– ವಿಜಯದಶಮಿಯಂದು ಕಾರ್ಯಕರ್ತರನ್ನು ಉದ್ದೇಶಿಸಿ ಭಾಷಣ
– ಬಾಂಗ್ಲಾದೇಶ, ನೇಪಾಳ, ಫ್ರಾನ್ಸ್ ಪ್ರತಿಭಟನೆ ಉಲ್ಲೇಖ
– ಪ್ರತಿಭಟನೆಗಳು ರಾಜಕೀಯ ಹಿತಾಸಕ್ತಿಗಳ ಅಸ್ತ್ರವಾಗಿ ಬಳಕೆ
ನಾಗ್ಪುರ: ಪ್ರಭುತ್ವ ಬದಲಾವಣೆ(Regime Change) ಬಯಸುವ ಪಾಶ್ಚಿಮಾತ್ಯ ಶಕ್ತಿಗಳ ಅಂತಿಮ ಗುರಿ ಭಾರತವೇ ಆಗಿದೆ ಎಂದು ಆರ್‌ಎಸ್‌ಎಸ್ ಸರಸಂಘಚಾಲಕ ಮೋಹನ್ ಭಾಗವತ್(Mohan Bhagwat) ಮಂಗಳವಾರ ಎಚ್ಚರಿಸಿದ್ದಾರೆ.
ನಾಗ್ಪುರದಲ್ಲಿ ನಡೆದ ಆರ್‌ಎಸ್‌ಎಸ್‌ನ(RSS) ವಾರ್ಷಿಕ ವಿಜಯದಶಮಿ ಉತ್ಸವದಲ್ಲಿ ಶಾಸ್ತ್ರ ಪೂಜೆ ನೆರವೇರಿಸಿ ಮಾತನಾಡಿದ ಅವರು, ಬಾಂಗ್ಲಾದೇಶ, ನೇಪಾಳ, ಫ್ರಾನ್ಸ್ ಮತ್ತು ಅಲ್ಬೇನಿಯಾಗಳಲ್ಲಿ ಇತ್ತೀಚೆಗೆ ನಡೆದ ಪ್ರತಿಭಟನೆಗಳನ್ನು ಪ್ರಸ್ತಾಪಿಸಿದರು.
ಪ್ರತಿಭಟನೆಗಳು ಜನಸಾಮಾನ್ಯರ ಸಮಸ್ಯೆಗಳಿಗೆ ಪರಿಹಾರ ನೀಡುವ ಬದಲು, ರಾಜಕೀಯ ಹಿತಾಸಕ್ತಿಗಳ ಅಸ್ತ್ರವಾಗಿ ಸಮಾಜದಲ್ಲಿ ಒಡಕು ಮೂಡಿಸಲು ಬಳಕೆಯಾಗುತ್ತಿವೆ ಎಂದು ಅವರು ಕಳವಳ ವ್ಯಕ್ತಪಡಿಸಿದ್ದಾರೆ.
ತಮ್ಮ ಸ್ವಹಿತಾಸಕ್ತಿಗಳನ್ನು ಸಾಧಿಸಲು ಬಯಸುವ ಶಕ್ತಿಗಳು ರಾಜಕೀಯ ಸನ್ನಿವೇಶವನ್ನು ಬದಲಾಯಿಸಲು ಆಡಳಿತ ಬದಲಾವಣೆಯನ್ನು ಒಂದು ಅಸ್ತ್ರವಾಗಿ ಬಳಸಿಕೊಳ್ಳುತ್ತಿವೆ. ಆದರೆ ಆಡಳಿತ ಬದಲಾವಣೆಯಿಂದ ಪರಿಸ್ಥಿತಿ ಸುಧಾರಿಸುತ್ತದೆ ಎಂಬುದು ವಾಸ್ತವದಲ್ಲಿ ಎಂದಿಗೂ ಸಾಧ್ಯವಾಗಿಲ್ಲ ಎಂದು ಅವರು ಹೇಳಿದರು.
