ನಾನು ಇನ್ಮುಂದೆ ಸೆಕ್ಸ್ ಮಾಡುವುದಿಲ್ಲ, ನನ್ನ ದೇಹ ಈಗ ದೇಗುಲವಾಗಿದೆ: ರಾಖಿ ಸಾವಂತ್

Public TV
1 Min Read
rakhi sawant 4

ಮುಂಬೈ: ನಾನು ಇನ್ಮುಂದೆ ಸೆಕ್ಸ್ ಮಾಡುವುದಿಲ್ಲ. ನನ್ನ ದೇಹ ಈಗ ದೇಗುಲವಾಗಿದೆ ಎಂದು ರಾಖಿ ಸಾವಂತ್ ಹೊಸದೊಂದು ಹೇಳಿಕೆ ನೀಡುವ ಮೂಲಕ ಬಾಲಿವುಡ್‍ನಲ್ಲಿ ಸಂಚಲನ ಮೂಡಿಸಿದ್ದಾರೆ.

ರಾಖಿ ಸಾವಂತ್ ಅವರ ವಿಡಿಯೋವೊಂದು ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ರಾಖಿ ನಟಿ ತನುಶ್ರೀ ದತ್ತಾ ಯಾಕೆ ತಲೆ ಕೂದಲು ಬೋಳಿಸಿದ್ದರು ಎಂಬುದನ್ನು ಹೇಳಿದ್ದಾರೆ. ನಾನು ಸಾಕ್ಷಾತ್ ದೇವರ ಸ್ವರೂಪ. ನಾನು ಈಗ ಬದಲಾಗಿದ್ದೇನೆ. ಈಗ ನಾನು ದೇವರ ಧ್ಯಾನದಲ್ಲಿ ಮಗ್ನಳಾಗಿದ್ದೇನೆ. ಖ್ಯಾತ ಗಾಯಕ ಮಿಕಾ ಸಿಂಗ್ ನನಗೆ ಕಿಸ್ ಮಾಡಿದ್ದ ಕಾರಣ ನನ್ನ ಮೇಲಿನ ಪ್ರೀತಿಗೆ ತನುಶ್ರೀ ತಲೆಕೂದಲು ಬೋಳಿಸಿ ಆಶ್ರಮಕ್ಕೆ ಹೋಗಿದ್ದಳು ಎಂದು ರಾಖಿ ವಿಡಿಯೋದಲ್ಲಿ ಹೇಳಿದ್ದಾರೆ.

rakhi sawant 2

ಮಿಕಾ ಸಿಂಗ್ ನನಗೆ ಕಿಸ್ ಮಾಡಿದ್ದು ತನುಶ್ರೀಗೆ ಇಷ್ಟವಿರಲಿಲ್ಲ. ನನ್ನನ್ನು ಬಿಟ್ಟು ನಿನಗೆ ಯಾರೂ ಕಿಸ್ ಮಾಡಬಾರದು ಎಂದು ತನುಶ್ರೀ ಹೇಳಿದ್ದರು. ಆದರೆ ಈಗ ನಾನು ದೇವರಲ್ಲಿ ಮಗ್ನಳಾಗಿದ್ದೇನೆ. ನಾನು ಈಗ ಸೆಕ್ಸ್ ಕೂಡ ಮಾಡುವುದ್ದಿಲ್ಲ, ನೇರವಾಗಿ ಮದುವೆಯಾಗುತ್ತೇನೆ. ನನ್ನ ದೇಹ ಈಗ ದೇವಾಲಯದ ಸಮ. ಹಾಗಾಗಿ ನನಗೆ ಇದು ಸ್ವಚ್ಛತೆಯಿಂದ ಕಾಪಾಡಬೇಕು. ನನ್ನೊಳಗೆ ಈಗ ದೇವರು ನೆಲೆಸಿದ್ದಾನೆ ಎಂದು ತಿಳಿಸಿದ್ದಾರೆ.

Rakhi Sawanth 1

ನೀವೆಲ್ಲರೂ ಯೋಚಿಸುತ್ತಿರಬಹುದು ಒಂದು ಹುಡುಗಿ ಮತ್ತೊಂದು ಹುಡುಗಿಯನ್ನು ಹೇಗೆ ಅತ್ಯಾಚಾರ ಮಾಡಲು ಸಾಧ್ಯ ಎಂದು? ಆದರೆ ತನು ಒಬ್ಬಳು ಸಲಿಂಗಕಾಮಿ. ಆಕೆ ಒಳಗೆ ಒಬ್ಬ ಪುರುಷನಿದ್ದಾನೆ. ತನು ನನಗೆ ರೇವ್ ಪಾರ್ಟಿಗೆ ಕರೆದುಕೊಂಡು ಹೋಗುತ್ತಿದ್ದಳು. ಅಲ್ಲಿ ಆಕೆ ನಶೆಯ ಪದಾರ್ಥಗಳನ್ನು ತೆಗೆದುಕೊಳ್ಳುತ್ತಿದ್ದಳು. ಹಾಗಾಗಿ ನಾನು ಆಕೆಯಿಂದ ದೂರ ಹೋದೆ ಎಂದು ರಾಖಿ ಸಾವಂತ್ ವಿಡಿಯೋದಲ್ಲಿ ಹೇಳಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

Share This Article
Leave a Comment

Leave a Reply

Your email address will not be published. Required fields are marked *