ಬೆಂಗಳೂರು: ಶೃತಿ ಹರಿಹರನ್ ಮೀಟೂ ಆರೋಪಕ್ಕೆ ಸಂಬಂಧಿಸಿದಂತೆ ನಾನು ನಟ ಅರ್ಜುನ್ ಸರ್ಜಾ ವಿರುದ್ಧ ಯಾವುದೇ ಹೇಳಿಕೆ ನೀಡಿಲ್ಲ ಎಂದು ರಂಗಿತರಂಗ ನಟಿ ಆವಂತಿಕಾ ಶೆಟ್ಟಿ ಹೇಳಿದ್ದಾರೆ.
ಈ ವೇಳೆ ನಾನು ಮೀಟೂ ಅಭಿಯಾನದ ಪರವಾಗಿ ಇದ್ದೇನೆ ಎಂದು ನಟಿ ಆವಂತಿಕಾ ಶೆಟ್ಟಿ ತಮ್ಮ ಟ್ವಿಟ್ಟರಿನಲ್ಲಿ ಸ್ಪಷ್ಟಪಡಿಸಿದ್ದಾರೆ.
ನಾನು ಮಾಧ್ಯಮಗಳ ಜೊತೆ ಮಾತನಾಡಿದ್ದನ್ನು ಕೆಲ ಚಾನೆಲ್ಗಳಲ್ಲಿ ತಪ್ಪಾಗಿ ತೋರಿಸಲಾಗಿದೆ. ನಾನು ಮೀಟೂ ಪರವಾಗಿದ್ದೇನೆ ಎಂಬುದನ್ನು ನಾನು ಎಲ್ಲರನ್ನೂ ಅರ್ಥ ಮಾಡಿಸಬೇಕು. ನನ್ನ ಹಾಗೂ ಅರ್ಜುನ್ ಸರ್ಜಾ ಅವರ ನಡುವೆ ಉತ್ತಮ ಸಂಬಂಧವಿದೆ. ಅರ್ಜುನ್ ಸರ್ಜಾ ಅವರು ನನಗೆ ಸಾಕಷ್ಟು ಗೌರವ ನೀಡಿದ್ದಾರೆ. ಹೀಗಾಗಿ ನಾನು ಅರ್ಜು ಸರ್ಜಾ ಅವರ ವಿರುದ್ಧವಾಗಿ ಯಾವುದೇ ಹೇಳಿಕೆ ನೀಡಿಲ್ಲ ಎಂದು ಟ್ವೀಟ್ ಮಾಡಿ ಸ್ಪಷ್ಟಪಡಿಸಿದ್ದಾರೆ.
My interaction wid media has been misquoted on some channels.Would request everybody 2 understand tht while m for #MeToo,my interaction in personal capacity wid Mr Arjun Sarja was brief&pleasant. He made feel comfortable&respected.I certainly wud nt&have nt commented against him.
— Avantika Shetty (@avantikashetty1) October 22, 2018
ನಟಿ ಶೃತಿ ಹರಿಹರನ್, ಅರ್ಜುನ್ ಸರ್ಜಾ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪಗಳನ್ನು ಹೊರಿಸಿದ್ದರು. ಈ ವೇಳೆ ಸಾಕಷ್ಟು ನಟಿಯರು ಶೃತಿ ಪರವಾಗಿ ನಿಂತರು. ಇನ್ನೂ ಕೆಲವು ಕಲಾವಿದರು ಅರ್ಜುನ್ ಪರವಾಗಿ ನಿಂತಿದ್ದರು. ಆವಂತಿಕಾ ಮೀಟೂ ಬಗ್ಗೆ ಮಾತನಾಡಿದ್ದರು. ಮೀಟೂ ಪರವಾಗಿ ಮಾತನಾಡಿದ್ದನ್ನು ಕೆಲ ಮಾಧ್ಯಮಗಳು ತಪ್ಪಾಗಿ ಅರ್ಥೈಸಿ ಅರ್ಜುನ್ ಸರ್ಜಾ ವಿರುದ್ಧ ಆವಂತಿಕಾ ಮಾತನಾಡಿದ್ದಾರೆ ಎಂದು ವರದಿ ಪ್ರಸಾರವಾಗಿತ್ತು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