#WATCH | Nagpur, Maharashtra: At RSS’ Vijayadashami celebrations, RSS chief Mohan Bhagwat says, “A storm has swept in from the West to destroy all that is decent, auspicious, and rooted in cultural and human values. Even the developed nations are afflicted by this storm. See what is happening in France, Albania, Bangladesh, and Nepal. All this has been done by them. They say that a regime change will change the situation, but that has never happened; not now, not ever…India too is their target. Such attempts are being made in India as well. But due to the strong policies with which India has functioned in the last few decades under a strong leadership, and due to the new generation’s sense of pride in their country and their spirit to do something for the country, their game was shut down. These demonic forces know it. So, India is on their target. They attempt to break India, Hindus and Sangh, they call it ‘dismantling’. They even get help from like-minded elements; they get ambitious politicians for this. Our society is vast, and our country is still developing, so challenges persist…Protests must indeed happen, but they must be for a solution. Whether it is protesting groups, authorities enforcing law and order, or political leaders, no actions should create conflict, hatred, bitterness, or division within our united society. No matter how strong emotions run, our actions must stay within the boundaries of the Constitution, the law, and civil decorum…”
(Video: RSS)
— ANI (@ANI) October 20, 2026
ಭಾರತವು(India) ಹೆಚ್ಚು ಪ್ರಬಲವಾದರೆ ಅಂತಹ ಶಕ್ತಿಗಳ ಪ್ರಭಾವ ತಗ್ಗುತ್ತದೆ. ಇದೇ ಕಾರಣಕ್ಕೆ ದೇಶವನ್ನು ದುರ್ಬಲಗೊಳಿಸಲು ಮತ್ತು ವಿಭಜಿಸಲು ಯತ್ನಿಸಲಾಗುತ್ತಿದೆ ಎಂದು ಭಾಗವತ್ ಪ್ರತಿಪಾದಿಸಿದರು. ಜಾಗತಿಕ ಮಟ್ಟದಲ್ಲಿ ಕೆಲವು ಶಕ್ತಿಗಳು ಭಾರತ ಅಭಿವೃದ್ಧಿ ಹೊಂದಲಿ ಎಂದು ಬಯಸಿದರೂ, ಅದು ತನ್ನ ಪ್ರಾಬಲ್ಯಕ್ಕೆ ಸವಾಲಾಗುವಷ್ಟು ಶಕ್ತಿಶಾಲಿಯಾಗುವುದನ್ನು ಅವು ಸಹಿಸುವುದಿಲ್ಲ ಎಂದರು.
ಪ್ರಜಾಪ್ರಭುತ್ವದಲ್ಲಿ ಪ್ರತಿಭಟನೆಗಳು ಅನಿವಾರ್ಯ, ಆದರೆ ಅವುಗಳ ಉದ್ದೇಶ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವುದೇ ಹೊರತು ಸಮಾಜದಲ್ಲಿ ಕಂದಕವನ್ನು ಸೃಷ್ಟಿಸಬಾರದು ಎಂದು ಹೇಳಿದರು.
ಸಾರ್ವಜನಿಕ ಹಿತಾಸಕ್ತಿಯನ್ನು ಹೊರತುಪಡಿಸಿದ ಇತರ ಉದ್ದೇಶಗಳಿಂದ ಪ್ರೇರಿತವಾದಾಗ ಪ್ರತಿಭಟನೆಗಳು ರಾಜಕೀಯ ಅಸ್ತ್ರಗಳಾಗಿ ಮಾರ್ಪಡುತ್ತವೆ. ಇದು ವ್ಯಕ್ತಿಗಳು, ಗುಂಪುಗಳು ಅಥವಾ ಸಿದ್ಧಾಂತಗಳ ನಡುವೆ ದ್ವೇಷವನ್ನು ಹುಟ್ಟುಹಾಕುತ್ತದೆ. ಭಾವನೆಗಳು ಎಷ್ಟೇ ತೀವ್ರವಾಗಿದ್ದರೂ ಸಂವಿಧಾನದ ಮಿತಿಗಳು, ನಾಗರಿಕ ಸಾರ್ವಜನಿಕ ಚರ್ಚೆಯ ನಿಯಮಗಳು ಮತ್ತು ಸಭ್ಯ ನಡವಳಿಕೆಯ ಮಾನದಂಡಗಳನ್ನು ಪ್ರತಿಯೊಬ್ಬರೂ ಗೌರವಿಸಬೇಕು ಎಂದು ರಾಜಕೀಯ ನಾಯಕರು, ಪ್ರತಿಭಟನಾಕಾರರು ಮತ್ತು ಆಡಳಿತ ವರ್ಗಕ್ಕೆ ಅವರು ಕರೆ ನೀಡಿದರು.
