ದುಬೈ: ಒಂದಂತದಲ್ಲಿ 10 ಓವರ್‌ಗಳಿಗೆ 91 ರನ್‌ ಗಳಿಸಿ ಬೃಹತ್‌ ಮೊತ್ತ ಪೇರಿಸುವ ಉತ್ಸಾಹದಲ್ಲಿದ್ದ ಪಾಕಿಸ್ತಾನ ತಂಡಕ್ಕೆ ಶಿವಂ ದುಬೆ ಮಕ್ಕರ್‌ ಮಾಡಿದ್ದರು. ಆದ್ರೆ ಕೊನೆಯ ನಾಲ್ಕು ಓವರ್‌ಗಳಲ್ಲಿ ಭಾರತ ಬಿಟ್ಟುಕೊಟ್ಟ 50 ರನ್‌ಗಳಿಂದ ಪಾಕಿಸ್ತಾನ ಸ್ಪರ್ಧಾತ್ಮಕ ಮೊತ್ತ ದಾಖಲಿಸುವಲ್ಲಿ ಯಶಸ್ವಿಯಾಯಿತು. ಡೆತ್‌ ಓವರ್‌ನಲ್ಲಿ ಸ್ಫೋಟಕ ಪ್ರದರ್ಶನದಿಂದಾಗಿ ಪಾಕ್ 20 ಓವರ್‌ಗಳಲ್ಲಿ 5 ವಿಕೆಟ್‌ ನಷ್ಟಕ್ಕೆ 171 ರನ್‌ ಗಳಿಸಿದ್ದು, ಭಾರತದ ಗೆಲುವಿಗೆ 172 ರನ್‌ಗಳ ಗುರಿ ನೀಡಿದೆ.
ಲೀಗ್‌ ಸುತ್ತಿನಲ್ಲಿ ಹೀನಾಯ ಸೋಲಿನಿಂದ ಕಂಗೆಟ್ಟಿದ್ದ ಪಾಕ್ ಇಂದು ಆರಂಭದಿಂದಲೇ ಸ್ಫೋಟಕ ಪ್ರದರ್ಶನಕ್ಕೆ ಇಳಿಯಿತು. ದುಬೈ ಕ್ರೀಡಾಂಗಣದಲ್ಲಿ ಟಾಸ್‌ ಸೋತು ಮೊದಲು ಬ್ಯಾಟಿಂಗ್‌ ಮಾಡಿದ ಪಾಕ್, ಸಾಹಿಬ್‌ಜಾದಾ ಫರ್ಹಾನ್ ಅರ್ಧಶತಕದ ನೆರವಿನಿಂದ 171 ರನ್‌ ಗಳಿಸಿತು. ಇದನ್ನೂ ಓದಿ: ಅಕ್ರಮ ಬೆಟ್ಟಿಂಗ್ ಆ್ಯಪ್ ಪ್ರಕರಣ – ಮಾಜಿ ಕ್ರಿಕೆಟಿಗ ಯುವರಾಜ್ ಸಿಂಗ್ ಸೇರಿ ಮೂವರಿಗೆ ಇಡಿ ಸಮನ್ಸ್
ಪಾಕ್ ಪರ ಆರಂಭಿಕನಾಗಿ ಕಣಕ್ಕಿಳಿದ ಫರ್ಹಾನ್ 45 ಎಸೆತಗಳಲ್ಲಿ 3 ಸಿಕ್ಸರ್‌, 5 ಬೌಂಡರಿ ಸಹಿತ 58 ರನ್‌ ಗಳಿಸಿ ಔಟಾದರು. ಇದರೊಂದಿಗೆ ಸೈಮ್‌ ಅಯೂಬ್‌ 21 ರನ್‌, ಫಖರ್‌ ಝಮಾನ್‌ 15 ರನ್‌, ಹುಸೇನ್‌ ಟಲಟ್‌ 10 ರನ್‌, ಮೊಹಮದ್‌ ನವಾಜ್‌ 21 ರನ್‌, ಸಲ್ಮಾನ್‌ ಅಘಾ 17 ರನ್‌ ಗಳಿಸಿದ್ರೆ ಕೊನೆಯಲ್ಲಿ ಫಹೀಮ್‌ ಅಶ್ರಫ್‌ ಸ್ಫೋಟಕ 20 ರನ್‌ ಚಚ್ಚಿದರು. ಇದನ್ನೂ ಓದಿ: ಪಾಕ್ ಜೊತೆ ಮಾತುಕತೆಗೆ ರಾಹುಲ್ ನಂಬಿಕೆ: ಆಫ್ರಿದಿ ಶ್ಲಾಘನೆ
ಭಾರತ ಕಳಪೆ ಫೀಲ್ಡಿಂಗ್‌
8 ಓವರ್‌ಗಳಲ್ಲಿ ಅಭಿಷೇಕ್‌ ಶರ್ಮಾ 3, ಕುಲ್ದೀಪ್ ಯಾದವ್‌ 1, ಮಿಸ್‌ಫೀಲ್ಡ್‌ನಿಂದಾಗಿ 5 ಕ್ಯಾಚ್‌ ಕೈಚೆಲ್ಲಲಾಗಿತ್ತು. ಇದು ಸಾಲದು ಅಂತ 19ನೇ ಓವರ್‌ನ 5ನೇ ಎಸೆತದಲ್ಲಿ ಶುಭಮನ್‌ ಗಿಲ್‌ ಕೈಗೆ ಬಂದ ಈಸಿ ಕ್ಯಾಚನ್ನ ಕೈಚೆಲ್ಲಿದರು. ಇದು ಪಾಕ್‌ಗೆ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಲು ನೆರವಾಯಿತು.
ಟೀಂ ಇಂಡಿಯಾ ಪರ ಶಿವಂ ದುಬೆ 2 ವಿಕೆಟ್‌ ಕಿತ್ತರೆ, ಹಾರ್ದಿಕ್‌ ಪಾಂಡ್ಯ, ಕುಲ್ದೀಪ್ ಯಾದವ್‌ ತಲಾ ಒಂದೊಂದು ವಿಕೆಟ್‌ ಪಡೆದರು. ಇದನ್ನೂ ಓದಿ: ಕೈಗೆ ಬಂದ ಕ್ಯಾಚ್‌ ಬಿಟ್ಟ ಕುಲ್ದೀಪ್, ಅಭಿ – ಪವರ್‌ ಪ್ಲೇನಲ್ಲೇ 34 ರನ್‌ ಚಚ್ಚಿಸಿಕೊಂಡ ಬುಮ್ರಾ
