– ಲೋಕಸಭೆಯಲ್ಲಿ ಹರ್ದೀಪ್ ಪುರಿ ಹೆಸರನ್ನು ಪ್ರಸ್ತಾಪಿಸಿದ್ದ ರಾಹುಲ್
ನವದೆಹಲಿ: ನಾನು 3-4 ಬಾರಿ ಜೆಫ್ರಿ ಎಪ್ಸ್ಟೀನ್ನ್ನು (Jeffrey Epstein) ಭೇಟಿಯಾಗಿದ್ದೆ ಎಂದು ಕೇಂದ್ರ ಪೆಟ್ರೋಲಿಯಂ ಖಾತೆಯ ಸಚಿವ ಹರ್ದೀಪ್ ಸಿಂಗ್ ಪುರಿ (Hardeep Singh Puri) ಹೇಳಿದ್ದಾರೆ.
ವಿಪಕ್ಷ ನಾಯಕ ರಾಹುಲ್ ಗಾಂಧಿ (Rahul Gandhi) ಆರೋಪ ಮಾಡಿದ ಬೆನ್ನಲ್ಲೇ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಅಂತರರಾಷ್ಟ್ರೀಯ ಶಾಂತಿ ಸಂಸ್ಥೆ (IPI) ನಿಯೋಗದ ಜೊತೆ ತೆರಳಿದ್ದಾಗ ನಾನು ಭೇಟಿ ಮಾಡಿದ್ದೇನೆ ಎಂದು ತಿಳಿಸಿದರು.
ಐಪಿಐಗೆ ಸಂಬಂಧಿಸಿದ ಆಯೋಗದಲ್ಲ ಸೇವೆ ಸಲ್ಲಿಸುತ್ತಿದ್ದಾಗ ಈ ಸಭೆ ನಡೆದಿದೆ. ಐಪಿಐ ಬಾಸ್ ಟೆರ್ಜೆ ರಾಡ್-ಲಾರ್ಸೆನ್ ಅವರು ಎಪ್ಸ್ಟೀನ್ನನ್ನು ತಿಳಿದಿದ್ದರು. ಇವರು ನನ್ನನ್ನು ಆತನಿಗೆ ಪರಿಚಯಿಸಿದ್ದರು. ನಿಖರವಾಗಿ ಹೇಳಬೇಕೆಂದರೆ 3 ಅಥವಾ 4 ಬಾರಿ ನಿಯೋಗದ ಭಾಗವಾಗಿ ಭೇಟಿಯಾಗಿರಬಹುದು. ಆತ ಎಸಗಿರುವ ಅಪರಾಧಗಳಿಗೆ ಮತ್ತು ನಮ್ಮ ಸಂವಹನಗಳಿಗೆ ಯಾವುದೇ ಸಂಬಂಧವಿಲ್ಲ. ಆತನ ಜೊತೆ ಒಂದು ಬಾರಿ ಮಾತ್ರ ನಾನು ಕೆಲಸ ಮಾಡುತ್ತಿದ್ದ ಸಂಸ್ಥೆಯ ವಿಚಾರವಾಗಿ ಸಂವಹನ ನಡೆಸಿದ್ದೇನೆ ಎಂದು ಸ್ಪಷ್ಟನೆ ನೀಡಿದರು. ಇದನ್ನೂ ಓದಿ: ಅಮೆರಿಕ ಜೊತೆ ವ್ಯಾಪಾರ ಒಪ್ಪಂದ| ಭಾರತ ಮಾತೆಯನ್ನು ಮಾರಾಟ ಮಾಡಿದ್ದೀರಿ, ನಿಮಗೆ ನಾಚಿಕೆ ಇಲ್ಲ: ಬಿಜೆಪಿ ವಿರುದ್ಧ ರಾಗಾ ವಾಗ್ದಾಳಿ
VIDEO | Delhi: “As part of the delegation of IPI or ICMS, I met Epstein on a few occasions,” says Union Minister Hardeep Singh Puri, refuting Rahul Gandhi’s charges.
