೆಸಿಪಿಗೆ ಮೇಕೆ ಅಥವಾ ಕುರಿ ಮಾಂಸವನ್ನು ಬಳಸಬಹುದು.
Advertisement
ಬೇಕಾಗಿರುವ ಪದಾರ್ಥಗಳು:
* ಎಣ್ಣೆ – 4 ಟೀಸ್ಪೂನ್
* ಕತ್ತರಿಸಿದ ಈರುಳ್ಳಿ- 2 ಕಪ್
* ಕತ್ತರಿಸಿದ ಟೊಮ್ಯಾಟೊ – 1 ಕಪ್
* ಬೆಳ್ಳುಳ್ಳಿ ಪೇಸ್ಟ್ – 2 ಟೀಸ್ಪೂನ್
* ಶುಂಠಿ ಪೇಸ್ಟ್ – 1 ಟೀಸ್ಪೂನ್
* ಗರಂ ಮಸಾಲಾ ಪುಡಿ – 2 ಟೀಸ್ಪೂನ್
Advertisement
* ಕೊತ್ತಂಬರಿ ಪುಡಿ – 2 ಟೀಸ್ಪೂನ್
* ಜೀರಿಗೆ ಪುಡಿ – 1 ಟೀಸ್ಪೂನ್
* ಅರಿಶಿನ ಪುಡಿ – 1/2 ಟೀಸ್ಪೂನ್
* ಕೆಂಪು ಮೆಣಸಿನ ಪುಡಿ – 1/2 ಟೀಸ್ಪೂನ್
* ಬೇಯಿಸಿದ ಮೇಕೆ ಮಾಂಸ – ಅರ್ಧ ಕೆಜಿ
* ರುಚಿಗೆ ತಕ್ಕಷ್ಟು ಉಪ್ಪು,
* ಕತ್ತರಿಸಿದ ಕೊತ್ತಂಬರಿ ಸೊಪ್ಪು
Advertisement
Advertisement
ಮಾಡುವ ವಿಧಾನ:
* ಮೊದಲಿಗೆ ಎಲ್ಲ ಪದಾರ್ಥಗಳನ್ನು ಒಂದು ಕಡೆ ಜೋಡಿಸಿಕೊಳ್ಳಿ. ಮಧ್ಯಮ ಉರಿಯಲ್ಲಿ ದೊಡ್ಡ ಬಾಣಲೆಯಲ್ಲಿ ಅಡುಗೆ ಎಣ್ಣೆ ಹಾಕಿ ಬಿಸಿ ಮಾಡಿ.
* ಬಿಸಿ ಎಣ್ಣೆಗೆ ಈರುಳ್ಳಿ ಸೇರಿಸಿ. ಈರುಳ್ಳಿ ತೆಳು ಗೋಲ್ಡನ್ ಬ್ರೌನ್ ಆಗಲು ಪ್ರಾರಂಭವಾಗುವವರೆಗೆ ಹುರಿಯಿರಿ. ನಂತರ ಅದರಲ್ಲಿರುವ ಎಣ್ಣೆ ತೆಗೆದುಹಾಕಿ.
* ಫ್ರೈ ಮಾಡಿದ ಈರುಳ್ಳಿಯನ್ನು ಮಿಕ್ಸಿಗೆ ಹಾಕಿ ಸ್ವಲ್ಪ ಎಣ್ಣೆ ಹಾಕಿ ರುಬ್ಬಿ ಪೇಸ್ಟ್ ಮಾಡಿಕೊಳ್ಳಿ.
* ಟೊಮ್ಯಾಟೊ, ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್ ಎಲ್ಲವನ್ನು ಮಿಕ್ಸ್ ಮಾಡಿ ರುಬ್ಬಿ.
* ಮಧ್ಯಮ ಉರಿಯಲ್ಲಿ ಮತ್ತೆ ಎಣ್ಣೆಯನ್ನು ಬಿಸಿ ಮಾಡಿ ಈರುಳ್ಳಿ ಪೇಸ್ಟ್ ಅನ್ನು ಸೇರಿಸಿ. 2 ರಿಂದ 3 ನಿಮಿಷಗಳ ಕಾಲ ಹುರಿಯಿರಿ.
* ಟೊಮ್ಯಾಟೊ, ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್ ನಂತರ ಗರಂ ಮಸಾಲಾ, ಕೊತ್ತಂಬರಿ, ಜೀರಿಗೆ, ಅರಿಶಿನ ಮತ್ತು ಕೆಂಪು ಮೆಣಸಿನ ಪುಡಿ ಸೇರಿಸಿ, ಚೆನ್ನಾಗಿ ಬೆರೆಸಿ.
* ಫ್ರೈ ಮಾಡುವ ವೇಳೆ ಎಣ್ಣೆ ಕರಿಯಿಂದ ಬೇರ್ಪಡಲು ಪ್ರಾರಂಭವಾಗುವವರೆಗೆ ಮಸಾಲಾವನ್ನು ಹುರಿಯಿರಿ. ಇದು 10 ನಿಮಿಷಗಳವರೆಗೆ ತೆಗೆದುಕೊಳ್ಳಬಹುದು.
* ಬೇಯಿಸಿ ಕಟ್ ಮಾಡಿದ ಮೇಕೆ ತುಂಡುಗಳನ್ನು ಮಸಾಲಾಗೆ ಸೇರಿಸಿ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಮತ್ತು ಮಾಂಸವನ್ನು ಸಂಪೂರ್ಣವಾಗಿ ಮಸಾಲಾದೊಂದಿಗೆ ಬೆರೆಸಿ. ಈ ವೇಳೆ ಮಾಂಸವು ಕಂದು ಬಣ್ಣ ಬರುವವರೆಗೆ ಹುರಿಯಿರಿ.
* ಪ್ಯಾನ್‍ಗೆ 1/2 ಕಪ್ ಬಿಸಿನೀರನ್ನು ಸೇರಿಸಿ ಮತ್ತು ಚೆನ್ನಾಗಿ ಮಿಶ್ರಣ ಮಾಡಲು ಬೆರೆಸಿ, ಕುದಿಯಲು ಪ್ಯಾನ್ ಮುಚ್ಚಿ. ಕರಿ ಹೆಚ್ಚು ಸುಟ್ಟು ಹೋಗದಂತೆ ನೋಡಿಕೊಳ್ಳಿ.
ಕೊನೆಗೆ ಮಟನ್ ಕರಿ ಜೊತೆ ಚಪಾತಿ, ರೋಟಿ, ಪರೋಟ ಜೊತೆಗೆ ಸೇವಿಸಿ.