ಮಾಹಿತಿ ಬಳಕೆಯ ವಿಚಾರದಲ್ಲಿ ಯುವಪೀಳಿಗೆಗೆ ಸೂಕ್ತ ವಿವೇಚನೆ ಅಗತ್ಯವಿದೆ ಎಂದು ಭಾಗವತ್ ಪ್ರತಿಪಾದಿಸಿದರು. ಒಟಿಟಿ (OTT) ಪ್ಲಾಟ್‌ಫಾರ್ಮ್‌ಗಳಲ್ಲಿ ಬರುತ್ತಿರುವ ನಿಯಂತ್ರಣವಿಲ್ಲದ ಕಂಟೆಂಟ್‌ಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಅವರು, ಸಮಾಜದ ಹಿತದೃಷ್ಟಿಯಿಂದ ಸರ್ಕಾರ ಸೂಕ್ತ ನಿಯಂತ್ರಣ ತರಲು ಪರಿಶೀಲಿಸಬೇಕೆಂದು ಒತ್ತಾಯಿಸಿದರು. ಈಗಾಗಲೇ ವಿಶ್ವದ ಹಲವು ರಾಷ್ಟ್ರಗಳು ಸಾಮಾಜಿಕ ಮಾಧ್ಯಮಗಳ ಮೇಲೆ ನಿಯಂತ್ರಣ ಹೇರಿದ್ದು, ಭಾರತದಲ್ಲೂ ಇಂತಹ ಕ್ರಮಗಳ ಅನಿವಾರ್ಯತೆ ಹೆಚ್ಚುತ್ತಿದೆ ಎಂದರು.
ಕೇವಲ ಭೌತಿಕ ಸುಖಗಳೇ ಸಮತೋಲಿತ ಅಭಿವೃದ್ಧಿಯಾಗಲಾರದು ಎಂದ ಅವರು, ವಿಜ್ಞಾನ ಮತ್ತು ತಂತ್ರಜ್ಞಾನಗಳು ಜೀವನಮಟ್ಟ ಸುಧಾರಿಸಲು ಕೇವಲ ಸಾಧನಗಳಷ್ಟೇ ಹೊರತು ಅದೇ ಅಂತಿಮ ಗುರಿಯಲ್ಲ ಎಂದರು. ಕೇವಲ ಭೋಗವಾದ ಮತ್ತು ಭೌತಿಕತೆಯ ಆಧಾರದ ಮೇಲಿನ ಅಭಿವೃದ್ಧಿಯು ಸಾಮಾಜಿಕ ಮತ್ತು ಮಾನವೀಯ ನಷ್ಟಕ್ಕೆ ಕಾರಣವಾಗಬಹುದು ಎಂದು ಅವರು ಎಚ್ಚರಿಸಿದರು. ಹಿಮಾಲಯ ಪ್ರದೇಶದಲ್ಲಿನ ಏಕಪಕ್ಷೀಯ ಅಭಿವೃದ್ಧಿಯೇ ಇತ್ತೀಚೆಗೆ ನೇಪಾಳದಲ್ಲಿ ಸಂಭವಿಸಿದ ವಿನಾಶಕಾರಿ ಪ್ರವಾಹಕ್ಕೆ ಭಾಗಶಃ ಕಾರಣ ಎಂದು ಅವರು ಉಲ್ಲೇಖಿಸಿದರು.
ಇದೇ ವೇಳೆ, ಮಾದಕ ವ್ಯಸನವು ದೇಶದ ಗಂಭೀರ ಸಮಸ್ಯೆಯಾಗಿದ್ದು, ಸರ್ಕಾರ ಮತ್ತು ಸಮಾಜವು ಸಮಯಕ್ಕೆ ಸರಿಯಾಗಿ ಎಚ್ಚೆತ್ತುಕೊಂಡು ಪರಿಹಾರ ಕಂಡುಕೊಳ್ಳಬೇಕು ಎಂದು ಭಾಗವತ್ ಕರೆ ನೀಡಿದರು. ಪೋಷಕರು ಮತ್ತು ಹಿರಿಯರು ಯುವಪೀಳಿಗೆಗೆ ಒಳ್ಳೆಯ-ಕೆಟ್ಟದ್ದನ್ನು ಗ್ರಹಿಸುವ ವಿವೇಚನೆಯನ್ನು ಕಲಿಸಬೇಕು ಎಂದು ಅವರು ಕಿವಿಮಾತು ಹೇಳಿದರು.