(Full video available on PTI Videos – https://t.co/n147TvrpG7) pic.twitter.com/IHIEjkIMp5
— Press Trust of India (@PTI_News) February 11, 2026
ಮೇ 2009 ರಲ್ಲಿ ನಾನು ನ್ಯೂಯಾರ್ಕ್ನಲ್ಲಿ ವಿಶ್ವಸಂಸ್ಥೆಯಲ್ಲಿ ಭಾರತದ ರಾಯಭಾರಿಯಾಗಿ ಸೇರಿದಾಗಿನಿಂದ 2017 ರಲ್ಲಿ ನಾನು ಸಚಿವನಾಗುವವರೆಗಿನ ಅವಧಿಯನ್ನು ಒಳಗೊಂಡಂತೆ ಮೂರು ಮಿಲಿಯನ್ ಇಮೇಲ್ಗಳನ್ನು ಬಿಡುಗಡೆ ಮಾಡಲಾಗಿದೆ. ಈ ಅವಧಿಯಲ್ಲಿ, ಕೇವಲ ಮೂರು ಅಥವಾ ನಾಲ್ಕು ಸಭೆಗಳ ಉಲ್ಲೇಖಗಳಿವೆ. ನನ್ನ ಸಂವಹನಗಳು ಸಂಪೂರ್ಣವಾಗಿ ವೃತ್ತಿಪರವಾಗಿದ್ದವು. ಸ್ವತಂತ್ರ ಆಯೋಗ ಮತ್ತು ಇತರ ಅಂತರರಾಷ್ಟ್ರೀಯ ಕೆಲಸಗಳಿಗೆ ಸಂಬಂಧಿಸಿದಂತೆ ಭೇಟಿಯಾಗಿದ್ದೆ. ಈ ಭೇಟಿಗೆ ಸಂಬಂಧಿಸಿದ ಎಲ್ಲಾ ವಿವರಗಳು ಈಗಾಗಲೇ ಸಾರ್ವಜನಿಕವಾಗಿ ಲಭ್ಯವಿದೆ ಎಂದು ಸಚಿವರು ತಿಳಿಸಿದರು. ಇದನ್ನೂ ಓದಿ: ಲೋಕಸಭಾ ಸ್ಪೀಕರ್ ವಿರುದ್ಧ ಅವಿಶ್ವಾಸ ನಿರ್ಣಯ ಮಂಡನೆ – ಮಾ.9 ರಂದು ಚರ್ಚೆ ಸಾಧ್ಯತೆ
There is a certain businessman (Anil Ambani) whose name has appeared in the Epstein files, and that businessman is not in jail. There are criminal cases against him.
: LoP Shri @RahulGandhi in Lok Sabha pic.twitter.com/PAe0n4S80d
— Congress (@INCIndia) February 11, 2026
ರಾಹುಲ್ ಹೇಳಿದೇನು?
ಉದ್ಯಮಿ ಅನಿಲ್ ಅಂಬಾನಿ ಜೈಲಿನಲ್ಲಿ ಏಕೆ ಇಲ್ಲ ಎಂದು ಕೇಳಲು ಬಯಸುತ್ತೇನೆ? ಕಾರಣವೆಂದರೆ ಅವರ ಹೆಸರು ಎಪ್ಸ್ಟೀನ್ ಫೈಲ್ಸ್ನಲ್ಲಿದೆ. ಅವರನ್ನು ಎಪ್ಸ್ಟೀನ್ಗೆ ಪರಿಚಯಿಸಿದ ಹರ್ದೀಪ್ ಪುರಿಯವರನ್ನು ನಾನು ಕೇಳಲು ಬಯಸುತ್ತೇನೆ. ಅವರನ್ನು ಯಾರು ಪರಿಚಯಿಸಿದರು ಎಂದು ನನಗೆ ತಿಳಿದಿದೆ ಮತ್ತು ಹರ್ದೀಪ್ ಪುರಿ ಅವರನ್ನು ಯಾರು ಪರಿಚಯಿಸಿದರು ಎಂದು ನನಗೆ ತಿಳಿದಿದೆ ಎಂದು ಹೇಳಿದ್ದರು.
